Efesios 3:2 - Mixteco Metlatónoc

² Ra ña tuvi yu, ra xa ^kundaa va ini ndo chi xaꞌa ña kundaꞌvi ini Ndioxi xini ra yuꞌu va kuvi ña, taxi ra chiñu yoꞌo ndaꞌa yu ña vaꞌa na chindiee taꞌan yu xiꞌin ndo.

Efesios 3:2 Referans Kwoze

1 Timoteo 1:11

Ra tuꞌun vaꞌa ña sañaꞌa ndi, ra ta kuꞌva kachi mii tuꞌun vaꞌa xaꞌa Tata yo Jesucristo ña sakuiso chiñu suvi mii Tata yo Ndioxi yuꞌu ña kaka yu kaꞌan ndoso yu ke iyoo va ña.

2 Timoteo 1:11

Ra tuꞌun vaꞌa xaꞌa Tata yo Jesucristo, ña kaꞌan yu xaꞌa yoꞌo va kuvi ña kuni Tata yo Ndioxi ña na kaꞌan ndoso yu, ra xaꞌa ña kan va ke kana ra yuꞌu, ña kaka yu chiñu nuu ra, ra kuu tu yu, ra sañaꞌa yuvi na küu judío va.

Romanos 1:5

Ra nuu Jesucristo va ke ndiniꞌi táꞌvi̱ yu ña sachiñu yu nuu ra, ra kaꞌan ndoso yu nuu takundiꞌi na yuuvi yoꞌo xaꞌa ra, ña vaꞌa na ndakundikun na ra, ra kandixa na ra, ña vaꞌa na sa toꞌo na ra.

Efesios 4:7

Ra ta kuꞌva kuni mii ra kuvi tu ña iyoo ña xinituni ña taxi ra ndaꞌa ta iin iin va yo, xaꞌa ña tiayu ni Tata yo Jesucristo.

1 Corintios 4:1

Ra na kundaa ini ndo, chi nduꞌu, ra takua nuu Jesucristo va ke xachiñu ndi, ra chiñu ña taxi ra ndaꞌa ndi ke sañaꞌa ndi yuvi xaꞌa chiñu Ndioxi ña ndixiyo seꞌe ta yachi va.

Efesios 1:10

Ra ta xa na xaa kii ña chituni Ndioxi xinu nuu chiñu mii ra ña iyoo seꞌe kuvi ña sandiꞌi ra ndachutaꞌan ra takundiꞌi ñaꞌa, ta kuu ña iyoo ndivi, xiꞌin ña iyoo ñuꞌu, ra ndataxi ra ña ndaꞌa Cristo ña kaꞌndia chiñu ra nuu ña.

Gálatas 1:13

Ra xa kundaa va ini ndo xaꞌa yu ndia kuꞌva ke ndixiyo yu ta yachi, ta xindikun yu takundiꞌi ña yunaꞌa na judío taꞌan yu ^xa na. Ra xa kundaa tu ini ndo xaꞌa ña xa yu ña kundasi ni yu na ndikun Ndioxi va, ra taxi yu na, ra ndixika nduku ni tu yu kuꞌva ña sandiꞌi yu xaꞌa va na.

Hechos 22:21

Ra saa ndikaꞌan tuku ra xiꞌin yu, kachi ra saa: “Savii, saa chi kani ni tiꞌvi yu yoꞌo kuꞌun kun ña ndakani kun xaꞌa yu, saa chi ndia nuu na küu judío ke kuꞌun kun”, kachi ra xiꞌin yu, ―kachi ra Pablo xiꞌin na.

Hechos 13:46

Ndi su ndiyüꞌvi vi ra Pablo xiꞌin ra Bernabé, chi ndia ndiee ka ndundaku ini va kuvi ndia, ra ndikaꞌan ndia xiꞌin na, kachi ndia saa: ―Xa saa xiꞌna ka xiꞌin ndoꞌo, na kuu taꞌan ndi ke xiniñuꞌu ndatuꞌun va ndi tuꞌun Ndioxi, ndi su xaꞌa ña xïin ndo kuni soꞌo ndo ña, ra nïꞌi ndo kutiaku ndo ndia ndikaa ndikuꞌun, saa ra vaꞌa ka na kuꞌun ndi ndatuꞌun ndi xiꞌin yuvi na küu judío va vichin.

Hechos 13:2

Ra saa kuu iin kii ra ndee na kaꞌan na xiꞌin Ndioxi, ra iyoo suꞌun na ña ndixïxi na, ra saa ndikaꞌan Tachi Yii xiꞌin na kachi ña saa: ―Ra Bernabé xiꞌin ra Saulo, kuvi ndia ndikaxin yu kuꞌun kaꞌan ndoso tuꞌun yu, ra na tava siin ndo ndia, ra kaꞌan ndo xiꞌin Ndioxi xaꞌa ndia ña vaꞌa na saxinu ndia chiñu ña ndikaxin yu ndia sa ndia ―kachi ña.

Hechos 9:15

Ndi su tata yo Jesús ra suꞌva va kachi ra xiꞌin ra: ―Kuaꞌan, saa chi ra kan kuvi ra ndikaxin yu ña kuu ra iin ndaꞌa chiñu nuu yu, ra kuꞌun ra kaꞌan ndoso tuꞌun yu nuu yuvi na xïni tuꞌun Ndioxi, xiꞌin nuu na chiñu kunaꞌnu, xiꞌin nuu na ñuu Israel.

1 Timoteo 2:7

Ra xaꞌa ña kuni Tata yo Ndioxi ña na kundaa ini takundiꞌi yuvi va ke ndikaxin ra yuꞌu, ña kaka yu chiñu nuu ra, ra kaꞌan ndoso yu tuꞌun ra, ra sañaꞌa tu yu yuvi na küu judío xaꞌa ña ndaa ña kuu mii tuꞌun vaꞌa xaꞌa Tata yo Jesucristo va, ra saa tu ña kondiaa ini va na ra. Ra ña kaꞌan yu xiꞌin ndo yoꞌo, ra ña ndaa va kuvi ña, chi xa Tata yo Jesucristo va ndikun yu.

1 Timoteo 1:4

ra nii na ndatüꞌun kuachi ni tu na xaꞌa kuento yata ña köo yaꞌvi ndiaa va, xiꞌin ña ndakani na yata xaꞌa tuꞌun chiꞌña ña sakuaꞌa na nuu na xii xikua na, saa chi ni köo nuu ndiꞌi vi ña, ra nii köo tu yaꞌvi ndiaa va ña, saa chi ña kan, ra ña saka va kuvi ña xini yuvi ra kuëe chindiee taꞌan vi ña xiꞌin na ña vaꞌa kundaa ini na xaꞌa chiñu ña kuni Tata yo Ndioxi; ra ña vaꞌa kundaa ini yuvi xaꞌa chiñu ña kuni Tata yo Ndioxi ra indaa mii va ra kuvi ra xiniñuꞌu kondiaa ini na.

Colosenses 1:6

Ra tuꞌun vaꞌa xaꞌa Tata yo Jesucristo ña xini soꞌo ndo yoꞌo, ra xa iinii kuvi va nuu ña yuuvi ndutia ndoso ña kuaꞌan ña, ra vaꞌa ni xa ña xiꞌin na, saa chi ndasama va ña na. Ra mii saa kuvi tu ña kuu xiꞌin ndoꞌo va, te sakan kundaa ini ndo ña ndixa va ke kuꞌvi ni ini Tata yo Ndioxi ^xini ra ndoꞌo.

Colosenses 1:4

Saa chi ^kundaa va ini ndi xaꞌa ndo ña ndinuni ni ndikun ndo Tata yo Jesucristo, ra saa tu xaꞌa ña kuꞌvi ni ini ndo xini ndo takundiꞌi na ndikun Tata yo Ndioxi va.

Efesios 4:21

Chi ña sakuaꞌa ndo nuu ra kuvi ña vivii na koo va ndo, ra kundikun ndo ña ndaa ña ^taxi mii va ra.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

Romanos 12:3

Ra na kundaa ini ndo, chi xaꞌa ña vaꞌa xa Ndioxi xiꞌin yu ña ^xachiñu yu nuu va ra ke, kuu mii yu ndiayu ña ^kaꞌan yu xiꞌin ndo vichin, ra ndia nii ndo na ndakäni ini ña vaꞌa ni ndo nuu inka yuvi. Chi ña xiniñuꞌu sa ta iin iin ndo ke vivii va na kiꞌin xini ndo, ra ta kuꞌva iyoo mii ña taxi Ndioxi ndaꞌa ndo xaꞌa ña ndiaa ini ndo ra ke na sa va ndo.

Romanos 11:13

Ra vichin kaꞌan yu xiꞌin ndoꞌo, na küu judío, ra na kundaa ini ndo, saa chi mii va Ndioxi kuvi ra tiꞌvi yuꞌu, ña vaxi yu kaꞌan ndoso yu tuꞌun ra nuu ndo, ra ña yoꞌo kuvi chiñu ña ^ndiꞌi vaꞌa ka ini yu xaꞌa va.

Efesios 3:7

Ra xaꞌa ña tiayu ni ini Ndioxi va kuvi ña ndikaxin ra yuꞌu, ña sachiñu yu nuu ra ña kaꞌan ndoso yu tuꞌun ra, xiꞌin ndiee kaꞌnu ña kuu mii ra.

Efesios 3:9

Ra sakuiso chiñu tu ra yuꞌu ña ndakani yu nuu takundiꞌi yuvi va, xaꞌa ña kuu kuenda mii ra, ña ndixiyo seꞌé ndia kii ña xavaꞌa ra ña yuuvi.