Efesios 5:26 - Mixteco Metlatónoc

²⁶ Ra ña xa Tata yo Jesucristo suꞌva, ra na ndasa yii va ra kuvi yoo na veꞌe ñuꞌu, ra ndakatia tu ra yoo xiꞌin tuꞌun va ra, ra saa tu xiꞌin tiakuii, ra chichi va yo.

Efesios 5:26 Referans Kwoze

San Juan 15:3

Ra ndoꞌo, ra xa ndo nduvii va kuvi ndo xiꞌin tuꞌun ña sañaꞌa yu ndoꞌo.

Hebreos 10:22

xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.

San Juan 3:5

Saa ndakuiin Jesús kachi ra saa xiꞌin ra: ―Ña ndixa ke kaꞌan yu xiꞌin kun saa chi tu na ndakäku iin yuvi xiꞌin tiakuii xiꞌin Tachi yii Ndioxi, saa ra küvi vi kiꞌvi na nuu xaꞌndia Ndioxi chiñu.

1 Corintios 6:11

Ra taꞌan chiñu yakua kan ke xa tu sava ndoꞌo va ta yachi; ndi su vichin ra xa ndoo va kuachi ndo, ra xa nduyaa va ndo. Ra xa ta kuꞌva iyoo yuvi na köo kuachi va nduu ndo nuu Ndioxi, xaꞌa ndiee Tata yo Jesucristo, xiꞌin xaꞌa ndiee Tachi Yii Tata yo Ndioxi.

Efesios 6:17

Ra ta kuꞌva iyoo ndia soldado, ña ñuꞌu ndia kàà ña ndasi xini ndia ña vaꞌa na takuëꞌe xini ndia, ke na koo tu ndoꞌo va, ña kundiaa ini ndo ña ^sakaku Ndioxi ndoꞌo, saa chi saa kuvi ña kuchüun timiaꞌa sandaꞌvi ri ndoꞌo. Ra ta kuꞌva ^xa ndia soldado ña iyoo nduvi ndia xiꞌin ichi ndia, ke na koo tu ndoꞌo va, ña na kuniñuꞌu ndo tuꞌun Ndioxi, ña kuu mii ndiee ña taxi Tachi Yii Ndioxi va.

1 San Juan 5:6

Ra ña vaꞌa kundaa ini yo ña kuu Tata yo Jesucristo seꞌe Tata yo Ndioxi, ra xaꞌa ña chichi ra tiakuii, xiꞌin xaꞌa ña ndixiꞌi ra ndika cruz ña ndixitia nii va ra kuvi ña; ra süvi takua tiakuii kuvi ra ndichichi ra, chi ndixitia tu nii va ra ndika cruz; ra mii Tachi Yii ke ndakuiin va xaꞌa Tata yo Jesucristo ña kuu ra seꞌe Tata yo Ndioxi, ra ña ndaa va ke kaꞌan ña.

Tito 2:14

Ra mii Tata yo Jesucristo kuvi ra ndixiꞌi xaꞌa yo, ña sakaku ra yoo nuu takundiꞌi chiñu kiꞌvi va, ra ndakatia tu ra kuachi va yo, ña vaꞌa na kuu yo na ñuu ra, ra ndataxi tu yo mii yo ña sa yo chiñu vaꞌa ña kuni mii va ra.

Hebreos 10:10

Ra ña ndisoko Tata yo Jesucristo mii ra, ra ña kuni mii Tata yo Ndioxi va kuvi ña xa ra. Ra xaꞌa ña kan va kuvi ña ndasayii Tata yo Ndioxi yoo. Ra takua indaa ichi va kuvi ña ndisoko Tata yo Jesucristo mii ra xaꞌa kuachi yo, ra ndia nii ka ichi nandïko ra sa ra ña.

1 San Pedro 3:21

Ra ña ndikaku ra Noé nuu tiakuii kan, ra xaꞌa ña chichi yo tiakuii, ra sakaku Tata yo Ndioxi yoo va kuvi ña kaꞌan ña. Ra mii ña ndaa, ra süvi vi xaꞌa ña chichi yo tiakuii kuvi ña ndiꞌi xaꞌa kuachi yo, chi xaꞌa ña kaꞌan yo xiꞌin Tata yo Ndioxi ña na chindiee taꞌan ra xiꞌin yo ña na sä ka yo chiñu kiꞌvi va kuvi ña ^sandiꞌi ra xaꞌa kuachi yo. Ra ña sakaku tu ra yoo, ra xaꞌa ña kandixa yo ña ndatiaku Tata yo Jesucristo va kuvi ña.

Hebreos 9:14

saa ra iyoo ni ka va ndiee nii Tata yo Jesucristo ña ndakatia ña nima yo, ra sandiꞌi ña xaꞌa chiñu kiꞌvi ña kuni yo sa yo, ña vaꞌa ndasakaꞌnu yo Tata yo Ndioxi, ra tiaku. Ra xiꞌin ndiee Tachi Yii ña kuëe ndiꞌi xaꞌa va kuvi ña ndisoko Tata yo Jesucristo mii ra nuu Tata yo Ndioxi xaꞌa kuachi yo. Ra vaꞌa ni ka va ra yoꞌo nuu takundiꞌi ñaꞌa ña ndisoko na, saa chi ndia nii loꞌo kuachi ra köo.

Hechos 22:16

Ña kan ke ndikun na ndakundichi kun vichin, ra kuchi kun, ra na kondiaa ini kun kivi Jesús ña vaꞌa na ndakatia ra kuachi kun”, kachi ra xiꞌin yu.

1 San Pedro 1:2

Saa chi ndoꞌo, ra xa te yachi vi kuvi ña ndikaxin Tata yo Ndioxi ndoꞌo, ta kuꞌva kuni mii ra. Ra ndasa yii ra ndoꞌo xiꞌin Tachi Yii ra, ña vaꞌa na kandixa ndo ra, ra ndiꞌi xaꞌa kuachi ndo xaꞌa nii Tata yo Jesucristo ña ndixitia te ndixiꞌi ra. Ra mii Tata yo Ndioxi na taxi kuaꞌa ni ña vaꞌa kutaꞌvi ndo, ra vaꞌa ni tu na koo va ndo.

Judas 1:1

Yuꞌu kuvi ra Judas, ñani ra Jacobo, ra xachiñu yu nuu Tata yo Jesucristo, ra tiaa yu tutu yoꞌo ña kuaꞌan ña ndaꞌa na veꞌe ñuꞌu, na kana Tata yo Ndioxi, ra ndasa yii ra na ña kuu na kuenda mii ra, ra ndiaa tu Tata yo Jesucristo va na.

Hechos 26:18

Ña vaꞌa na ndanuña nuu na, ra kee na nuu ñaa nuu xika na, ra ndakaka na nuu tuun ñuꞌu, ra kee tu na tixi ndiee timiaꞌa va, ra ndakundikun na Ndioxi, ra vaꞌa na kandixa na yuꞌu, ra koo kaꞌnu ini yu xaꞌa kuachi na, ra niꞌi taꞌvi na koo na xiꞌin na yii na kuu ñuu Ndioxi”, kachi ra.

San Juan 17:7

Ra vichin, ra takundiꞌi ñaꞌa ña ^taxi kun ndaꞌa yu, ra ^kundaa va ini na xaꞌa ña ña kuu ña kuenda kun.

Santiago 1:18

Ra xaꞌa ña kuni mii ra kuvi tu ña ndasa xaa ra nima yo xiꞌin tuꞌun, ña ndaa ña taxi ra xini soꞌo va yo, ra yoo kuvi na iyoo ta kuꞌva iyoo kuiꞌi ña nuu vaꞌa, ra xiꞌna ka yoo kuvi na ndasaxaa ra nuu takundiꞌi ñaꞌa ña xavaꞌa ra iyoo nuu ña yuuvi yoꞌo.

San Juan 15:8

Ra na kundaa ini ndo, chi ndukaꞌnu ni va Tata yu Ndioxi, te kuaꞌa ni kuiꞌi ^taxi ndo, ra saa ke ndañaꞌa tu ndo mii ndo ña ndikun ndo yuꞌu va.

San Juan 13:10

Saa ndikaꞌan Jesús kachi ra saa xiꞌin ra: ―Yuvi na xa chichi ra ndia takua xaꞌa va na kan ke xiniñuꞌu ndoo, saa chi yäkua ka na. Ra ndoꞌo tu, ra xa ndo nduyaa va kuvi ndo, saa chi yäkua ka ndo, ndi su süvi takundiꞌi tu ndo ninduyaa ―kachi ra.

Romanos 10:8

Saa chi tuꞌun Ndioxi, ra suꞌva va ke kachi ña xaꞌa yo: “Xa xiꞌin va kun iyoo tuꞌun Ndioxi, ra iyoo tu ña nima va kun, ra saa tu yuꞌu va kun.” Ra mii tuꞌun yoꞌo ke kaꞌan ndoso tu yo nuu yuvi va, ña kaꞌan yo xiꞌin na ña na kondiaa ini na Ndioxi.

2 Corintios 11:2

Ra na kundaa ini ndo, chi tiaa ni va ndiꞌi ini yu xaꞌa ndo, ra mii va Ndioxi kuvi ra ^taxi ña ndiꞌi ini yu xaꞌa ndo; saa chi yuꞌu kuvi ra kindoo ña ndataxi yu ndoꞌo ndaꞌa iin tiaa ra tandaꞌa ndo xiꞌin, ra tiaa kan kuvi Cristo va, ra ña kuni yu ke ndataxi yu ndoꞌo ndaꞌa Cristo, ta kuꞌva iyoo iin ña loꞌo kuaan tiaki, ña täan kiꞌvi xiꞌin ndia nii tiaa.

Colosenses 3:16

Ra tuꞌun mii Tata yo Cristo, na koo nima ndo iin takundiꞌi kii. Ra na sakuaꞌa taꞌan ndo, ra na ndachikaa tu ndo tuꞌun ndiee ini xiꞌin taꞌan va ndo, xiꞌin takundiꞌi ña ndichi ña taxi Tata yo Ndioxi. Ra na kata ndo takundiꞌi nuu yaa yii, ña ndataxi ndo tixaꞌvi ndaꞌa Tata yo Ndioxi xiꞌin ndinuni nima ndo.

Hebreos 4:12

Ra tuꞌun Tata yo Ndioxi, ra ña tiaku va kuvi ña, ra kuu mii tu ña ndiee va. Ra kunu ni ka va xaꞌndia ña yoꞌo, nuu ichi ña ndiko uvi saa xiyo yuꞌu, saa chi kiꞌvi tu ña ndia mii ini nima yuvi va, ra saa tu ndia ini ña xinituni va na; ra kiꞌvi tu ña ini tuchi va na, ra saa tu ini leke na nuu ñuꞌu meke va. Ra ndatava tuvi ña takundiꞌi va ña xani ini yuvi sa na, ra saa tu takundiꞌi ña ndakani nima na sa va na.

Hebreos 10:14

Saa chi Tata yo Jesucristo, ra indaa ichi va kuvi ña ndisoko ra mii ra ña vaꞌa sandiꞌi ra xaꞌa kuachi yuvi na ^ndasayii ra ña kundikun na ichi ra.

Hebreos 10:29

Ra na ndakiꞌin xini ndo chi tu sa ndoꞌo na kan, xaꞌa ña kanduu na ndiayu Tata yo Ndioxi ña ndakoo ra Moisés, saa ra kuaꞌa ni ka va tundoꞌo niꞌi yuvi na ^xa chiñu kiꞌvi xiꞌin ña kusii ini mii na, saa chi xiꞌin chiñu ña ^xa va na ke ^ndañaꞌa na mii na ña ^kundasi na Tata yo Jesucristo, ra xiꞌin ña kan kuvi tu ña ^ndañaꞌa na ña köo yaꞌvi ndiaa nii ra ña ndixitia ndika cruz ña sandiꞌi xaꞌa kuachi va yo; ra yuvi na xa saa kan, ra Tachi Yii Tata yo Ndioxi ña iyoo kaꞌnu ini xaꞌa va yo kuvi ña ^kañaꞌa na xiꞌin, ra ^kundasi na ña.

Hebreos 13:12

Ra mii saa kuvi tu ña ndoꞌo, Tata yo Jesucristo va, saa chi nuu ñuu va tava na ra, ña xaꞌni na ra, ra xiꞌin nii ra kuvi ña sandiꞌi ra xaꞌa kuachi na ñuu ra.

2 San Pedro 1:9

Ndi su yuvi na kuëe ^xa chiñu ña kaꞌan yu xaꞌa xiꞌin ndo yoꞌo, ra ta kuꞌva iyoo na kuaa a na loꞌo ni xini va iyoo na; ra ^xa xïni tu na xaꞌa ña xa ndiꞌi xaꞌa kuachi ña xa na te yachi va.