Efesios 4:31 - Mixteco Metlatónoc

³¹ Ra na naa va ini ndo, xaꞌa ña väꞌa kuni ndo xini ndo inka yuvi, xiꞌin ña xikueꞌe ndo, xiꞌin ña saa ndo, xiꞌin ña ndaꞌyu ndo, xiꞌin ña kañaꞌa ndo, xiꞌin ña kaꞌan kiꞌvi ndo xaꞌa inka yuvi, xiꞌin takundiꞌi ka nuu ña väꞌa, ña ^xa ndo.

Efesios 4:31 Referans Kwoze

Colosenses 3:8

Ndi su vichin, ra xiniñuꞌu na ndakoo ndo takundiꞌi va chiñu kiꞌvi yoꞌo: ta kuu ña saa ndo, xiꞌin ña saa ndo ra kani taꞌan ndo xiꞌin taꞌan ndo, xiꞌin ña ndakani ini ndo ña satixuꞌvi ndo inka yuvi, xiꞌin ña ndaa yuꞌu ndo Ndioxi, ra saa tu ndia ndia yuvi va, ra ndia nii ka tu tuꞌun yakua na käꞌan va ndo.

1 San Pedro 2:1

Ra xaꞌa ña kan ke, na ndakoo va ndo ña xa ndo takundiꞌi nuu chiñu kiꞌvi, xiꞌin ña sandaꞌvi taꞌan ndo, xiꞌin ña siin kaꞌan ndo ra siin tu xa va ndo, xiꞌin ña ndukuini ndo xini taꞌan ndo, xiꞌin ña ndatuꞌun ndo tuꞌun chiꞌña.

Santiago 1:19

Ra kuni tu yu ña na kundaa ini ndo xiꞌin tuꞌun ña kaꞌan yu xiꞌin ndo yoꞌo va; na sakuaꞌa ndo ña tiaa soꞌo ndo ña kaꞌan yuvi xiꞌin ndo, ra te xa kaꞌan tu ndo, ra kuee va na kuu, saa kaꞌan ndo, chi ña xiniñuꞌu sa ndo ke xiꞌna ka vivii va na kiꞌin xini ndo xaꞌa tuꞌun ña kaꞌan ndo, ra saa kaꞌan ndo xiꞌin yuvi; ra nii kuëe kama ni tu na sáa̱ va ndo.

Colosenses 3:19

Ra saa tu ndoꞌo, tiaa ndia iyoo yasiꞌi va, na kuꞌvi ni ini ndo kuni ndo yasiꞌi ndo, ra kuëe kueꞌe ni na koo ndo xiꞌin na.

Santiago 3:14

Ra vaꞌa ni ndichi ni va tu ndo tuvi ndo, ndi su tu na ndukuini ini xini taꞌan va kuvi ndo, ra kanitaꞌan tu ndo xiꞌin taꞌan ndo ña kuni ndo sa tiaa ndo nuu taꞌan va ndo, saa ra süvi ndixa na ndichi vi kuvi ndo, saa chi na sandaꞌvi va kuvi ndo ña kaꞌan ndo ña ndichi ni ndo.

Efesios 4:26

Ra ta xa saa ndo, ra na sä ndo kuachi, ra na kuëe saa ndo iin nduvi xiꞌin taꞌan ndo.

1 San Juan 3:12

Ra na sä yo ta kuꞌva xa ra Caín, ra xikuu kuenda timiaꞌa, ña xaꞌni ra ra ñani ra. Ra na kundaa ini ndo, chi xaꞌa ña ndakuni ra Caín ñani ra ña xa ra chiñu vaꞌa kuvi ña xaꞌni ra ra, ndi su mii ra ra chiñu kiꞌvi va ke xa ra.

Santiago 4:11

Ñani yo, na käꞌan kiꞌvi ndo xaꞌa na ñani yo. Saa chi tu kaꞌan kiꞌvi ndo xaꞌa na, a ndanduku tu ndo kuachi va na, saa ra ndiayu Tata yo Ndioxi va kuvi ña kañaꞌa ndo xaꞌa, ra kaꞌan tu ndo ña väꞌa iyoo va ña. Ra ña kañaꞌa ndo xaꞌa ndiayu Tata yo Ndioxi, ra xïin ndo kandixa ndo ña, saa ra ña kanduu va ndo kuvi ña, ña xa ndo saa.

Tito 1:7

Saa chi ndia ñani yo ndia inuu nuu na veꞌe ñuꞌu, kuvi ndia ndiso chiñu xiꞌin chiñu Tata yo Ndioxi, ra xaꞌa ña kan ke xiniñuꞌu vivii va na kutiaku ndia. Ra na küu ndia tiaa ndia iku ni ini, ra nii kuëe kama ni tu na saa va ndia, ra nii na saxïni tu ndia mii ndia xiꞌin ndutia ra saxini na mii na xiꞌin va, ra nii na chikäa tu ndia kuachi xiꞌin yuvi va, ra nii na ndüku tu ndia xuꞌun xiꞌin chiñu maña va.

1 Timoteo 3:11

Ra toꞌo ni tu na koo na siꞌi yasiꞌi va ndia, ra nii na käka tu na xiꞌin tuꞌun chiꞌña va, ra ta ^xixi na ra ta kuꞌva va na kuxi na, ra saa tu ta xa xiꞌi na ndia ndia ka ndutia va, ra vivii tu na sa na takundiꞌi chiñu va, ña vaꞌa na ^kondiaa ini inka yuvi na.

2 Corintios 12:20

Saa chi ndiꞌi va ini yu ña ndaniꞌi yu ndoꞌo ndee ndo ^xa ndo inka chiñu, ta xa na xaa yu kotoꞌni yu ndoꞌo, ra ndiꞌi tu ini yu, xaꞌa ña iyo ni sa̱a̱ yu xiꞌin va ndo. Ra ndiꞌi tu ini yu xaꞌa ña iyo ni ndaniꞌi yu ndoꞌo ndee ndo kanitaꞌan va ndo, xiꞌin ña ndukuini ini ndo xiꞌin taꞌan ndo, xiꞌin ña saa ndo xiꞌin taꞌan ndo, xiꞌin ña ^xa xini ni ndo nuu taꞌan ndo, xiꞌin ña kaꞌan ndo tuꞌun chiꞌña xaꞌa taꞌan ndo, xiꞌin ña kaꞌan kiꞌvi ndo xaꞌa taꞌan ndo, xiꞌin ña kutiaa ndo nuu taꞌan ndo, xiꞌin ña ^xa ndo chiñu ña kuëe iyoo ikun.

1 Corintios 14:20

Ñani yo, na ndakäni ini ndo ta kuꞌva ndakani ini na kuachi xaꞌa ña kaꞌan yu xaꞌa xiꞌin ndo yoꞌo. Ra na kuu va tu ndo ta kuꞌva iyoo na kuachi na kundäa vaꞌa ini xaꞌa chiñu kiꞌvi, ndi su ta kuꞌva xani ini yuvi xixa va tu na kani ini ndo xaꞌa takundiꞌi chiñu taꞌan ña kaꞌan yu xaꞌa xiꞌin ndo yoꞌo.

1 Timoteo 5:13

Ra süvi takua ña yoꞌo ke ^xa na, chi tu na chindiee taꞌan kun xiꞌin na, ra xaꞌa ^nduxuxan vaꞌa ka va na, ra süvi takua na ^nduxuxan kuvi na, chi xaꞌa tu na ña xika na ta veꞌe, ta veꞌe na, ña tuku tuku ndiko na ndatuꞌun na xaꞌa ña ndoꞌo inka yuvi, ra xaꞌa tu na kiꞌvi niꞌni yuꞌu na xaꞌa chiñu inka yuvi va.

Gálatas 5:20

xiꞌin ña ndasakaꞌnu na ndioxi ndii, xiꞌin ña xa tuꞌva na, xiꞌin ña kundasi na inka yuvi, xiꞌin ña kanitaꞌan na xiꞌin taꞌan na, xiꞌin ña ndukuini ini na ña kuni na koo ñaꞌa ña iyoo nuu inka yuvi nuu na, xiꞌin ña sáa̱ na xaꞌa ndia ndia ka ñaꞌa, xiꞌin ña kaꞌan toꞌo ni na xaꞌa mii na, xiꞌin ña xa kuachi na xiꞌin taꞌan na, ra taꞌvi taꞌan na,

1 Corintios 5:8

Ra xaꞌa ña kan ke xiniñuꞌu na ndatava yo viko pascua, xiꞌin ndinuni nima yo, xiꞌin ña ndaa, ra na ndatäva yo ña xiꞌin ña yakua, xiꞌin chiñu kiꞌvi, ña kuu ndavi yata.

Romanos 3:14

Saa chi niña tuꞌun ñaꞌá, tuꞌun ña ^xa iva ini yuvi va ke kaꞌan na.

Apocalipsis 12:10

Ra saa xini soꞌo yu ña ndiee ka vi ndikaꞌan iin tachi chi ndivi kachi ña saa: ―Vichin ke ndixaa kii ña ^sakaku Iva yo Ndioxi na ñuu ra, ra ^ndañaꞌa ra ndiee ra ña kuu ra Rey ra kaꞌnu, ra ^xaꞌndia tu Jesús, ra ndikaxin va ra chiñu nuu takundiꞌi na yuuvi. Saa chi vichin ra xa ndakava va ri ñaꞌa ri ixiko taꞌan xiꞌin na ñani yo nuu Ndioxi ñuu kaꞌñu.

1 San Juan 3:15

Ra takundiꞌi yuvi na saa ini xini taꞌan, ra ta kuꞌva iyoo iin tiaa ra xaꞌni va ke iyoo na, ra xa kundaa va ini ndo, chi yuvi na xaꞌni, ra nïꞌi vi na kan ña kutiaku na ndia ndikaa ndikuꞌun xiꞌin Tata yo Ndioxi.

Tito 2:3

Ra na kaꞌan tu kun xiꞌin takundiꞌi na kuꞌva yo na naꞌnu va, ña na ^sa na chiñu ña kuni mii Tata yo Ndioxi va, ra nii na käka tu na xiꞌin tuꞌun chiꞌña va, ra nii na saxïni tu na mii na xiꞌin ndia ndia ka ndutia ra xini na xiꞌin va. Ra chiñu vaꞌa va ke na sa na, ña vaꞌa na kuu na iin ita niñu,

2 Timoteo 2:23

Ra na tiäa soꞌo kun ta ndatuꞌun na xaꞌa chiñu kiꞌvi ña köo yaꞌvi ndiaa, saa chi ña ^xa ña kan ke, sakanitaꞌan ña yuvi va.

1 Timoteo 3:3

ra nii na saxïni tu ndia mii ndia xiꞌin ndixi va, ra nii na küu tu ndia ndia iku ndia kanitaꞌan xiꞌin yuvi va, ra na kutöo ndia nduku ndia xuꞌun xiꞌin ña maña, ra tiayu ni tu na koo va ndia, ra tiaku ni tu na koo ini va ndia, ra na kotöo ni tu ndia xuꞌun va;

Hechos 21:30

Ra xaꞌa ña kan ke iin kaña na ñuu kan, ra kee na xinu ndixaꞌan na ña tiin na ra Pablo ini veꞌe ñuꞌu kan ra kañuꞌu na ra ña tava na ra chi keꞌe, saa ra ndikun ndasi na yeꞌe ñuꞌu va.

2 Timoteo 3:3

ra nii küꞌvi tu ini na kuni na yuvi va, ra nii kuïin tu na ña koo kaꞌnu ini va na; ra niña tuꞌun chiꞌña va ndatuꞌun na, ra nii kuchüun tu na ña kaꞌnu na mii va na, ra ndivaꞌa ni tu koo ini va na, ra kanitaꞌan tu na xiꞌin yuvi na ^xa chiñu vaꞌa va.

Efesios 4:22

Ra sakuaꞌa tu ra ndoꞌo, ña na sä ka ndo taꞌan chiñu ña xa ndo ta yachi va, chi ta kuꞌva xa ndo ta yachi, ra ña kotoo iki kuñu ndo sa va ña kuvi ña sandaꞌvi ndoꞌo, ña xa ndo chiñu kiꞌvi, ra chiñu kan, ra ña kuni sandiꞌi xaꞌa va ndo kuvi ña.

Efesios 4:25

Ra xaꞌa ña kan ke, na ndatüꞌun ka ndo tuꞌun chiꞌña xiꞌin taꞌan ndo; chi niña ña ndaa va na ndatuꞌun ndo xiꞌin na taꞌan ndo, saa chi xa iin iki kuñu nduu takundiꞌi va yo.