Efesios 6:21 - Mixteco Metlatónoc

²¹ Ra ra ñani yo Tíquico, ra vaꞌa ni yutaꞌan xiꞌin yu ña chindiee taꞌan ra xiꞌin yu ña xachiñu ndi nuu Tata yo Jesucristo kuvi ra, ndakani nuu ndo xaꞌa ña ndoꞌo yu, xiꞌin xaꞌa takundiꞌi chiñu ña ^xa yu.

Efesios 6:21 Referans Kwoze

Hechos 20:4

Ra suꞌva ke nani ndia yutaꞌan kuaꞌan xiꞌin ra Pablo chi Macedonia: iin ra nani Sópater, ra ra ñuu Berea kuvi ra, ra iin ra nani Aristarco, ra inka ra nani Segundo, ra ndia ñuu Tesalónica kuvi ndia kan, ra iin ra nani Gayo, ra ra ñuu Derbe kuvi ra kan, ra iin ra nani Timoteo, ra iin ra nani Tíquico, ra iin ra nani Trófimo, ra ndia kee chi Asia kuvi ndia kan.

2 Timoteo 4:12

Ra ra Tíquico tu ti̱ꞌvi yu kuaꞌan chi ñuu Éfeso va.

Tito 3:12

Ra te xa na tiꞌvi yu ra Artemas a ra Tíquico ña xaa ndia kutoꞌni ndia yoꞌo, ra na sa nduxa kun ña kixi kun chi ñuu Nicópolis ña kutoꞌni kun yuꞌu, saa chi ikan ke chikaa ini yu koo yu yoo savi yoꞌo.

2 San Pedro 3:15

Ra na näa ini ndo xaꞌa ña kuachi Tata yo Jesucristo ña täan kixi ra, saa chi ra xa kaꞌnu ini va kuvi ra ña ndiatu ra, ña vaꞌa na kaku ka yuvi. Ra taxi tu Tata yo Ndioxi ña ndichi ndaꞌa ra ñani yo Pablo va ña tiaa ra xaꞌa takundiꞌi ña kaꞌan yu xaꞌa yoꞌo.

1 San Pedro 5:12

Ra ra ñani yo Silvano, ra xini yu ndinuni ni ndikun Tata yo Jesucristo kuvi ra ndikaꞌan yu xiꞌin, ña tiaa ra tutu yoꞌo, ña kuxaa ña nuu ndo, ña na ndataxi yu xini ndo ña vaꞌa na kundaa kaxi ini ndo chi takundiꞌi ña vaꞌa ña xa ^ndakiꞌin ndo, ra ña kaꞌan xaꞌa ña ndinuni ni kuꞌvi ini Tata yo Ndioxi xini ra yoo va kuvi ña. Ra ndia nii kii na näa ini ndo xaꞌa ña kuꞌvi ni ini Tata yo Ndioxi xini ra ndoꞌo.

Filemón 1:16

Ndi su küu ka ra, iin ra xachiñu ndaꞌvi köo yaꞌvi nuu kun, chi vichin, ra ta kuꞌva iyoo iin ñani mii kun, ra ^kuꞌvi ni ini kun xini va kun na koo ra. Ra ^kuꞌvi ni tu ini yuꞌu va xini yu ra, ndi su na kuꞌvi ni ka va ini yoꞌo kuni kun ra, xaꞌa ña xa ndakundikun ra Tata yo Jesucristo.

1 Timoteo 4:6

Ra na ^sañaꞌa kun na ñani yo ña kaꞌan yu xiꞌin kun yoꞌo, xiꞌin xaꞌa ña ndaa ña ndiaa ini yo Ndioxi, xiꞌin ña ^sañaꞌa kun na ^xa ta kuꞌva sakuaꞌa va kun, ra ña sa kuu saa kuvi ña kuxixa vaꞌa ka ini kun xiꞌin tuꞌun Tata yo Ndioxi va. Ra saa ke xaa kun kuu kun iin tiaa ra vaꞌa ni xachiñu nuu Tata yo Jesucristo va.

Colosenses 1:7

Ra ña xini soꞌo ndo tuꞌun vaꞌa yoꞌo, ra ra ñani yo Epafras, ra itaꞌan xachiñu xiꞌin ndi nuu Tata yo Jesucristo va kuvi ra ndatuꞌun ña xiꞌin ndo. Ra ra ñani yo yoꞌo, ra ndinuni va xachiñu ra nuu Tata yo Jesucristo.

1 Corintios 4:17

Xaꞌa ña kan ke tiꞌvi tu yu ra Timoteo ra itaꞌan mani xiꞌin yu, ra kuꞌvi ni ini yu xini yu, ra kuu seꞌe yu, xaꞌa ña ^ndíku̱n ra Tata yo Jesucristo xaa ra nuu ndo, ra ra ñaa kuvi ra sandakaꞌan ndoꞌo kuꞌva ña ndikun yu Jesucristo, ra iin ta iyoo ña ^sañaꞌa yu ndoꞌo ke iyoo tu ña ^sañaꞌa yu na veꞌe ñuꞌu na ndee iin takundiꞌi ñuu va.

Filipenses 1:12

Ra kuni yu ña na kundaa ini ndoꞌo, ndia ñani yu, xiꞌin ndoꞌo na kuꞌva yu, chi takundiꞌi tundoꞌo ña ndoꞌo yu, ra xiꞌin va yu ke ^chindiee taꞌan ña, ña vaꞌa ^kaꞌan ndoso yu tuꞌun vaꞌa xaꞌa Tata yo Jesucristo.