Efesios 5:5 - Mixteco Metlatónoc

⁵ Ra xa kundaa va ini ndo, chi yuvi na kixi xiꞌin taꞌan ta kumani ka tandaꞌa na, xiꞌin yuvi na ^xa ndia ndia ka chiñu yakua, ra kïꞌvi vi na nuu xaꞌndia Ndioxi chiñu, ra saa tu yuvi na kutoo ñaꞌa ña iyoo nuu inka yuvi va, saa chi ña xa na saa, ra ta kuꞌva iyoo yuvi na ndasakaꞌnu naꞌna ña kuu ndioxi ndii va kuvi ña iyoo na.

Efesios 5:5 Referans Kwoze

Gálatas 5:21

xiꞌin ña ndukuini ini na ña kuni na sandiꞌi na xaꞌa ñaꞌa ña iyoo nuu inka yuvi, xiꞌin ña xaꞌni na, xiꞌin ña xiꞌi na, xiꞌin ña xixi ni na, xiꞌin sava ka chiñu kini. Ra xa ta kachi yu xiꞌin ndo ta yachi ke kachi tuku yu xiꞌin va ndo, ra kuenda ni na koo ndo, ra na sä ndo saa, saa chi na ^xa saa, ra kïꞌvi vi na nuu xaꞌndia Ndioxi chiñu.

Apocalipsis 22:15

Ndi su chi keꞌe va tu kindoo yuvi na kuu tina, xiꞌin na tuꞌva na kuu na saka, xiꞌin tiaa ndia ^xa siki yasiꞌi, a na siꞌi na ^xa siki yii va tu, xiꞌin na xaꞌni ndii, xiꞌin na kañuꞌu ndioxi ña kuu naꞌna, xiꞌin takundiꞌi na kutoo ní sandaꞌvi yuvi ra ^xa na chiñu kiꞌvi.

Colosenses 3:5

Ra xaꞌa ña kan ke na sä ka ndo chiñu kiꞌvi ña xa ndo ta yachi, ta xitiaku ndo ta kuꞌva kuni kuñu ndo: tiaa ra na kïꞌvi ka ra xiꞌin na siꞌi, na küu yasiꞌi ra, ra sa tu na siꞌi va, ra nii na ndakäni tu ini ndo sa va ndo ña, ra nii na kutöo tu ndo sa ndo inka nuu chiñu kiꞌvi va, ra nii na kutöo ni tu ndo ña koo kuaꞌa ni ñaꞌa nuu va ndo, saa chi tu saa na sa ndo, saa ra ta kuꞌva iyoo na ndasakaꞌnu ndioxi ndii va ke iyoo ndo.

Efesios 5:3

Ra ña xa ^kuu ndo seꞌe Ndioxi vichin, ra na ndakäni ka ini ndo, ña kaka sii ndo, a ñaꞌa kuvi ndo a tiaa tu kuvi va ndo, ra nii na sä tu ndo takundiꞌi nuu chiñu yakua va, ra nii na küni sii ni tu ndo ña koo ñaꞌa ña iyoo nuu inka yuvi nuu va ndo.

Apocalipsis 21:8

Ndi su na iyo, na uvi ini, na xïin kandixa yuꞌu, xiꞌin na kini na ^xa chiñu yakua, xiꞌin na ^xaꞌni, xiꞌin na kíꞌvi xiꞌin ndia ndia ka na siꞌi, xiꞌin na tuꞌva na kuu na saka, xiꞌin na ^kañuꞌu ndioxi ña ku naꞌna, xiꞌin takundiꞌi na kuendo ni, ra takundiꞌi na ^xa chiñu kiꞌvi yoꞌo kuvi na kuꞌun nuu mini ñùꞌù ña ndikavanuu ñuꞌú kaꞌndi xiꞌin, ra yoꞌo ke ndakuvi na ichi ña uvi ―kachi ra xiꞌin yu.

Gálatas 5:19

Ra takundiꞌi va yuvi kundaa ini ndia kuꞌva ke tiaku yuvi na xa chiñu kiꞌvi, ra ña yoꞌo va kuvi ña xa na: Na xa nitandaꞌa ra kiꞌvi na xiꞌin inka yuvi, na täan tandaꞌa, ra xa na chiñu kiꞌvi xiꞌin taꞌan na, xiꞌin kuaꞌa ni ka chiñu yakua ña yunaꞌa na xa na, xiꞌin ña ndakani ini na xaꞌa chiñu kiꞌvi,

Hebreos 13:4

Ra tiaa ndia iyoo yasiꞌi ra na kondiaa yaꞌvi ni na nuu ndia, ra saa tu na siꞌi va na kondiaa yaꞌvi ni yii na nuu na, ra na küsun tiaa xiꞌin inka na siꞌi na küu yasiꞌi ndia, ra na küsun tu na siꞌi xiꞌin tiaa ndia küu yii va na; saa chi yuvi na xïin sa ña kaꞌan tuꞌun yoꞌo, ra niꞌi na tundoꞌo va sa Tata yo Ndioxi.

1 Timoteo 6:10

Saa chi tioꞌo takundiꞌi ña väꞌa va kuvi ña kotoo ni yuvi kukuika na; ra xa saa ke ndoꞌo va sava na ña ndakunisii ni na ña koo xuꞌun na, saa ra naa ini va na xaꞌa ña ndikun na Tata yo Jesucristo, ra ña ndoꞌo na ke ndiniꞌi na tundoꞌo, ña ^tixuꞌvi va na.

1 Timoteo 6:17

Ra na ñani yo, na kuu na kuika iyoo xuꞌun nuu ña yuuvi yoꞌo, ra na kaꞌan kun xiꞌin na ña na kutiäa ni ini na xiꞌin xuꞌun na, ra nii na kundiäa ni tu ini va na ña, saa chi ña ndiꞌi xaꞌa va kuvi ña. Ra ña xiniñuꞌu sa na ke na kondiaa ini na Tata yo Ndioxi ra tiaku va, saa chi ra kan kuvi ra ^taxi takundiꞌi va ñaꞌa ña xamani nuu yo ña vaꞌa na kuniñuꞌu yo ña, ra kusii ni ini yo xiꞌin ña.

Hechos 8:21

Yoꞌo ra köo ichi kun, ra nii köo tu ndiayu va kun ña koo ña yoꞌo ndaꞌa kun, saa chi kuëe iyoo ndakú nima kun nuu Ndioxi.

Hechos 20:32

’Ra vichin kaꞌan ni yu xiꞌin Ndioxi xaꞌa takundiꞌi ndo, ña na kondiaa ra ndoꞌo, ra na kondiaa tu tuꞌun ra ña vaꞌa va ndoꞌo, saa chi tuꞌun ra ke iyoo ndiee ña taxi ña ndiee ndo ña na kandixa vaꞌa ka ndo. Ra mii Ndioxi kuvi ra saxinu nuu takundiꞌi va ña kindoo ra xiꞌin ndo ña kuu ndo na ñuu ra.

Colosenses 1:13

Ra suvi mii ra kuvi tu ra saña ndika yoo nuu ndiee ña iyoo nuu ñaa va, ra ndachindee ra yoo nuu xaꞌndia chiñu seꞌe ra, ra kuꞌvi ni ini ra xini ra.