Gálatas 2:3 - Mixteco Metlatónoc

³ Ra ta ndiꞌi ndakani yu nuu ndia, ra ndakoo yuꞌu va ndia xiꞌin yu, ra vaꞌa ni süvi ra judío va kuvi ra ñani yo Tito, ndi su ndïxa nduxa vi ndia xiꞌin ra ña kakin ndia tuni Ndioxi iki kuñu ra.

Gálatas 2:3 Referans Kwoze

Hechos 16:3

Saa ra kindoo va ini ra Pablo ña kuꞌun ra Timoteo xiꞌin ra, ra saa chikaa ra tuni Ndioxi ra Timoteo ña vaꞌa kuëe väꞌa na kuni na judío na ndee nuu kuꞌun ndia kuni na ra, saa chi xini ndiꞌi va na iva ra ña kuu ra, ra griego.

2 Corintios 2:13

Ndi su ndiküvi kaꞌan ndoso yu nuu na, chi sandiꞌi ni va ña ini yu, saa chi köo ra ñani yo Tito ndixaa ndataxi ra chiñu nuu yu xaꞌa ndo, ra xaꞌa ña kan ke nindiayu taꞌan yu xiꞌin na ñuu Troas, ra ndakiꞌin yu kuaꞌan yu chi Macedonia va.

Hechos 15:24

Ra tiꞌvi ndi tutu yoꞌo xaa ña nuu ndo, saa chi xa kundaa va ini ndi ña ndixaa sava na kee yoꞌo, ña sataꞌan na ndoꞌo, ña kuni na sasana na ini ndo, ra ndikaꞌan na xiꞌin ndo ña xiniñuꞌu na koo tuni xini Ndioxi ndia tiaa, ra xiniñuꞌu tu kandixa ndo ndiayu ña tiaa ra Moisés va. Ra na kundaa ini ndo chi süvi nduꞌu kuvi ndi nditaxi ndiayu ndaꞌa na ña xaa na.

Gálatas 2:1

Ra saa kuu ndiyaꞌa uxi kumi kuiya, ra saa ndixaꞌan tuku va yu ñuu Jerusalén, ra ndixaꞌan tu ra ñani yo Bernabé va xiꞌin yu, ra saa tu ra ñani yo Tito va.

2 Timoteo 4:10

Saa chi ra Demas, ra ndakoo ndaꞌa va ra yuꞌu, saa chi ndakunisii ni ka va ra, ñaꞌa ña iyoo nuu ña yuuvi yoꞌo, ra ndakiꞌin ra kuaꞌan ra chi ñuu Tesalónica va. Ra ra Crescente, tiꞌvi yu kuaꞌan tu chi Galacia va, ra ra Tito tu tiꞌvi yu kuaꞌan chi Dalmacia va.

Tito 1:4

Ra ^tiaa yu tutu yoꞌo ña kuxaa ña ndaꞌa kun ñani Tito, ra iyoo ta kuꞌva iyoo seꞌe yu xaꞌa ña ndikun kun Tata yo Jesucristo, ra ña ^kuni yu ke vii ni na koo va kun, ra na koo ña vaꞌa, xiꞌin ña ndaꞌvi ini ña kuu mii Tata yo Ndioxi xiꞌin Tata yo Jesucristo xiꞌin kun.