Biblia Todo Logo
Bib sou entènèt

- Piblisite -




Efesios 4:32 - Mixteco Metlatónoc

32 Ra vichin, ra ña xiniñuꞌu sa ndo kuvi ña, toꞌo va na koo ndo, ra ndaꞌvi ni tu na koo ini ndo xiꞌin taꞌan va ndo, ra na koo kaꞌnu tu ini ndo xaꞌa taꞌan va ndo, ta kuꞌva xa Ndioxi, ña xa kaꞌnu ini ra xaꞌa kuachi ndo, xaꞌa ña xa Tata yo Jesucristo.

Gade chapit la Kopi




Efesios 4:32
34 Referans Kwoze  

Ra te kaꞌan ndo xiꞌin Ndioxi, ra tu väꞌa kuni ndo xini ndo iin yuvi, xaꞌa ndia iin kuachi ña xa na xiꞌin ndo, saa ra xiniñuꞌu na sakaꞌnu ini ndo xaꞌa na. Ra saa ke koo kaꞌnu tu ini Iva ndo Ndioxi, ra ^nduꞌu ndivi, xaꞌa kuachi ndoꞌo va.


Ra na kundaa ini ndo, chi tu ^xa kaꞌnu ini ndo xaꞌa ra xa kuachi, saa ra xa ^kaꞌnu tu ini yuꞌu va xaꞌa ra, ra xaꞌa ña kuꞌvi ini yu ndoꞌo va kuvi ña xa kaꞌnu ini yu xaꞌa ra nuu Cristo, ra köo ka xaꞌa ña xa ra nuu yu.


Vichin, ra xa seꞌe Ndioxi va kuvi ndo, ra kuꞌvi ni tu ini ra xini ra ndoꞌo va, ra xaꞌa ña kan ke, na sa nduxa ndo ña sa ndo ta kuꞌva xa mii va ra.


Kuꞌvi ini ndo kuni ndo na saa ini xini ndoꞌo, ra sa ndo ña vaꞌa xiꞌin na. Ra tu chindiee ndo xuꞌun na ra ndiätu ini ndo ña ndakiꞌin ndo ña ndaꞌa na. Saa ke niꞌi ndo ña vaꞌa nuu Ndioxi, ra kunani ndo seꞌe Ndioxi ra kaꞌnu. Chi vaꞌa ni ini Ndioxi xiꞌin takundiꞌi va yuvi, nii na köo ña toꞌo kuvi na, ra nii na yuvi ñaꞌa kuvi va na.


’Na käꞌan ndo xaꞌa kuachi inka yuvi, saa ke käꞌan Ndioxi ña iyoo kuachi ndo. Ra na satävi chiꞌña ndo yuvi, saa ke satävi chiꞌña Ndioxi ndoꞌo. Ra koo kaꞌnu ini ndo xaꞌa ña xa inka yuvi xiꞌin ndo, saa ke koo kaꞌnu ini Ndioxi xaꞌa ndo.


Yuvi na iyoo ña kuꞌvi ini ña taxi Ndioxi nima, ra xa ndiee va ini na, ra tiayu ni tu ini va na, ra kuëe ndukuini tu ini va na; ra nii kuëe kutiaa va tu na, ra nii kuëe xa xini ni va tu na.


Ra vaꞌa ni uxa va ichi na sa na ña väꞌa xiꞌin ndo iin kii, ra uxa ichi saa na ndiko tu na ña kaꞌan na xiꞌin ndo kachi na saa: “Sä ka yu saa xiꞌin kun”, na kachi na, saa ra xiniñuꞌu na sa kaꞌnu ini ndo xaꞌa va na ―kachi Jesús xiꞌin na.


Ra na sakaꞌnu ini kun xaꞌa kuáchi ndi, Ta kuꞌva xa ndi ña ^xakaꞌnu ini ndi xaꞌa kuachi yuvi, na xa ña väꞌa xiꞌin ndi.


Na kuachi, ña tiaa yu tutu yoꞌo ña kuxaa ña nuu ndo, ra xaꞌa ña vaꞌa na kundaa ini ndo, ña xa xa kaꞌnu ini Tata yo Ndioxi, xaꞌa kuachi ndo, xaꞌa ña xa Tata yo Jesucristo va kuvi ña.


Ra na kuꞌvi ini ndo kuni taꞌan ndo, ta kuꞌva kuꞌvi ini ndo xini ndo ñani mii ndo na kaku xiꞌin ndo. Ra na satoꞌo taꞌan ni ndo xiꞌin ña sii ini iin takundiꞌi kii va.


Ndi su tu naꞌma yo takundiꞌi va kuachi yo nuu Tata yo Ndioxi, saa ra koo kaꞌnu ini ra xaꞌa takundiꞌi va kuachi yo, ra sandiꞌi tu ra xaꞌa va ña, saa chi ra kan, ra saxinu va ra ña kaꞌan ra, ra niña ña ndaa va ^xa ra.


Ra ña xiniñuꞌu sa ndo vichin ke, na koo kaꞌnu ini ndo xaꞌa va ra, ra na ndachikaa ndo tuꞌun ndiee ini xiꞌin va ra, ña vaꞌa na kusüchi ni ka ini ra.


Ra nuu nduꞌu, ra vaꞌa ni va ^kee yuvi na xiin xa ndiee ini ña ndoꞌo ini na. Ra xa kundaa tu ini ndo ndia kuꞌva ke xa ra Job ña xiin ra xa ndiee ini ra ña ndoꞌo ni ini va ra, ra kundaa tu ini ndo ndia kuꞌva ke xa Tata yo Ndioxi xiꞌin ra te kii ndiꞌi va; saa chi Tata yo Ndioxi, ra tiayu ni ini ra, ra ndaꞌvi ni tu ini va ra.


Ra ndañaꞌa tu ndi mii ndi ña xa iyoo nduvi ndi sa ndi chiñu ña kuni Ndioxi, xiꞌin ña vivii tiaku va ndi, xiꞌin xaꞌa ña kundaa ini ndi xaꞌa ña ndaa, xiꞌin xaꞌa ña kaꞌnu ini ndi, xiꞌin xaꞌa ña tiayu ni ini ndi, xiꞌin xaꞌa ña iyoo Tachi Yii Ndioxi xiꞌin ndi, xiꞌin xaꞌa ña ndinuni ni kuꞌvi ini ndi xini ndi yuvi,


Ra na sakaꞌnu ini kun xaꞌa kuachi ndi, ta kuꞌva ^xa mii ndi ña ^xa kaꞌnu ini ndi xaꞌa kuachi yuvi na ^xa ña väꞌa xiꞌin ndi. Ra täxi kun koyo ndi ndaꞌa ña väꞌa; chi na ndakiꞌin va kun nduꞌu ndaꞌa ña, kachi ndo xiꞌin Ndioxi ―kachi Jesús xiꞌin ndia.


xaꞌa ña kundaꞌvi ni ini ra xini ra yoo. Ra ta kuꞌva yeꞌe ñuꞌù inka kii xaa, saa yeꞌe ra xaa ra nuu yo, ña kee ra ndivi.


Ra xiniñuꞌu tu ndinuni ni na kuꞌvi ini ndo kuni ndo na ñani yo na ndikun Tata yo Jesucristo va, ra saa tu takundiꞌi ka yuvi va.


Ra ndakiꞌin mani ni va mii na ndee ñuu kan nduꞌu, ra saa ndikun chikaa na ñuꞌu va, ra ndikaꞌan na xiꞌin ndi ña na kuyachin ndi ndasaa ndi, saa chi ^kuun ni savi ra tiaa ni tu vixin va.


Swiv nou:

Piblisite


Piblisite