Filemón 1:17 - Mixteco Metlatónoc

¹⁷ Ra ña kuu kun ñani yu, xaꞌa ña ndikun yo Tata yo Ndioxi, ra ta kuꞌva ^xa kun ña vii ni ndakiꞌin kun yuꞌu ke na sa tu kun xiꞌin ra yoꞌo va, ña vii ni na ndakiꞌin kun ra.

Filemón 1:17 Referans Kwoze

2 Corintios 8:23

Ra tu na ndakatuꞌun tu sava na ndoꞌo xaꞌa ra ñani yo Tito, ra na kaꞌan ndo xiꞌin na, ña kuu ra ra yutaꞌan xiꞌin yu ña xachiñu ndi nuu va ndo. Ra tu ndakatuꞌun tu na ndoꞌo xaꞌa sava ka ndia ñani yo ndia xaa, ra na kaꞌan ndo xiꞌin na ña kuu ndia ndia ndasakaꞌnu Cristo, ra mii va na veꞌe ñuꞌu kuvi na tiꞌvi ndia ña xaa ndia, na kachi ndo xiꞌin na.

San Mateo 10:40

Ra saa ndikaꞌan ka ra kachi ra saa: ―Yuvi na ndakiꞌin mani ndoꞌo, ra yuꞌu va kuvi ra ndakiꞌin mani na; ra na ndakiꞌin mani yuꞌu, ra Tata yu Ndioxi ra tiꞌvi yuꞌu vaxi va yu kuvi ra ndakiꞌin mani na.

Filemón 1:12

Ra xaꞌa ña kan ke tuku va ^ndatiꞌvi yu ra, ña xaa ra nuu kun vichin; ra ta kuꞌva ^xa kun xiꞌin yuꞌu ña vii ni ndakiꞌin kun yuꞌu, ke na sa tu kun xiꞌin ra yoꞌo va, ña vii ni na ndakiꞌin kun ra.

Santiago 2:5

Ra na kundaa ini ndo ña kaꞌan yu xiꞌin ndo yoꞌo, ñani yo, kuꞌva yo, mii va Tata yo Ndioxi kuvi ra ndikaxin na ndaꞌvi na iyoo nuu ña yuuvi yoꞌo, ña kuu na yuvi na ndinuni ni kundikun ichi ra, ra kuꞌun tu na koo na nuu iyoo va ra, ra kaꞌndia chiñu na xiꞌin ra, saa chi ikan ke kindoo ra taxi ra koo va yuvi na kuꞌvi ni ini xini ra.

Hebreos 3:1

Ra xaꞌa ña kan ke ñani yo, na xa nduyii, ndoꞌo kuvi na kana Tata yo Ndioxi ña koo ndo xiꞌin ra, ra xaꞌa ña kan ke ndinuni vaꞌa na kiꞌin xini ndo xaꞌa Tata yo Jesucristo, ra kaꞌnu ni, ra xika chiñu nuu Tata yo Ndioxi, ra kuu sutu ra kuchee vaꞌa nuu ichi ña ndikun yo.

Efesios 3:6

Ra na kundaa ini ndo, xaꞌa ña ndixiyo seꞌé kan, chi suꞌva va ke iyoo ña: tu na kandixa yuvi na küu judío tuꞌun vaꞌa xaꞌa Tata Jesucristo ra ndakiꞌin va na ña vaꞌa ña ndiniꞌi na kuu judío, ra iin iki kuñu va nduu na, ra ndakiꞌin tu na ña kindoo Ndioxi taxi ra xaꞌa ña xa Cristo Jesús va.

Hechos 16:15

Ra saa chichi ña, ra saa tu na veꞌe va ña, ra ta ndiꞌi saa xakundaꞌvi ña nuu ndi, kachi ña saa: ―Tu ndakuni ndo yuꞌu, ña kuu yu ña ndikun Jesús, ra na kuꞌun ndo veꞌe yu ña ndakindiee ndo ―kachi ña xiꞌin ndi. Ña xa nduxa ña xiꞌin ndi, ra saa ndixaꞌan ndi veꞌe ña ndakindiee ndi.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

San Mateo 18:5

Ra ndia ndia ka yuvi na ndakiꞌin mani iin na vali taꞌan ra loꞌo yoꞌo xaꞌa ña ndikun na yuꞌu, ra yuꞌu va kuvi ra ndakiꞌin mani na ―kachi Jesús xiꞌin ndia.

1 San Juan 1:3

Ra ña xini soꞌo ndi tuꞌun ña ndikaꞌan ra, xiꞌin ña xini nuu ndi ra kuvi ña ndatuꞌun ndi xiꞌin ndo, ña vaꞌa iin na kuu ndo xiꞌin ndi, ta kuꞌva iyoo nduꞌu ña ndinuni ni itaꞌan ndi xiꞌin Tata yo, ra iyoo ndivi ña kuu ndi iin xiꞌin ra, ra saa tu xiꞌin Tata yo Jesucristo ra kuu seꞌe va ra.

1 San Pedro 5:1

Ra vichin ke taxi tu yu xini ndoꞌo, ndia ñani yo, ndia xikuaꞌa veꞌe ñuꞌu. Ra ra xikuaꞌa kuvi tu yuꞌu va, ra ndakuiin tu yu xaꞌa ña xini yu ña ndoꞌo ni Tata yo Jesucristo va. Ra niꞌi tu yuꞌu va koo yu nuu nduvi ni xiꞌin Tata yo Jesucristo te xa na nandiko ra kixi ra nuu ña yuuvi yoꞌo. Ra xaꞌa ña kuu yu ra xikuaꞌa xiꞌin ndo kuvi ña xaku ndaꞌvi yu nuu ndo,

Hebreos 3:14

Saa chi tu ndinuni ni na koo nima yo ña kondiaa ini yo Tata yo Ndioxi ndia kii ndiꞌi, iin ta kuꞌva xa yo ña ndinuni ni xindiaa ini yo ra te kii xaꞌa te sakan kandixa yo ra, saa ra ndakiꞌin tu yoo va ñaꞌa ña kuu kuenda Tata yo Jesucristo.

Filemón 1:10

kuvi ra nduku iin ña mani nuu kun vichin, ñani Filemón, xaꞌa ra Onésimo, ra iyoo ta kuꞌva iyoo seꞌe yu, xaꞌa ña ndakundikun ra ichi Tata yo Ndioxi xa̱ yu ini veꞌe kàà nuu ndikaa yu yoꞌo.

1 Timoteo 6:2

Ra tu xa ndakundikun va tu na xitoꞌo na ñani yo na xachiñu ndaꞌvi köo yaꞌvi Tata yo Jesucristo, ra vaꞌa ni saa va ra na kukuïin vi na ñani yo kan, ña satoꞌo na xitoꞌo na, chi ña xiniñuꞌu sa na ke na chikaa ni ka na ndiee ña vii ni ka sachiñu na nuu va na; saa chi xa ñani yo na kuꞌvi ini va yo nduu xitoꞌo na. Ra ña kaꞌan yu xiꞌin kun xaꞌa yoꞌo kuvi ña na ^sañaꞌa kun na veꞌe ñuꞌu, ra na kaꞌan tu kun tuꞌun ndieé ini xiꞌin va na ña vaꞌa na sa va na ña.

Filipenses 1:7

Ra ña vaꞌa va kuvi ña xani ini yu saa xaꞌa ndo, saa chi kuꞌvi ni ini yu xini yu ndoꞌo, ra ña ndikaa yu veꞌe kàà, xiꞌin ña kuaꞌan yu nuu na chiñu, xiꞌin ña kaꞌan ndoso yu tuꞌun vaꞌa xaꞌa Tata yo Jesucristo, ra yoꞌo va xika ndo ra chindiee taꞌan ndo xiꞌin yu tuvi yu.

Filemón 1:18

Ra tu ndia chiñu kiꞌvi xa ra xiꞌin kun, ra a ndia tu ñaꞌa kun tiin va ra, ra na kundïꞌi ini kun, chi yuꞌu va na ka̱ꞌa̱n kun xiꞌin ra ndachaꞌvi yu ña nuu va kun.