Efesios 6:18 - Mixteco Metlatónoc

¹⁸ Ra xikutüvi ndo ña kaꞌan ndo xiꞌin Ndioxi, chi iin takundiꞌi kii va na kaꞌan ndo xiꞌin ra, ña kuaku ndaꞌvi ndo nuu ra, ta kuꞌva kuni mii Tachi Yii. Saa chi saa kuvi ña vaꞌa koo nduvi ndo, ra nandïko ini ndo, ra na kaꞌan ni tu ndo xiꞌin ra xaꞌa na yii, na kuu na veꞌe ñuꞌu va ra.

Efesios 6:18 Referans Kwoze

1 Tesalonicenses 5:17

Ra na kuñäa ndo ña kaꞌan ndo xiꞌin Ndioxi.

Colosenses 4:2

Ra xikutüvi ndo ña kaꞌan ndo xiꞌin Tata yo Ndioxi, chi ña xiniñuꞌu sa ndo ke iin takundiꞌi va kii na koo nduvi ndo ña ndataxi ndo tixaꞌvi ndaꞌa ra.

Filipenses 4:6

Ra na ndïꞌi ini ndo xaꞌa ndia nii ñaꞌa, chi ña xiniñuꞌu sa ndo ke na kaꞌan ndo xiꞌin Tata yo Ndioxi va xaꞌa ña; na kaꞌan ndo xiꞌin ra ña taxi ra ña ndaꞌa ndo, ra na ndataxi tu ndo tixaꞌvi ndaꞌa va ra.

1 Timoteo 2:1

Ra ña xiniñuꞌu vaꞌa ^kaꞌan yu xiꞌin kun kuvi ña, ña na kaꞌan ndo xiꞌin Tata yo Ndioxi ra kuaku ndaꞌvi ndo nuu ra xaꞌa takundiꞌi va yuvi, ra na ndataxi tu ndo tixaꞌvi ndaꞌa ra xaꞌa va na.

Judas 1:20

Ndi su ndoꞌo ñani yo, ra iin ^tuun saa na chindiee taꞌan ndo xiꞌin taꞌan va ndo ña ndinuni ni kundikun ndo tuꞌun yii ña ^kandixa ndo, ra na kaꞌan ndo xiꞌin Tata yo Ndioxi ta kuꞌva kuni mii Tachi Yii va ra.

San Marcos 14:38

Kundito ndo, ra kaꞌan ni ndo xiꞌin Ndioxi, ra na täxi ra ña koyo ndo ndaꞌa kuachi; chi ña ndixa ke: ndoꞌo, ra kuni ni va ndo kaꞌan ndo xiꞌin Ndioxi, su ndi vita ni ini ndo ―kachi ra xiꞌin ndia.

San Lucas 21:36

Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.

San Mateo 26:41

Ra saa ndikaꞌan ka Jesús, kachi ra saa xiꞌin ndia: ―Kundito ndo, ra kaꞌan ni ndo xiꞌin Ndioxi, ña vaꞌa na täxi ra koyo ndo ndaꞌa kuachi, chi ña ndixa ke: Ndoꞌo, ra kuni ni va ndo kaꞌan ndo xiꞌin Ndioxi, ndi su vita ni va ini ndo ―kachi ra xiꞌin ndia.

Efesios 1:16

kuëe xikuiin yu ña ndataxi yu tixaꞌvi ndaꞌa Ndioxi xaꞌa ndo, saa chi iin takundiꞌi ichi ña kaꞌan yu xiꞌin ra, ra ndakaꞌan va yu xaꞌa ndo, ra kaꞌan yu xiꞌin ra xaꞌa va ndo.

Romanos 12:12

Ra na kusii ini ndo ña ndiatu ndo, saa chi xa kundaa kaxi va ini yo ña taxi Ndioxi ña vaꞌa ndaꞌa yo; ra na sa ndiee ni ini ndo, ta vaxi tundoꞌo nuu ndo. Ra xikutüvi ndo ña ^kaꞌan ndo xiꞌin Ndioxi.

San Marcos 13:33

’Ra ña kan ke kuenda ni na koo ndo, ra kaꞌan ni ndo xiꞌin Ndioxi, ra kundito ni ndo chi kundäa ini ndo ama ke ndiko yu.

1 San Pedro 4:7

Ra na kundaa ini ndo, chi xa ndinumi ni va ndiꞌi xaꞌa ña yuuvi yoꞌo, ra xaꞌa ña kan ke kaxi ni va na koo ini ndo, ra ndinuni ni na kaꞌan ndo xiꞌin Tata yo Ndioxi iin takundiꞌi kii.

Hechos 1:14

Ra iin ndisaa ichi va ^ndakutaꞌan ndia xiꞌin taꞌan ndia ña kaꞌan ndia xiꞌin Ndioxi, saa chi iin yuꞌu va ndia; ra ndakutaꞌan tu sava na siꞌi va xiꞌin ndia, ra saa tu ña María, siꞌi mii Jesús, xiꞌin ndia ñani va ra.

San Lucas 22:46

Ra saa ndikaꞌan ra xiꞌin ndia, kachi ra saa: ―¿Nichuun kixi ni ndo? Ndakoo ndo ra kaꞌan ndo xiꞌin Ndioxi ña na chindiee taꞌan ra xiꞌin ndo, ña vaꞌa na köyo ndo ndaꞌa ña kuni kotondoso ndoꞌo ―kachi ra.

Hebreos 5:7

Ra ta ndixika Tata yo Jesucristo nuu ñuꞌu yuuvi yóꞌo, ra ndiee ni va ndikaꞌan ra xiꞌin Tata yo Ndioxi ña xaku ndaꞌvi ra nuu ra, xiꞌin takundiꞌi ndiee ra ña na chindiee taꞌan ra xiꞌin ra, saa chi indaa ra kan va kuvi ra kuu mii ndiee ña sakaku ra ra nuu ña ndii; ra xaꞌa ña xa toꞌo Tata yo Jesucristo Tata yo Ndioxi, ra ndakuiin va ra yuꞌu ra.

2 Timoteo 1:3

Ñani loꞌo Timoteo, ^ndataxi ni yu tixaꞌvi ndaꞌa Tata yo Ndioxi xaꞌa kun, ra nuu ra kan ke xachiñu yu xiꞌin ndinuni nima yu, ta kuꞌva xa na xii xikua yu xinaꞌa. Ra ni kuëe naa ini yu xaꞌa kun chi ñuu kaꞌñu va ndakaꞌan yu xaꞌa kun, ra ndataxi ni yu tixaꞌvi ndaꞌa Tata yo Ndioxi xaꞌa kun.

Filipenses 1:4

Ra takundiꞌi ichi ña kaꞌan yu xiꞌin Ndioxi xaꞌa takundiꞌi ndo, ra kusii ni va ini yu,

Efesios 6:19

Ra na kaꞌan ni tu ndo xiꞌin Ndioxi xaꞌa yuꞌu va, ña vaꞌa na taxi ra tuꞌun ndaꞌa yu, ra na kuayüꞌvi yu ña ndakani yu xaꞌa tuꞌun mii ra ña vaꞌa ña ndixiyo seꞌé nuu takundiꞌi yuvi.

Hechos 12:5

Ña kan ke xindiaa ni va ndia soldado kan ra Pedro, saa chi ndiküni ndia ña saña ra, ra na veꞌe ñuꞌu na ndikun Jesús ra tiaa ni va niꞌi ndikaꞌan na kan xiꞌin Ndioxi xaꞌa ra.

Filemón 1:5

Saa chi ^ndatuꞌun na ñani yo xiꞌin yu xaꞌa kun, ña ndinuni ni va ^ndíku̱n kun Tata yo Jesucristo, ra kuꞌvi ni tu ini kun xini va kun ra, ra ^kuꞌvi ni tu ini kun xini kun takundiꞌi na yii na kuu na ñuu va ra.

Hechos 10:2

Ra ra Cornelio xiꞌin takundiꞌi na veꞌe ra, ra na xindikun Ndioxi ndixiyo na, ra chindiee taꞌan ni ra xiꞌin na judío xiꞌin xuꞌun, ra tiaa ni tu ndikaꞌan ra xiꞌin Ndioxi va.

Hechos 6:4

Ra nduꞌu kuvi ndia na ndakundiee kaꞌan xiꞌin Ndioxi, ra kaꞌan ndoso tu ndi nuu takundiꞌi yuvi xaꞌa ichi Ndioxi va ―kachi ndia.

Efesios 3:18

Ra ña xa iyoo Cristo nima ndo, ra kuvi va kundaa ini ndo, ra saa tu takundiꞌi na veꞌe ñuꞌu va, xaꞌa ña ndika ni, xiꞌin ña kani ni, xiꞌin ña kunu ni, xiꞌin ña sukun ni ña kuꞌvi ini Cristo xini ra yoo.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

Romanos 8:15

Saa chi süvi tachi ña sandoꞌo yuvi ke nindakiꞌin ndo, ra ña kan yuꞌvi ndo, chi Tachi Yii Ndioxi va ke ndakiꞌin ndo, ra Tachi Yii kan ke ndakiꞌin ndaꞌvi ndoꞌo va, ra nduu ndo seꞌe Ndioxi va. Ra suvi mii Tachi Yii kuvi tu ña ^sakaꞌan yoo, ña vaꞌa ^kaꞌan yo xiꞌin Ndioxi kachi yo suꞌva va: “¡Tata mii yu!”

Efesios 2:22

Ra xaꞌa ña xa nduu tu ndoꞌo na küu judío, xiꞌin na kuu judío iin xiꞌin Tata yo Jesucristo, ra xaꞌnu tu ndo kuaꞌan ndo vichin ña ^kuu ndo veꞌe ñuꞌu nuu iyoo Tachi Yii Ndioxi ña taxi ra ndaꞌa va ndo.

San Lucas 3:37

Ra seꞌe ra Matusalén xikuu ra Lamec. Ra seꞌe ra Enoc xikuu ra Matusalén. Ra seꞌe ra Jared xikuu ra Enoc. Ra seꞌe ra Mahalaleel xikuu ra Jared. Ra seꞌe ra Cainán xikuu ra Mahalaleel.

Colosenses 1:4

Saa chi ^kundaa va ini ndi xaꞌa ndo ña ndinuni ni ndikun ndo Tata yo Jesucristo, ra saa tu xaꞌa ña kuꞌvi ni ini ndo xini ndo takundiꞌi na ndikun Tata yo Ndioxi va.

Gálatas 4:6

Ra xaꞌa ña xa nduu yo seꞌe Ndioxi kuvi ña tiꞌvi ra Tachi Yii seꞌe ra, ña iyoo ña nima yo; ra Tachi Yii seꞌe ra kuvi ña sakaꞌan yoo, ña vaꞌa kaꞌan yo, kachi yo suꞌva: “¡Tata mii yu!”

San Lucas 3:26

Ra seꞌe ra Maat xikuu ra Nagai. Ra seꞌe ra Matatías xikuu ra Maat. Ra seꞌe ra Semei xikuu ra Matatías. Ra seꞌe ra José xikuu ra Semei. Ra seꞌe ra Judá xikuu ra José.

Colosenses 1:3

Ra iin takundiꞌi ichi ña kaꞌan ndi xaꞌa ndo xiꞌin Tata yo Ndioxi, ra kuu iva Tata yo Jesucristo, ra ndataxi ni tu ndi tixaꞌvi ndaꞌa ra xaꞌa va ndo.

San Mateo 17:21

Ndi su tachi ndivaꞌa, ra kuëe saa koo kee ña, chi xiniñuꞌu kaꞌan ni ndo xiꞌin Ndioxi, ra koo suꞌun ndo ña küxi ndo, ra saa ke kuchuun ndo ña tava ndo ña ―kachi Jesús xiꞌin ndia itaꞌan xiꞌin ra.