Efesios 4:15 - Mixteco Metlatónoc

¹⁵ Chi ña sa yo kuvi ña, kaꞌan yo ña ndaa va xiꞌin taꞌan yo, ra kuꞌvi tu ini yo kuni taꞌan va yo, ña vaꞌa na kuaꞌnu yo, ra nduu yo iin xiꞌin Tata yo Cristo, ra xaꞌndia chiñu nuu na veꞌe ñuꞌu.

Efesios 4:15 Referans Kwoze

1 San Juan 3:18

Ñani mii yu, na iyoo ta kuꞌva iyoo seꞌe yu, tu ndixa kuꞌvi ini yo xini taꞌan yo, ra na küu ña takua tuꞌun kuiti, chi ña xiniñuꞌu ke na ndañaꞌa yo ña kuꞌvi ini yo xini taꞌan yo xiꞌin chiñu ña xa yo xiꞌin taꞌan va yo.

Efesios 4:25

Ra xaꞌa ña kan ke, na ndatüꞌun ka ndo tuꞌun chiꞌña xiꞌin taꞌan ndo; chi niña ña ndaa va na ndatuꞌun ndo xiꞌin na taꞌan ndo, saa chi xa iin iki kuñu nduu takundiꞌi va yo.

1 San Pedro 1:22

Ra xaꞌa ña chindiee taꞌan Tachi Yii Ndioxi xiꞌin ndo ña kandixa ndo tuꞌun ña ndaa ña xini soꞌo va ndo kuvi ña vaꞌa ndakatia Ndioxi nima ndo, ra ndinuni ni ndakundikun ndo Tata yo Jesucristo, ra kuꞌvi ni tu ini ndo xini ndo na ñani va yo. Saa chi ña xiniñuꞌu va kuvi ña kuꞌvi ni ini ndo kuni taꞌan ndo xiꞌin ndinuni nima ndo, ra saa tu xiꞌin takundiꞌi ndiee va ndo.

2 San Pedro 3:18

Ra ña xiniñuꞌu sa ndo ke na kunitaꞌan vaꞌa ka ndo xiꞌin Tata yo Jesucristo, ra ^sakaku yoo va, ra na sakuaꞌa ni ka tu ndo xaꞌa ña kuꞌvi ini ra xini ra yoo va. ¡Ra ra kaꞌnu ni na kuu Tata yo Jesucristo vichin, ra saa tu ndia ndikaa ndikuꞌun va! Saa koo.

Efesios 2:21

Ra sata yuu kaꞌnu ña kuu Jesucristo kan va kuvi ña vivii sakuaꞌnu Ndioxi veꞌe kan kuandaa ña kuaꞌan ña, iin saa ndiakua xaa ña nduu ña veꞌe ñuꞌu yii, ña nduu ña iin xiꞌin Tata yo Jesucristo va.

Efesios 1:22

Ra suꞌva va ke xa Ndioxi ña sandiꞌvi ra takundiꞌi ñaꞌa tixi xaꞌa Tata yo Jesucristo ña xaꞌndia chiñu ra nuu ña, ra ndasa tu ra Tata yo Jesucristo xini takundiꞌi na veꞌe ñuꞌu va ra.

1 San Pedro 2:2

Chi ña xiniñuꞌu sa ndo ke, na sa ndo ta kuꞌva xa na kuachi vali na sakan kaku ña tiaa ni xika nduku na chichin na ndoso siꞌi va na, ña ndinuni ni na kundiꞌi ini ndo ña kutuꞌva ndo tuꞌun vaꞌa ña kuu tuꞌun Tata yo Ndioxi, ra saa ke kuu ndo na ndinuni ni ndikun ichi ra, ra kaku ndo.

Romanos 12:9

Ra ña ^kuꞌvi ini ndo xini taꞌan ndo, ra na küu ña tuꞌun chiꞌña, chi xiꞌin ndinuni nima va ndo, na kuꞌvi ini taꞌan ndo. Ra na kundasi va ndo chiñu kiꞌvi, ra na kundikun ndo ña vaꞌa va.

San Juan 1:47

Ra ta xini Jesús ña ^kuyachin ra Natanael kuaꞌan ra nuu ra, ra saa ndikaꞌan ra kachi ra saa: ―Ra ^vaxi yoꞌo ra mii ra ñuu Israel ndixa kuvi ra, saa chi köo ña maña nuu ra ―*kachi ra.

Efesios 5:23

Saa chi tiaa yii na, kuvi ra xaꞌndia chiñu nuu va na, ta kuꞌva iyoo Tata yo Jesucristo, ña xaꞌndia ra chiñu nuu na veꞌe ñuꞌu. Ra na veꞌe ñuꞌu na kuu iki kuñu Tata yo Jesucristo, ra mii va ra kuvi ra ^sakaku na.

2 Corintios 4:2

Ra kundasi va ndi chiñu ña iyoo seꞌe, xiꞌin chiñu kaꞌan nuu ña xa inka na; ra nii xïka tu ndi ña sandaꞌvi ndi yuvi va, ra nii säma tu ndi tuꞌun Ndioxi va. Chi ña ^xa ndi ke sañaꞌa ndi yuvi xiꞌin ña ndaa va, ña vaꞌa na kuyachin na nuu Ndioxi.

2 Corintios 8:8

Ra ña kachi yu saa xiꞌin ndo, ra süvi chiñu kuvi ña xaꞌndia yu nuu ndo, chi takua xaꞌa ña kuni yu ña na kundaa ini ndo, ndia kuꞌva ke iyoo inka na ñani yo, ña kusii ni ini na ña chindiee taꞌan na xiꞌin na ndaꞌvi ndoꞌo va kuvi ña, ra saa ke vaꞌa na ndañaꞌa tu ndoꞌo va mii ndo a ndixa ke ndinuni ni iyoo ña kuꞌvi ini nuu ndo.

1 Corintios 11:3

Ndi su kuni yu na kundaa ini ndo, chi Cristo va kuvi ra kuu xini takundiꞌi tiaa, ra tiaa ra iyoo yasiꞌi, ra mii ra kuvi xini yasiꞌi va ra, ta kuꞌva iyoo Ndioxi ña kuu ra xini Cristo.

Efesios 1:4

Ra ta kumani ka kukava xaꞌa ña yuuvi yoꞌo vi kuvi ña ndikaxin ra yoo ña nduu yo iin xiꞌin Cristo, ña vaꞌa na kuu yo yuvi na yii, na köo kuachi nuu ra.