Efesios 4:16 - Mixteco Metlatónoc

¹⁶ Ra mii Cristo kuvi tu ra ^ndachutaꞌan yuvi na kuu ñuu va ra, ta kuꞌva iyoo tuchi ña ndachutaꞌan ña iki kuñu iin yuvi. Ra tu kuꞌvi ini yuvi na kuu iki kuñu Cristo xini taꞌan na, ra ^xa na chiñu ña taxi Ndioxi ndaꞌa na, saa ra kuvi tu kuaꞌnu veꞌe ñuꞌu xiꞌin ndiee Tata yo Cristo va.

Efesios 4:16 Referans Kwoze

Colosenses 2:19

Ra na ^xa saa kan, ra ndïkun vi na Tata yo Jesucristo, ra kuu xini xaꞌndia chiñu nuu na veꞌe ñuꞌu, ra ^sakuxi tu ra na, ña vaꞌa na kuaꞌnu va na, ra kuu na iin iki kuñu va, ta kuꞌva iyoo tuchi ña ndachutaꞌan iki kuñu ña kuu ña iin, ra ta kuꞌva kuni mii Tata yo Ndioxi sakuaꞌnu ra ña ke xaꞌnu ña kuaꞌan va ña.

San Juan 15:5

’Yuꞌu kuvi ra kuu teꞌe uva, ra ndoꞌo kuvi ndia kuu yoꞌo vali ndaꞌa va ña, ra na ndikun ndiaa yuꞌu, ra yuꞌu tu iin xiꞌin va na, ra na kan kuvi na kuaꞌa ni uva taxi va; ra tu na kundïkun ndiaa na yuꞌu, saa ra ndia nii ña ke kuchüun na sa vi na.

Colosenses 2:2

Ra saa kuvi ña ^xa yu ña vaꞌa ndachikaa yu tuꞌun ndiee ini xiꞌin na, ña vaꞌa iin va na kuu na xiꞌin yo, saa chi kuꞌvi ni ini Tata yo Jesucristo xini ra na. Ra tu saa na sa na, saa ra kuvi va tandiaa na ña kundaa vaꞌa ini na xaꞌa ña kuu kuenda mii Tata yo Ndioxi ña iyoo seꞌé, ra ña iyoo seꞌé kan kuvi Jesucristo va.

Efesios 4:12

Ra saa ke xa ra ña xa nduvi ra na kuu kuenda mii ra ña sa na chiñu nuu ra, ña vaꞌa na sakuaꞌnu na yoo na veꞌe ñuꞌu ña kuu iki kuñu ra,

1 Corintios 13:13

Ra xa ta kachi yu ke iyoo va ña, chi ña ndiꞌi xaꞌa va kuvi sava ñaꞌa, ndi su ndïꞌi vi xaꞌa ña ndiaa ini yo Ndioxi, xiꞌin ña ndiatu yo ndakiꞌin yo ña taxi ra, xiꞌin ña kuꞌvi ini ña taxi ra ndaꞌa yo, ra ña chee vaꞌa nuu ña yoꞌo kuvi ña kuꞌvi ini ña taxi Ndioxi ndaꞌa va yo.

Efesios 4:15

Chi ña sa yo kuvi ña, kaꞌan yo ña ndaa va xiꞌin taꞌan yo, ra kuꞌvi tu ini yo kuni taꞌan va yo, ña vaꞌa na kuaꞌnu yo, ra nduu yo iin xiꞌin Tata yo Cristo, ra xaꞌndia chiñu nuu na veꞌe ñuꞌu.

1 Timoteo 1:5

Ra ña kaꞌan yu kachi yu suꞌva, ra ña kuni yu ña ndinuni ni na kuꞌvi ini taꞌan va ndo kuvi ña, saa chi xa ndasama va nima ndo, ra xa vivii tu ^xani ini va ndo, ra ndinuni ni tu ndiaa ini ndo Tata yo Jesucristo va.

1 Tesalonicenses 2:13

Ra xaꞌa ña kan ke kuëe xikutuvi ndi ña ^ndataxi ni ndi tixaꞌvi ndaꞌa Tata yo Ndioxi, saa chi ta ndakani ndi tuꞌun Ndioxi nuu ndo, ra xaꞌa ña ^kuu ña tuꞌun Ndioxi va kuvi ña kandixa ndo ña, ra kundaa tu ini mii va ndo ña kuëe kuu ña takua tuꞌun yuvi. Chi ña ndixa ke kuu ña tuꞌun Ndioxi va, ra ^ndasama tu ña ndoꞌo, na kandixa va ña.

Filipenses 1:9

Ra kaꞌan ni tu yu xiꞌin Ndioxi xaꞌa ndo, ña na kuꞌvi ni ka ini ndo kuni ndo takundiꞌi yuvi va, ra mii Ndioxi kuvi tu ra na taxi ni ka ña ndichi xiꞌin ña xinituni va ndo,

Efesios 3:17

Saa chi saa ke vaꞌa koo Cristo nima ndo xaꞌa ña ndiaa ini ndo ra, ra saa ke kuvi koo ni tu ña kuꞌvi ini ña taxi Ndioxi va nuu ndo, ra koo ndaku nima ndo.

1 San Pedro 1:22

Ra xaꞌa ña chindiee taꞌan Tachi Yii Ndioxi xiꞌin ndo ña kandixa ndo tuꞌun ña ndaa ña xini soꞌo va ndo kuvi ña vaꞌa ndakatia Ndioxi nima ndo, ra ndinuni ni ndakundikun ndo Tata yo Jesucristo, ra kuꞌvi ni tu ini ndo xini ndo na ñani va yo. Saa chi ña xiniñuꞌu va kuvi ña kuꞌvi ni ini ndo kuni taꞌan ndo xiꞌin ndinuni nima ndo, ra saa tu xiꞌin takundiꞌi ndiee va ndo.

Efesios 3:7

Ra xaꞌa ña tiayu ni ini Ndioxi va kuvi ña ndikaxin ra yuꞌu, ña sachiñu yu nuu ra ña kaꞌan ndoso yu tuꞌun ra, xiꞌin ndiee kaꞌnu ña kuu mii ra.

Efesios 1:4

Ra ta kumani ka kukava xaꞌa ña yuuvi yoꞌo vi kuvi ña ndikaxin ra yoo ña nduu yo iin xiꞌin Cristo, ña vaꞌa na kuu yo yuvi na yii, na köo kuachi nuu ra.

Gálatas 5:22

Ndi su ña ^xa Tachi Yii Ndioxi ke chindiee taꞌan ña xiꞌin yo ña ^kuꞌvi ini yo xini yo inka yuvi va, xiꞌin ña iyoo sii ini yo, xiꞌin ña itaꞌan mani yo xiꞌin takundiꞌi yuvi, xiꞌin ña iyoo kaꞌnu ini yo, xiꞌin ña toꞌo ni yo xiꞌin yuvi, xiꞌin ña tiayu ni yo, xiꞌin ña iyoo ndaku nima yo,

1 San Juan 4:16

Ra xiꞌin ña yoꞌo ke, kundaa ini yo ña kuꞌvi ini Tata yo Ndioxi xini ra yoo, ra ña kan ke kandixa va ndi ña kuꞌvi ini ra xini ra yoo. Ra takundiꞌi chiñu ña xa Tata yo Ndioxi, ra xaꞌa ña kuꞌvi ini ra xini ra yuvi va kuvi ña; ra yuvi na kuꞌvi ini xini taꞌan, ra itaꞌan na xiꞌin Tata yo Ndioxi va, ra ra kan tu itaꞌan xiꞌin na kan va.

2 Tesalonicenses 1:3

Ra iin takundiꞌi va kii ke ndataxi ndi tixaꞌvi ndaꞌa Tata yo Ndioxi xaꞌa ndo ñani yo, saa chi saa ke xiniñuꞌu sa va ndi, saa chi iin takundiꞌi va kii kuxixa ini ndo, ña ndiaa ni ini ndo Tata yo Ndioxi, ra tiaa ni tu ^kuꞌvi ini ndo xini ndo inka yuvi va.

1 Tesalonicenses 3:12

Ra mii Tata yo Jesucristo na chindiee taꞌan xiꞌin ndo ña tuun ni na kundikun ndo ra, ra na taxi tu ra ña kuꞌvi ini ndaꞌa va ndo, ña vaꞌa na kuꞌvi ni ka ini ndo kuni taꞌan ndo, ra saa tu takundiꞌi yuvi va, ta kuꞌva ^xa nduꞌu ña kuꞌvi ini ndi xini ndi ndoꞌo.

1 Tesalonicenses 1:3

Ra xaꞌa ña ndiaa ni ini ndo Ndioxi, xiꞌin xaꞌa ña ^xa ndo chiñu ña ^ndañaꞌa ndo mii ndo ña iyoo ña kuꞌvi ini nuu ndo, xiꞌin xaꞌa ña ^ndoꞌo ni ini ndo ndiatu ndo, ña nandiko Tata yo Jesucristo va kuvi ña ndakaꞌan ndi xaꞌa ndo, ra ^ndataxi ni ndi tixaꞌvi ndaꞌa Tata yo Ndioxi xaꞌa ndo.

Gálatas 5:6

Saa chi yoo na xa nduu iin xiꞌin Cristo, ra köo yaꞌvi ndiaa vi ña tiaꞌndia iki kuñu yo a ña tiäꞌndia ña. Chi ña ndiaa yaꞌvi nuu yo ke ndiaa ini yo Cristo va, ra ña ndiaa ini yo Cristo kuvi ña ^chindiee taꞌan xiꞌin yo ña ^kuꞌvi ini yo xini yo inka yuvi va.

1 Corintios 8:1

Ra vichin kaꞌan yu xiꞌin ndo, xaꞌa ña nindakatuꞌun ndo yuꞌu xaꞌa ñaꞌa ña ^soko na nuu naꞌna ña kuu ndioxi ndii. Ra ña ndixa ke xini takundiꞌi va yo xaꞌa ña yoꞌo; ndi su ña ndiaa ni ini yo ña xini yo, ra nuu inka yuvi va ke kutiaa yo; ra tu kuꞌvi tu ini yo inka yuvi, saa ra xiꞌin va na ke chindiee taꞌan yo, ña na kundikun na ichi Ndioxi.

Romanos 12:4

Ra xa kundaa va ini ndo, chi mii yo ra vaꞌa ni kuaꞌa ni va nuu kuvi iki kuñu yo, ra xa siin xa siin tu chiñu xa va ña, ndi su iin va kuvi yo.

1 Corintios 10:17

Ra va ni kuaꞌa ni va kuvi yó, ndi su indaa va kuvi xita ña xixi yo, ra xaꞌa ña kan ke, iin iki kuñu kuvi takundiꞌi va yo.