Efesios 2:18 - Mixteco Metlatónoc

¹⁸ Ra na tixaꞌvi Cristo, chi xaꞌa ña xa ra kan va kuvi ña ndiniꞌi taꞌvi takundiꞌi yo ña mani nuu Ndioxi, ña vaꞌa kuyachin yo nuu ra xaꞌa ndiee Tachi Yii ra ña iyoo xiꞌin yo.

Efesios 2:18 Referans Kwoze

Efesios 3:12

Ra xaꞌa ña xa Cristo va kuvi ña iyoo ndika yo, ra xaꞌa ña ndiaa tu ini yo ra ke kuvi kuyachin yo nuu Ndioxi va.

1 Corintios 12:13

Saa chi iin xiꞌin Tachi Yii ke chichi takundiꞌi va yo ña nduu yu iin iki kuñu xiꞌin Tata yo Jesucristo, ra yoo na judío, xiꞌin na küu judío, xiꞌin na xachiñu ndaꞌvi, xiꞌin na iyoo ndika, ra iin Tachi Yii ke ndakiꞌin takundiꞌi va yo.

Romanos 5:2

Ra xaꞌa ña ndiaa ini yo Jesucristo kuvi tu ña xa ra ña vaꞌa xiꞌin yo ña sanduyachin ra yoo nuu Ndioxi, ra iyoo yo xiꞌin ra iin takundiꞌi kii, ra xaꞌa ña kan va ke ^kusii ni ini yo, chi vichin ra kundaa kaxi va ini yo, ña kuni yo ña kaꞌnu kuu mii Ndioxi, kii ña vaxi.

Efesios 4:4

Saa chi iin iki kuñu kuvi takundiꞌi va yo, ra iin Tachi Yii ke ndakiꞌin takundiꞌi va yo, ra ña kana Ndioxi yoo, ra ndiaa tu ini takundiꞌi yo ña koo va yo xiꞌin ra kii ña vaxi.

San Juan 14:6

Ra saa ndakuiin Jesús kachi ra saa xiꞌin ra: ―Yuꞌu ku ra kuu ichi, ra yuꞌu ku ra kuu ña ndaa, ra yuꞌu ku ra kuu mii ña tiaku va. Ra ndia nii yuvi küvi xaa nuu Tata yu, tu na kïxi na nuu yuꞌu.

San Juan 10:9

Ra yuꞌu va kuvi ra kuu yeꞌe, ra yuvi na ^kiꞌvi yeꞌe yoꞌo, ra kaku va na. Ra koo na ta kuꞌva iyoo ndikachi vali ri ñuꞌu ini korra, ra ^kee ri, ra ndéé va tu ri, ra iin ndisaa kii va iyoo itia kuii xixi ri.

San Juan 10:7

Ra saa ndikaꞌan tuku Jesús xiꞌin na kachi ra saa: ―Ra na kundaa ini ndo ña ndaa: Saa chi yuꞌu va kuvi ra kuu yeꞌe nuu kiꞌvi ndikachi vali.

Colosenses 1:12

ña vaꞌa iin takundiꞌi kii va na ndataxi ndo tixaꞌvi ndaꞌa Tata yo Ndioxi. Saa chi ra kan kuvi ra ndasa nduvi yoo ña kuvi niꞌi yo ñaꞌa ña niꞌi yo, xaꞌa ña kuu yo na ñuu ra, ta xa na xaa yo ndivi nuu iin yeyeꞌe kaa.

Gálatas 4:6

Ra xaꞌa ña xa nduu yo seꞌe Ndioxi kuvi ña tiꞌvi ra Tachi Yii seꞌe ra, ña iyoo ña nima yo; ra Tachi Yii seꞌe ra kuvi ña sakaꞌan yoo, ña vaꞌa kaꞌan yo, kachi yo suꞌva: “¡Tata mii yu!”

Romanos 8:15

Saa chi süvi tachi ña sandoꞌo yuvi ke nindakiꞌin ndo, ra ña kan yuꞌvi ndo, chi Tachi Yii Ndioxi va ke ndakiꞌin ndo, ra Tachi Yii kan ke ndakiꞌin ndaꞌvi ndoꞌo va, ra nduu ndo seꞌe Ndioxi va. Ra suvi mii Tachi Yii kuvi tu ña ^sakaꞌan yoo, ña vaꞌa ^kaꞌan yo xiꞌin Ndioxi kachi yo suꞌva va: “¡Tata mii yu!”

1 San Pedro 3:18

Saa chi ndoꞌo ni tu Tata yo Jesucristo va xaꞌa kuachi yo, ndi su indaa ichi saa ke ndoꞌo va ra, saa chi ndïko ka ra ña ndoꞌo tuku ra. Ra ra kan, ra ndia nii kuachi ra ndixïyo, ndi su xiin va ra ña ndixiꞌi ra xaꞌa yoo na yuuvi kuachi yoꞌo, ña vaꞌa sanduyachin ra yoo nuu Tata yo Ndioxi, ra ndikaku yo. Ra te ndixiꞌi Tata yo Jesucristo, ra takua iki kuñu va ra kuvi ña ndiꞌi xaꞌa, ndi su ndatiaku va tu ra xiꞌin inka iki kuñu xaa ña xa kuu mii ra ta yachi ña küvi kuni yo.

Efesios 6:18

Ra xikutüvi ndo ña kaꞌan ndo xiꞌin Ndioxi, chi iin takundiꞌi kii va na kaꞌan ndo xiꞌin ra, ña kuaku ndaꞌvi ndo nuu ra, ta kuꞌva kuni mii Tachi Yii. Saa chi saa kuvi ña vaꞌa koo nduvi ndo, ra nandïko ini ndo, ra na kaꞌan ni tu ndo xiꞌin ra xaꞌa na yii, na kuu na veꞌe ñuꞌu va ra.

1 Corintios 8:6

ndi su nuu yoo, ra indaa mituꞌun va kuvi Ndioxi, ra kuu Tata yo. Ra ra kan va kuvi ra xavaꞌa takundiꞌi ñaꞌa, ra ña tiaku yo vichin, ra ra kan va kuvi ra ^ndasakaꞌnu yo. Ra indaa mituꞌun kuvi tu Tata yo Jesucristo va. Ra Tata yo Jesucristo va kuvi ra xiniñuꞌu Tata yo Ndioxi ña xavaꞌa ra takundiꞌi ñaꞌa, ra xavaꞌa tu ra mii va yo.

Hebreos 7:19

Saa chi ndiayu Ndioxi ña ndakoo ra Moisés, ra ndikuchüun vi ña ña ndasa ña yuvi ta kuꞌva iyoo yuvi na köo kuachi. Ndi su vichin, ra xa iyoo va iin ña ndiaa yaꞌvi ni, ña kuvi kondiaa ini yo, ra ña yoꞌo kuvi ña ^sakuyachin yoo nuu Tata yo Ndioxi.

Efesios 3:14

Ra xaꞌa ña kan ke ndakusiti yu nuu Tata yo Ndioxi ra kuu iva Tata yo Jesucristo ña kaꞌan yu xiꞌin ra xaꞌa ndo,

Judas 1:20

Ndi su ndoꞌo ñani yo, ra iin ^tuun saa na chindiee taꞌan ndo xiꞌin taꞌan va ndo ña ndinuni ni kundikun ndo tuꞌun yii ña ^kandixa ndo, ra na kaꞌan ndo xiꞌin Tata yo Ndioxi ta kuꞌva kuni mii Tachi Yii va ra.

1 San Pedro 1:21

Ra xaꞌa ña ndixiꞌi Tata yo Jesucristo kuvi ña vaꞌa ndakundikun ndo Tata yo Ndioxi, ra mii Tata yo Ndioxi kuvi ra sandatiaku Tata yo Jesucristo nuu ña ndii va, ra ndasa ra ra iin ra kaꞌnu ni; ra xaꞌa ña kan ke ^ndiaa ini ndo Tata yo Ndioxi ña taxi va ra ñaꞌa ña kindoo ra taxi ra ndaꞌa ndo.

1 San Pedro 1:17

Ra tu kaꞌan ndo “Tata” xiꞌin Tata yo Ndioxi, ra xiniñuꞌu ni va na yuꞌvi ndo kuni ndo ra, ra na kutiaku ndo ta kuꞌva kuni ra, kii ña ndee too ndo nuu ña yuuvi yoꞌo vichin, saa chi ra kan, ra ndakäxin ra yuvi chi inuu xandaku ra kuachi xiꞌin takundiꞌi va na xaꞌa chiñu ña xa na.

San Mateo 28:19

Ra vichin kuaꞌan ndo iinii kuvi ña yuuvi, ra sañaꞌa ndo takundiꞌi yuvi ña ndinuni ni na kundikun na yuꞌu, ra sakuchi ndo na tixi ndiee Tata yo Ndioxi, xiꞌin tixi ndiee Seꞌe ra, xiꞌin tixi ndiee Tachi Yii ra,

Santiago 3:9

Saa chi xiꞌin yaa yo kuvi ña ^ndasakaꞌnu yo Tata yo Ndioxi, ra suvi xiꞌin yaa yo kuvi tu ña kandivaꞌa tu yo xiꞌin yuvi taꞌan yo na xavaꞌa Tata yo Ndioxi ña koo na ta kuꞌva iyoo mii va ra.