Gálatas 1:5 - Mixteco Metlatónoc

⁵ Ra ra kaꞌnu ni na kuu Tata yo Ndioxi iin takundiꞌi kii, iin takundiꞌi tiempo. Saa koo.

Gálatas 1:5 Referans Kwoze

Romanos 11:36

Saa chi takundiꞌi ñaꞌa, ra mii va Ndioxi kuvi ra ^taxi ña, ra mii ra kuvi tu ra xavaꞌa va ña, ra xaꞌa mii ra ke kuvaꞌa va ña. ¡Ra ra kaꞌnu ni kuvi Tata yo Ndioxi ndia ndikaa ndikuꞌun! Amén.

Judas 1:25

Ra na ndasakaꞌnu yo Tata yo Ndioxi, saa chi indaa ra kan va kuvi Ndioxi, ra ^sakaku ra yoo xaꞌa ña xa Tata yo Jesucristo. Ra takundiꞌi ña kaꞌnu, xiꞌin ña toꞌo, xiꞌin ndiee, xiꞌin ndiayu, ra kuenda mii Tata yo Ndioxi kuvi takundiꞌi va ña ndia te yachi, ra saa tu vichin va, iin saa ndia ndikaa ndikuꞌun va. Saa koo.

Hebreos 13:21

ra mii ra kuvi tu ra na sañaꞌa ndoꞌo xiꞌin takundiꞌi ña kumani nuu va ndo, ña vaꞌa na sa ndo ña kuni ra. Ra xaꞌa ña xa Tata yo Jesucristo kuvi ña na sañaꞌa Tata yo Ndioxi ndoꞌo takundiꞌi chiñu vaꞌa ña kusii ini mii ra xiꞌin. ¡Ra ra kaꞌnu ni na kuu Tata yo Jesucristo ndia ndikaa ndikuꞌun! Saa koo.

Apocalipsis 14:7

Ra ndiee ka vi ^kaꞌan ra kachi ra saa: ―Yuꞌvi ini ndo kuni ndo Ndioxi ra ndasakaꞌnu ndo kivi ra, chi vichin ke xa ndixaa kii ña sandaku ra kuachi xiꞌin na yuuvi, ra na ndasakaꞌnu ndo ra, chi ra yoꞌo kuvi ra xavaꞌa ndivi, xiꞌin ñuꞌú, xiꞌin tiañuꞌu, xiꞌin nuu kana tiakuii ―^kachi ra tatun kan.

Apocalipsis 7:12

^kachi na saa: ¡Saa ke koo va! Kuenda Ndioxi ke kuu ña vaꞌa, ña kaꞌnu, ña ndichi, tuꞌun toꞌo ña kuu tixaꞌvi, xiꞌin ña toꞌo ña tiaku ini, xiꞌin ña ku ndiee, xiꞌin ña ndaku. Ra ña yoꞌo ku kuenda Ndioxi yo iin ndisaa kii, iin ndisaa tiempo. Amén, kachi na kaꞌan na.

Apocalipsis 5:12

Ra ndiee ka vi kaꞌan na ^kachi na saa: Ra kuu ndikachi loꞌo, ra ndoꞌo ni, ra ndisoko na ra Ra ra kan kuvi ra ku mii ndiayu niniꞌi taꞌvi ña ndakiꞌin ra ndiee xiꞌin ña kuika, xiꞌin ña ndichi, xiꞌin ña ndaku, xiꞌin ña toꞌo, xiꞌin ña kaꞌnu, xiꞌin ña kañuꞌu na ra, ^kachi na.

2 San Pedro 3:18

Ra ña xiniñuꞌu sa ndo ke na kunitaꞌan vaꞌa ka ndo xiꞌin Tata yo Jesucristo, ra ^sakaku yoo va, ra na sakuaꞌa ni ka tu ndo xaꞌa ña kuꞌvi ini ra xini ra yoo va. ¡Ra ra kaꞌnu ni na kuu Tata yo Jesucristo vichin, ra saa tu ndia ndikaa ndikuꞌun va! Saa koo.

1 San Pedro 5:11

Ra takundiꞌi ndiee xiꞌin ña kaꞌnu na kuu mii Tata yo Ndioxi, ndia ndikaa ndikuꞌun. Saa koo.

2 Timoteo 4:18

Ra kundaa kaxi va ini yu ña sakaku va Tata yo Jesucristo yuꞌu nuu ña väꞌa, ra kondiaa tu ra yuꞌu iin saa ndia kii, ña kuꞌun yu koo yu xiꞌin ra ndivi nuu xaꞌndia ra chiñu va. ¡Ra ra kaꞌnu ni na kuu Tata yo Jesucristo ndia ndikaa ndikuꞌun! Saa koo.

1 Timoteo 1:17

Ra xaꞌa ña kan ke iin takundiꞌi va kii na ndasakaꞌnu yo, ra satoꞌo yo indaa saa Tata yo Ndioxi, ra ndichi ni, ra xaꞌndia chiñu ndia ndikaa ndikuꞌun, ra ra kan, ra ndia nii kii küvi ra, ra nii küvi tu kuni nuu va yo ra. Saa iyoo ña.

Filipenses 4:20

¡Ra Ndioxi ra kuu Tata yo, ra ra kaꞌnu ni na kuu ra ndia ndikaa ndikuꞌun! Saa koo.

Efesios 1:12

Ra suꞌva va ke xa ra, ña vaꞌa na ndasakaꞌnu nduꞌu, na inuu ndakundiaa ini Cristo, kivi ra.

Romanos 16:27

¡Ra indaa Ndioxi ra ndichi kuvi ra; na ndasakaꞌnu yo, ra sa toꞌo yo ra iin takundiꞌi kii va, xaꞌa ña xa Tata yo Jesucristo! Ra saa ke koo va.

San Lucas 2:14

¡Kaꞌnu ni na koo Ndioxi ra iyoo ndivi! ¡Ra vaꞌa ni na koo na yuuvi yoꞌo, na ^xa ra ña vaꞌa xiꞌin! ―kachi na.

San Mateo 28:20

ra na sañaꞌa ndo na, ña na kandixa na takundiꞌi chiñu ña ^xaꞌndia yu nuu ndo. Ra na kundaa ini ndo, saa chi iin ndisaa kii va kuiin yu xiꞌin ndo, ra iin saa ndia te na ndiꞌi xaꞌa ña yuuvi yoꞌo ―*kachi Jesús xiꞌin ndia xitaꞌan xiꞌin ra. Saa koo.

San Mateo 6:13

Ra täxi kun koyo ndi ndaꞌa ña väꞌa; Chi na ndakiꞌin va kun nduꞌu ndaꞌa ña. Chi yoꞌo kuvi ra kaꞌnu xaꞌndia chiñu, ra kuu mii kun ndiee, ra xaꞌndia kun xaꞌa takundiꞌi va ñaꞌa, ndia ndikaa ndikuꞌun. Amén.

1 Corintios 8:13

Ra ña kan ke, tu xaꞌa ña xixi yu kuñu ña soko na nuu ndioxi ndii va ke sakoyo yu na ñani yo na iyoo vita ini ña sa na kuachi, saa ra na käxi vaꞌa ka vi yu ña, ra saa ke vaꞌa na sä na ñani yo kuachi.