Efesios 3:16 - Mixteco Metlatónoc

¹⁶ Ra ^kaꞌan ni tu yu xiꞌin ra, ña na taxi ra Tachi Yii ra koo xiꞌin va ndo, ra taxi ña ndiee ndaꞌa ndo, ña vaꞌa na kuu xixa nima ndo xiꞌin tuꞌun ra, ra kuvi va sa Ndioxi ña, saa chi ndiee ña kuu mii ra, ra ña kaꞌnu va kuvi ña, ra kuëe ndiꞌi tu xaꞌa va ña.

Efesios 3:16 Referans Kwoze

Colosenses 1:11

Ra kaꞌan ni tu ndi xiꞌin ra ña na ndasandaku ra ndoꞌo xiꞌin ndiee kaꞌnu ña kuu mii va ra, ña vaꞌa na kuchuun ndo sa ndiee ini ndo nuu takundiꞌi ña uꞌvi, saa chi ña kuni yu ke na koo sii ni ini va ndo,

Filipenses 4:13

Ra ^kuchiñu va yu, ña ^xa ndiee ini yu nuu takundiꞌi va ña, saa chi Cristo va kuvi ra ^taxi ndiee ndaꞌa yu.

2 Timoteo 4:17

Ra vaꞌa ni saa xa va ndia, ndi su mii va Tata yo Jesucristo kuvi ra chindiee taꞌan xiꞌin yu, ra taxi tu ra ndiee va yu, ña vaꞌa ndikaꞌan ndoso yu tuꞌun vaꞌa xaꞌa ra nuu yuvi, ra takundiꞌi va yuvi na küu judío xini soꞌo ña. Ra suꞌva va ke xa Tata yo Jesucristo ña sakaku ra yuꞌu nuu ña kuvi yu, ra ndia ta kuꞌva ndoꞌo iin tiaa ra ndisaña ndaꞌa ndikaꞌa va ke ndoꞌo yu.

2 Corintios 4:16

Xaꞌa ña kan ke, kuëe kuvita vi ini ndi, saa chi vaꞌa ni kuyata va iki kuñu ndi kuaꞌan ña, ndi su tachi ña kuu mii ndi, ra ña nduxaa va kuvi ña ta iin, iin kii.

Efesios 6:10

Ra ña sandiꞌi yu kaꞌan yu xiꞌin ndo vichin ñani yo, ra ña kachi yu ke ndaku ni na koo ini ndo xaꞌa ña xa ndakutaꞌan ndo xiꞌin Tata yo Jesucristo, ra saa tu xaꞌa ña xa taxi ra ndiee ra ña kaꞌnu ndaꞌa va ndo.

2 Corintios 12:9

Ndi su suꞌva va kachi ra xiꞌin yu: “Na kusii ini kun xiꞌin ndiee yu ña iyoo xiꞌin va kun; saa chi vaꞌa ka va ndañaꞌa yuvi mii na ña iyoo ndiee yu xiꞌin na, ta kuvita ini na”, kachi ra xiꞌin yu. Ra xaꞌa ña kan ke kusii va ini yu, xiꞌin ña xa vita yuꞌu, saa chi saa ke vaꞌa ka ^ndañaꞌa yu mii yu ña iyoo ndiee Tata yo Jesucristo xiꞌin va yu.

Filipenses 4:19

Ra mii va Tata yu Ndioxi, taxi takundiꞌi ñaꞌa ña kumani nuu ndo ndaꞌa ndo, ra ta kuꞌva iyoo mii ña kuika, ña vaꞌa ni, ña iyoo nuu va ra ke taxi ra ndaꞌa ndo, xaꞌa ña xa Cristo.

Romanos 7:22

Ra vaꞌa ni kuꞌvi ni va ini yu ndiayu Ndioxi xiꞌin ndinuni nima yu,

1 Corintios 16:13

Ra na koo nduvi ni ndo, ra ndinuni ni na kandixa ndo Tata yo Jesucristo. Ra ndaku ni na koo nima ndo, ra ndiee ni tu na koo ini va ndo.

Romanos 9:23

Ra suꞌva ke xa Ndioxi ña ndañaꞌa ra, ña kaꞌnu ni ña kuu mii ra nuu yuvi, na iyoo ta kuꞌva iyoo kisi ñuꞌu, ra ndia kii xaꞌa vi kuvi ña kundaꞌvi ini ra xini ra na, ra ndikaxin ra na, ña koo na xiꞌin ra nuu iyoo ra.

Colosenses 1:27

Ra saa ke xa Tata yo Ndioxi, saa chi ña kuni ra ña na kundaa ini na kuu kuenda mii ra, xaꞌa ña ndixiyo seꞌe ta yachi va kuvi ña. Ra tuꞌun ra ña ndaa, ña kaꞌnu, ña nduvi ni, ra ña kuni soꞌo takundiꞌi na yuuvi va kuvi ña. Ra ña ndixiyo seꞌé ña kaꞌan tuꞌun Tata yo Ndioxi xaꞌa kuvi ña: iyoo Tata yo Jesucristo nima ndoꞌo na küu judío vichin va, ra kundaa kaxi tu ini ndo ña kuꞌun ndo koo ndo xiꞌin ra ndivi ninu va.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

Efesios 1:18

Ra kaꞌan tu yu xiꞌin ra xaꞌa ndo, ña vaꞌa na ndakuña ra ña xinituni va ndo, ra kundaa kaxi ini ndo xaꞌa takundiꞌi ña vaꞌa ña ndiaa ini ndo ndakiꞌin ndo, xaꞌa ña kana ra yoo, ra yoo kuvi na kuu ñuu ra ña yii, ña vaꞌa, ña ndiaa yaꞌvi ni nuu va ra.

San Mateo 6:13

Ra täxi kun koyo ndi ndaꞌa ña väꞌa; Chi na ndakiꞌin va kun nduꞌu ndaꞌa ña. Chi yoꞌo kuvi ra kaꞌnu xaꞌndia chiñu, ra kuu mii kun ndiee, ra xaꞌndia kun xaꞌa takundiꞌi va ñaꞌa, ndia ndikaa ndikuꞌun. Amén.

Efesios 1:7

Ra xaꞌa ña ndixiꞌi Tata yo Jesucristo ndika cruz va kuvi ña xa kaꞌnu ini ra xaꞌa kuachi yo, ra sakaku ra yoo. Ra xaꞌa ña kuꞌvi ni ini ra yoo va kuvi ña xa ra saa.

Hebreos 11:34

ra te taan tu na sava ndia nuu ñùꞌù ña iin ndakundichi ndakundichi xixi, ra ndikuchüun vi ña kaꞌmi ña ndia, ra te kuni tu na kaꞌni na sava ndia xiꞌin ichi, ra ndikuchüun vi na. Ra te xa kundiëe ka tu sava ndia, ña kanitaꞌan ndia xiꞌin yuvi na saa ini xini ndia, ra nduu ndaku tuku va ndia, ra xa tiaa va ndia nuu yuvi kan.

1 San Pedro 3:4

Chi nima va ndo kuvi ña xiniñuꞌu na koo ña savi, ra ña savi kan kuvi ña vivii sa va ndo, xiꞌin ña toꞌo ni tu koo va ndo, ra saa ke kuu mii ndo ña savi ña ndixa, ña kuëe ndïꞌi xaꞌa; ra ña savi ña kuëe ndiꞌi xa kan kuvi ña ndia yaꞌvi nuu Tata yo Ndioxi va.

Efesios 2:7

Ra takundiꞌi ña yoꞌo ke xa ra, saa chi ña kuni ra ke ndañaꞌa ra ña ^kuꞌvi ini ra xini ra yoo, xiꞌin ña ^kundaꞌvi ni ini ra ^xini ra yoo xaꞌa ña xa Cristo, kii ña vaxi va.

Romanos 2:29

Chi yuvi na ndixa kuu judío, na ndixa kuu mii tuni Ndioxi, ra ndaku va iyoo nima na nuu Ndioxi. Ra süvi takua kuꞌva ña ndikaꞌyu ndiayu Ndioxi ke saxinu na, chi xa ndasama tu nima va na xa Tachi Yii Ndioxi. Ra yuvi na xa ndasama nima, ra süvi yuvi kuvi na ^chinduꞌu toꞌo tuꞌun xaꞌa na, chi Ndioxi va kuvi ra ^chinduꞌu toꞌo tuꞌun xaꞌa na.

Efesios 3:15

saa chi ra kan, kuvi ra xavaꞌa yoo na ndee nuu ñuꞌu yoꞌo, ra saa tu takundiꞌi na ndee ndivi va.

Colosenses 2:2

Ra saa kuvi ña ^xa yu ña vaꞌa ndachikaa yu tuꞌun ndiee ini xiꞌin na, ña vaꞌa iin va na kuu na xiꞌin yo, saa chi kuꞌvi ni ini Tata yo Jesucristo xini ra na. Ra tu saa na sa na, saa ra kuvi va tandiaa na ña kundaa vaꞌa ini na xaꞌa ña kuu kuenda mii Tata yo Ndioxi ña iyoo seꞌé, ra ña iyoo seꞌé kan kuvi Jesucristo va.