Gálatas 2:9 - Mixteco Metlatónoc

⁹ Ra ra Jacobo, xiꞌin ra Pedro, xiꞌin ra Juan kuvi ndia kunaꞌnu, ra ndakuni mii va ndia ña vaꞌa ña taxi Tata yo Ndioxi ndaꞌa yu, ra saa ndatiin ndia ndaꞌa yu, ra saa tu ndaꞌa ra Bernabé va. Ra ña xa ndia saa, ra ndia ndakiꞌin mani va kuvi ndia nduꞌu, ra kuni kachi tu ña, ña iyoo yuꞌu ndia xiꞌin va ndi ña kuꞌun ndi ndia kaꞌan ndoso nuu yuvi na küu judío, ra mii tu ndia kindoo kuꞌun kaꞌan ndoso nuu na judío va.

Gálatas 2:9 Referans Kwoze

Romanos 12:3

Ra na kundaa ini ndo, chi xaꞌa ña vaꞌa xa Ndioxi xiꞌin yu ña ^xachiñu yu nuu va ra ke, kuu mii yu ndiayu ña ^kaꞌan yu xiꞌin ndo vichin, ra ndia nii ndo na ndakäni ini ña vaꞌa ni ndo nuu inka yuvi. Chi ña xiniñuꞌu sa ta iin iin ndo ke vivii va na kiꞌin xini ndo, ra ta kuꞌva iyoo mii ña taxi Ndioxi ndaꞌa ndo xaꞌa ña ndiaa ini ndo ra ke na sa va ndo.

Apocalipsis 3:12

Ra na kuchuun sakanaa nuu ña väꞌa, ra ndasa yu na siꞌin veꞌe ñuꞌu Tata yu Ndioxi, ra ndia nii ka kii kutiäꞌa na ikan, ra tiaa yu kivi Tata yu Ndioxi sata na, ra kunduꞌu tu kivi ñuu va ra sata ná, ñuu xaa, ña nani Jerusalén, ña kee chi ndivi nuu iyoo Ndioxi ra nduxinu ña; ra kunduꞌu tu kivi yuꞌu, ña xaa va, sata na.

Gálatas 2:2

Ra ña ndixaꞌan yu ñuu Jerusalén, ra mii va Ndioxi kuvi ra xaꞌndia chiñu nuu yu ña ndixaꞌan yu. Ra ndakutaꞌan yu xiꞌin takua ndia kunaꞌnu nuu na ñani yo veꞌe ñuꞌu ñuu Jerusalén. Ra ikan kuvi ña ndakani ikun yu nuu ndia xaꞌa ña xika yu kaꞌan ndoso yu tuꞌun vaꞌa xaꞌa Tata yo Jesucristo, nuu yuvi na küu judío. Ra ña xa yu suꞌva ra xaꞌa ña vaꞌa na koo yuꞌu ndia xiꞌin yu xaꞌa chiñu ña ^xa va yu kuvi ña, saa chi ña nindiꞌi ini yu ke köo yuꞌu ndia xiꞌin vi yu, ra tu saa ndixa ndia, saa ra köo yaꞌvi ndia vi ña ^xa yu.

Romanos 1:5

Ra nuu Jesucristo va ke ndiniꞌi táꞌvi̱ yu ña sachiñu yu nuu ra, ra kaꞌan ndoso yu nuu takundiꞌi na yuuvi yoꞌo xaꞌa ra, ña vaꞌa na ndakundikun na ra, ra kandixa na ra, ña vaꞌa na sa toꞌo na ra.

1 San Juan 1:3

Ra ña xini soꞌo ndi tuꞌun ña ndikaꞌan ra, xiꞌin ña xini nuu ndi ra kuvi ña ndatuꞌun ndi xiꞌin ndo, ña vaꞌa iin na kuu ndo xiꞌin ndi, ta kuꞌva iyoo nduꞌu ña ndinuni ni itaꞌan ndi xiꞌin Tata yo, ra iyoo ndivi ña kuu ndi iin xiꞌin ra, ra saa tu xiꞌin Tata yo Jesucristo ra kuu seꞌe va ra.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

1 Timoteo 3:15

ña vaꞌa na kundaa ini kun ndia kuꞌva ke xiniñuꞌu sa ndoꞌo na veꞌe Tata yo Ndioxi tu na kuachi yu. Ra ndoꞌo kuvi na kuu na veꞌe ñuꞌu Tata yo Ndioxi ra tiaku va, ra ^kuu tu ndo ndiee xaꞌa veꞌe ñuꞌu xiꞌin siꞌin va ña, saa chi ndakuiin ndo xaꞌa tuꞌun ña ndaa.

Colosenses 1:29

Ra xaꞌa ña yoꞌo kuvi ña xachiñu va yu, ra mii Tata yo Jesucristo va kuvi ra ^taxi ndiee ndaꞌa yu, ña vaꞌa ndundaku ini yu ña vaꞌa chikaa yu ndiee.

Efesios 2:20

Ra ta iyoo iin veꞌe chee ña sakan ^xavaꞌa Ndioxi va kuvi ña iyoo ndo; ra ndia xika chiñu nuu Jesucristo, xiꞌin ndia ndikaꞌan ndoso tuꞌun yuꞌu Ndioxi xinaꞌa, ra ta kuꞌva iyoo yuu ña xakin xaꞌa na veꞌe va kuvi ña iyoo ndia kan, saa chi ndia kan kuvi ndia sañaꞌa yuvi xaꞌa tuꞌun Ndioxi, ra sata tuꞌun kan va kuvi ña ^kuvaꞌa ndoꞌo vichin, saa chi xa ^kandixa va ndo tuꞌun ña ndikaꞌan ndoso ndia; ra mii Jesucristo va kuvi ra kuu yuu kaꞌnu ña kuu ndiee xaꞌa veꞌe kan.

2 Corintios 8:4

Ra xaku ndaꞌvi ni na nuu ndi ña na kuiin ndi kiꞌin ndi xuꞌun ña chindiee taꞌan ndi xiꞌin na ñani yo.

1 Corintios 15:10

Ndi su xaꞌa ña ndaꞌvi ini Ndioxi va ke iyoo yu ta kuꞌva iyoo yu vichin, ra xaꞌa ña kundaꞌvi ini ra xini ra yuꞌu kuvi tu ña chindiee taꞌan ra xiꞌin yu ña vaꞌa xa yu chiñu ña xa va yu, ra ndiee ni ka va xachiñu yuꞌu nuu takundiꞌi va ndia xika chiñu nuu Tata yo Jesucristo; ndi su süvi yuꞌu kuvi ra ndixachiñu chi Ndioxi va kuvi ra chindiee taꞌan xiꞌin yu xa yu ña, xaꞌa ña ^kundaꞌvi ini ra yuꞌu.

Romanos 15:15

Ndi su ^xa ndaku va ini yu, ña ^tiaa yu tutu yoꞌo ña kuxaa ña nuu ndo, ña vaꞌa na näa ini ndo xaꞌa ña kaꞌan yu xiꞌin ndo. Ra ña ^xa yu suꞌva, ra Ndioxi va kuvi ra ndikaxin yuꞌu xaꞌa ña tiáyú ni ini ra,

Hechos 15:13

Ra ta sandiꞌi ndia ndikaꞌan ndia, ra saa ndikaꞌan ra Jacobo, kachi ra saa: ―Ñani yo, tiaa soꞌo ndo, na kaꞌan yu xiꞌin ndo:

Hechos 15:7

Ra te xa kuaꞌan kunaꞌa ni ndatuꞌun kuachi ndia xaꞌa chiñu kan, saa ra ndakundichi va ra Pedro ndikaꞌan ra xiꞌin ndia kachi ra saa: ―Ñani yo, xa kundaa ini takundiꞌi va ndo ña ndikaxin Ndioxi yuꞌu tiañu ndo, ña kuꞌun yu kaꞌan ndoso yu tuꞌun vaꞌa xaꞌa Jesús nuu yuvi na küu judío, ña vaꞌa na kandixa na.

Hechos 4:36

ta kuꞌva xa iin ra xitaꞌan xiꞌin na, ra xinani José. Ra ra José yoꞌo ra kuenda na Leví va kuvi ra, ra ñuꞌu loꞌo ña ndikaa niꞌni nuu mini ña nani Chipre ke kee ra, ra Bernabé va ndachinduꞌu ndia xitaꞌan xiꞌin Jesús kivi ra, ra tuꞌun yoꞌo, ra ra chikaa ndiee xiꞌin inka yuvi kachi ña.

San Mateo 16:18

Ra yuꞌu tu, kaꞌan xiꞌin kun vichin, ña ndakunani kun Pedro. Ra tuꞌun “Pedro” yoꞌo, ra “yuu” va ke kachi ña. Ra sata yoꞌo ke kata yu yuvi na ndikun yuꞌu, ra ndia nii ñaꞌa kuchüun sandiꞌi xaꞌa na, ra nii ña ndii ña xaꞌni yuvi kuchüun sa tiaa nuu na.

San Lucas 22:8

ra saa ndikaꞌan Jesús xiꞌin ra Pedro, xiꞌin ra Juan, kachi ra saa: ―Kuaꞌan ndo, ra savii ndo ña kuxini yo viko pascua vichin ―kachi ra.

San Juan 1:42

Ra saa ndiaka ra Andrés ra Simón ñani ra ndixaa ra nuu Jesús. Ra ta xini Jesús ra Simón, ra saa ndikaꞌan ra xiꞌin ra kachi ra saa: ―Yoꞌo kuvi Simón, seꞌe ra Jonás, ra vichin ndakunani kun Cefas ―kachi ra xiꞌin ra. Ra tuꞌun Cefas yoꞌo, ra Pedro va ke kachi ña.

Hechos 12:17

Ra saa ndixika ndaꞌa ra nuu na, ña na koo taxin yuꞌu na, ra saa nandiꞌvi ra veꞌe xiꞌin na, ra xaꞌa ra ndakani ra nuu na ndia kuꞌva ke xa Ndioxi ña tava ra ra veꞌe kàà. Ra ndikaꞌan ra xiꞌin na, kachi ra saa: ―Ndatuꞌun ndo ña yoꞌo xiꞌin ra Jacobo, ra saa tu xiꞌin takundiꞌi na taꞌan yo na ndikun Jesús va ―kachi ra. Ndia saa ra ndakiꞌin ra kuaꞌan ra inka ñuu va.

2 Corintios 11:5

Ra ña ^kandixa ndo ña ^kaꞌan ndia, ra xatoꞌo ni ka va ndo ndia nuu yuꞌu. Ndi su ña tuvi yuꞌu, ra inuu ka va yuꞌu loꞌo nuu ndia kan, ra vaꞌa ni naꞌnu ni va tu ndia tuvi mii ndia.

2 Corintios 12:11

Ra ra ndiyaꞌa xini va kuvi yu, ña ndikaꞌan vaꞌa yu xaꞌa mii yu, ndi su ndoꞌo va kuvi ndo xa nduxa xiꞌin yu, ña xa yu saa. Saa chi ndoꞌo va kuvi ndo xiniñuꞌu kaꞌan vaꞌa xaꞌa yu; chi inuu ndiaa yaꞌvi va yu, xiꞌin ndia kaꞌan kuu ndia naꞌnu, ndia ndikun ndo, ra vaꞌa ni köo va yaꞌvi ndiaa yu.

Gálatas 1:16

saa chi ndañaꞌa va ra Jesucristo ra kuu seꞌe ra nuu yu, ña vaꞌa na kaka yu kaꞌan ndoso yu tuꞌun vaꞌa xaꞌa ra, nuu yuvi na küu judío. Ra ta ndixaa kii ndixinu nuu ña yoꞌo, ra ndia nii yuvi nindäkatuꞌun yu ña sakuaꞌa na yuꞌu,

Gálatas 1:18

Ra ndixäꞌan yachi vi yu ñuu Jerusalén, chi ndia ta ndiyaꞌa uni kuiya vi ke ndixaꞌan yu; ra saa vi ke xinitaꞌan yu xiꞌin ra Pedro, ra kuachi yu xaꞌun kii xiꞌin ra.

Gálatas 2:1

Ra saa kuu ndiyaꞌa uxi kumi kuiya, ra saa ndixaꞌan tuku va yu ñuu Jerusalén, ra ndixaꞌan tu ra ñani yo Bernabé va xiꞌin yu, ra saa tu ra ñani yo Tito va.

Gálatas 6:3

Saa chi tu na ndakani ini ndo ña kuu ndo na xiniñuꞌu ni, ra küvi chindiee taꞌan ndo xiꞌin inka yuvi, saa ra na sandaꞌvi mii va kuvi ndo, saa chi kuëe kuu vi ndo yuvi na xiniñuꞌu ni.