Efesios 6:22 - Mixteco Metlatónoc

²² Saa chi xaꞌa ña kan ke tiꞌvi yu ra ña kuxaa ra nuu va ndo, ña vaꞌa na ndatuꞌun ra xiꞌin ndo, ndia kuꞌva ke iyoo ndi, ña vaꞌa na ndakindiee ini ndo, ta xa na kundaa ini ndo.

Efesios 6:22 Referans Kwoze

Filipenses 2:25

Ndi su ndakani tu ini yu ña xiniñuꞌu va ke ndatiꞌvi yu ra ñani yo Epafrodito, ra tiꞌvi ndo xa̱à ^chindiee taꞌan xiꞌin yu, ña itaꞌan ra xachiñu ra xiꞌin yu, ña iyoo ndi ta kuꞌva iyoo soldado, ña kaꞌan ndoso ndi tuꞌun Ndioxi va, ña xa̱a̱ ra.

2 Tesalonicenses 2:17

Ra mii ra kuvi tu ra na taxi ndiee ndaꞌa va ndo, ña vaꞌa vivii va na sa ndo ndia ndia ka chiñu, ra vivii tu na ndatuꞌun va ndo.

1 Tesalonicenses 3:2

Ra ti̱ꞌvi ndi ra ñani yo Timoteo, ña kuxaa ra kotoꞌni ra ndoꞌo, saa chi ra ^xachiñu nuu Tata yo Ndioxi kuvi tu ra yoꞌo va, ra ^chindiee taꞌan tu ra xiꞌin ndi ña ^kaꞌan ndoso ra tuꞌun vaꞌa xaꞌa Tata yo Cristo va, ra ña kuxaa ra, ra ña vaꞌa na ndataxi yukun ka ra nuu va ndo kuvi ña, ra ndachikaa ka tu ra tuꞌun ndiee ini xiꞌin va ndo,

Colosenses 2:2

Ra saa kuvi ña ^xa yu ña vaꞌa ndachikaa yu tuꞌun ndiee ini xiꞌin na, ña vaꞌa iin va na kuu na xiꞌin yo, saa chi kuꞌvi ni ini Tata yo Jesucristo xini ra na. Ra tu saa na sa na, saa ra kuvi va tandiaa na ña kundaa vaꞌa ini na xaꞌa ña kuu kuenda mii Tata yo Ndioxi ña iyoo seꞌé, ra ña iyoo seꞌé kan kuvi Jesucristo va.

Filipenses 2:19

Ra tu mii Tata yo Jesucristo kuni, ra tiꞌvi va yu ra ñani yo Timoteo ña xaa ra kutoꞌni ra ndoꞌo, ra ta xa na nandiko ra ndaxaa ra yoꞌo, ra ndatuꞌun ra xiꞌin yu ña iyoo vaꞌa ndo, saa ra kusii ni va ini yu.

2 Timoteo 4:12

Ra ra Tíquico tu ti̱ꞌvi yu kuaꞌan chi ñuu Éfeso va.