Efesios 2:22 - Mixteco Metlatónoc

²² Ra xaꞌa ña xa nduu tu ndoꞌo na küu judío, xiꞌin na kuu judío iin xiꞌin Tata yo Jesucristo, ra xaꞌnu tu ndo kuaꞌan ndo vichin ña ^kuu ndo veꞌe ñuꞌu nuu iyoo Tachi Yii Ndioxi ña taxi ra ndaꞌa va ndo.

Efesios 2:22 Referans Kwoze

1 Corintios 3:16

Ndoꞌo, ¿ra a kundäa va ini ndo ña kuu ndo veꞌe ñuꞌu Ndioxi, ra iyoo tu Tachi Yii ra nima va ndo?

1 San Juan 4:16

Ra xiꞌin ña yoꞌo ke, kundaa ini yo ña kuꞌvi ini Tata yo Ndioxi xini ra yoo, ra ña kan ke kandixa va ndi ña kuꞌvi ini ra xini ra yoo. Ra takundiꞌi chiñu ña xa Tata yo Ndioxi, ra xaꞌa ña kuꞌvi ini ra xini ra yuvi va kuvi ña; ra yuvi na kuꞌvi ini xini taꞌan, ra itaꞌan na xiꞌin Tata yo Ndioxi va, ra ra kan tu itaꞌan xiꞌin na kan va.

1 San Juan 4:13

Ra kundaa va ini yo ña itaꞌan yo xiꞌin Tata yo Ndioxi, ra ra kan tu itaꞌan xiꞌin yoo va, saa chi taxi va ra Tachi Yii ra ña iyoo ña xiꞌin yo.

1 San Juan 3:24

Ra yuvi na kandixa ndiayu ra, ra xiꞌin ra kan va kuvi ña itaꞌan na, ra ra kan itaꞌan tu xiꞌin na kan va. Ra xa kundaa kaxi va ini yo ña iyoo ra nima yo, saa chi taxi va ra Tachi Yii ra iyoo nima yo.

Efesios 3:17

Saa chi saa ke vaꞌa koo Cristo nima ndo xaꞌa ña ndiaa ini ndo ra, ra saa ke kuvi koo ni tu ña kuꞌvi ini ña taxi Ndioxi va nuu ndo, ra koo ndaku nima ndo.

2 Corintios 6:16

Ra nii veꞌe ñuꞌu kaꞌnu ña kuu kuenda Ndioxi tu küvi koo yuꞌu xiꞌin naꞌna ña kuu ndioxi ndii va. Ra yoo va kuvi na kuu veꞌe ñuꞌu kaꞌnu ña kuu kuenda Ndioxi, ra tiaku, ra saa kuvi tu ña kachi mii Ndioxi ta kachi ra suꞌva va: Koo yu xiꞌin na, ra kaka yu tiañu na; ra yuꞌu kuvi ra kuu Ndioxi na, ra na kan kuvi na kuu ñuu va yu, kachi ra.

1 Corintios 6:19

¿A kundäa ini ndo ña kuu iki kuñu ndo, veꞌe ñuꞌu Tachi Yii Ndioxi, ra mii ra kuvi tu ra taxi Tachi Yii ra ndaꞌa yo ña iyoo xiꞌin va yo? Ra na kundaa ini ndo, chi iki kuñu yo, ra süvi yoo kuvi na xaꞌndia xaꞌa ña, chi kuenda Ndioxi va kuvi ña.

1 Corintios 3:9

Ra vichin na kundaa ini ndo, chi nduꞌu, ra ndia itaꞌan xachiñu nuu Ndioxi va kuvi ndi, ra ndoꞌo, ra ta iyoo ñuꞌú taꞌvi nuu xachiñu Ndioxi va ke iyoo ndo. A ta iyoo veꞌe chee ña ^xavaꞌa Ndioxi va tu ke iyoo ndo.