Efesios 1:10 - Mixteco Metlatónoc

¹⁰ Ra ta xa na xaa kii ña chituni Ndioxi xinu nuu chiñu mii ra ña iyoo seꞌe kuvi ña sandiꞌi ra ndachutaꞌan ra takundiꞌi ñaꞌa, ta kuu ña iyoo ndivi, xiꞌin ña iyoo ñuꞌu, ra ndataxi ra ña ndaꞌa Cristo ña kaꞌndia chiñu ra nuu ña.

Efesios 1:10 Referans Kwoze

Colosenses 1:20

Ra ña kuni mii ra kuvi tu ña, kuniñuꞌu ra Cristo ña ndachutaꞌan mani ra takundiꞌi na yuuvi xiꞌin va ra, ra saa tu takundiꞌi ñaꞌa ña iyoo nuu ña yuuvi va, ta kuu ña iyoo nuu ñuꞌu, xiꞌin ña ndee ndivi. Ra xaꞌa ña ndixiꞌi Cristo ndika cruz va kuvi ña vaꞌa ndakutaꞌan mani na yuuvi xiꞌin Ndioxi.

Gálatas 4:4

Ndi su ta ndixaa kii ña kindoo Ndioxi tiꞌvi ra seꞌe ra, ra tiꞌvi va ra ra, ra kaku ra tixi iin ñaꞌa, ra ta iyoo na judío va ndixiyo ra, saa chi xiin va ra ña xaꞌndia chiñu ndiayu Ndioxi ña ndakoo ra Moisés nuu ra.

San Marcos 1:15

Ra kaꞌan ndoso ra nuu na kachi ra saa: ―Xa nditiandiaa kii kuu ña ndikaꞌan Ndioxi kuu, ra xa kuyachin kii ña kaꞌndia Ndioxi chiñu nuu ndo; nandiko ini ndo xaꞌa kuachi ndo, ra kandixa ndo tuꞌun vaꞌa ña taxi Ndioxi xiꞌin ndinuni nima ndo ―kachi ra xiꞌin na.

Hebreos 1:2

Ndi su saa kuu, ra ndiyaꞌa kuaꞌa ni va kuiya, ra kii ña ndee yo vichin, ra kuëe xa ka ra saa, chi vichin, ra xa ndaꞌa seꞌe va ra ke taxi ra tuꞌun ra, ra ndikaꞌan ndoso ra kan ña nuu yo. Ra seꞌe ra kuvi tu ra xiniñuꞌu ra ña xavaꞌa ra ña yuuvi, xiꞌin takundiꞌi ñaꞌa ña iyoo nuu ñuꞌu, xiꞌin takundiꞌi ñaꞌa ña iyoo ndiví, ra ndaꞌa ra kuu seꞌe ra ke ndataxi tu ra takundiꞌi va ñaꞌa ña iyoo nuu ña yuuvi yoꞌo.

Colosenses 1:16

Ra suvi mii ra kuvi tu ra xiniñuꞌu Ndioxi ña xavaꞌa ra takundiꞌi ñaꞌa ña iyoo ndivi, xiꞌin ña iyoo nuu ña yuuvi yoꞌo va, ra saa tu, ta kuu ñaꞌa ña küvi kuni va yo, ra saa tu ñaꞌa ña vaꞌa xini va yo. Ra xavaꞌa tu ra tankundiꞌi ndiee ña iyoo ndivi, ra saa tu takundiꞌi ndiee ña iyoo nuu ña yuuvi yoꞌo va, ta kuu ña naꞌnu xiꞌin ña vali, ra ndiee yoꞌo, ra küvi vi kuni yo ña, ra mii ra kuvi ra xavaꞌa takundiꞌi va ñaꞌa ña iyoo, ra xaꞌa mii ra ke xavaꞌa va ra ña.

1 San Pedro 1:20

Ra te kumani ka kukava xaꞌa ña yuuvi yoꞌo vi kuvi ña ndikaxin Tata yo Ndioxi Tata yo Jesucristo ña kuvi ra xaꞌa kuachi na yuuvi yoꞌo; ña kan ke vaꞌa tiꞌvi ra ra kii ña xa ndinumi ndiꞌi xaꞌa ña yuuvi vichin ña sa ra ña vaꞌa xiꞌin ndo.

Efesios 3:15

saa chi ra kan, kuvi ra xavaꞌa yoo na ndee nuu ñuꞌu yoꞌo, ra saa tu takundiꞌi na ndee ndivi va.

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

Efesios 1:22

Ra suꞌva va ke xa Ndioxi ña sandiꞌvi ra takundiꞌi ñaꞌa tixi xaꞌa Tata yo Jesucristo ña xaꞌndia chiñu ra nuu ña, ra ndasa tu ra Tata yo Jesucristo xini takundiꞌi na veꞌe ñuꞌu va ra.

1 Corintios 11:3

Ndi su kuni yu na kundaa ini ndo, chi Cristo va kuvi ra kuu xini takundiꞌi tiaa, ra tiaa ra iyoo yasiꞌi, ra mii ra kuvi xini yasiꞌi va ra, ta kuꞌva iyoo Ndioxi ña kuu ra xini Cristo.

Hebreos 11:40

saa chi ndiküni Tata yo Ndioxi ña ndasa ra takua na kan, ta kuꞌva iyoo yuvi na köo kuachi, chi ña xa ra ke chindiatu ñaꞌa va ra na, ra iin nduu va yo xiꞌin na ña ndasa ra yoo ta kuꞌva iyoo yuvi na köo kuachi. Ra vaꞌa ni xa Tata yo Ndioxi ña xa ra saa xiꞌin yo.

Colosenses 3:11

Ra xaꞌa ña kan ke ña xa nduu ndo yuvi xaa vichin, ra köo ka yaꞌvi ndiaa vi ña kuu ndo judío a süvi va tu ndo, ra saa tu ña iyoo tuni Ndioxi ndoꞌo, a köo va tu ña, ra saa tu ña kuu ndo na kee inka ñuu xika va, ra saa tu ña kuu ndo yuvi na ndikäꞌvi va, ra saa tu ña kuu ndo yuvi na iyoo ndika va, a ña kuu tu ndo na xachiñu ndaꞌvi va, saa chi indaa Cristo va kuvi ra iyoo yaꞌvi ndiaa nuu takundiꞌi va yo, ra ra kan kuvi tu ra iyoo nima va yo.

Efesios 2:15

Ra xaꞌa ña ndixiꞌi ra ndika cruz va kuvi ña sandiꞌi ra xaꞌa ndiayu ña ndakoo ra Moisés, ña xaꞌndia chiñu nuu yo, ra uvi saa ñuu, ra iin ñuu xaa va ndasa ra ña, ra xa iin va nduu yo xiꞌin ra vichin, ra suꞌva va ke xa ra ña vaꞌa ndachukutaꞌan mani ra yoo.

1 Corintios 10:11

Ra takundiꞌi ña yoꞌo ke ndoꞌo na xii xikua yo, ra ndikaꞌyu ña, ña vaꞌa na kundaa ini yo, ra na yuꞌvi yo, ra na sä yo kuachi saloꞌo kii ña ndee yo vichin.

San Mateo 25:32

Ra kii kan ke ndakaya takundiꞌi na yuuvi yoꞌo, ña xaa na nuu yu, ra ndakaxin yu na, ta kuꞌva ^xa iin ra ndiaa kiti, ta ndakaxin ra ndikachi vali sana ra, tiañu tixuꞌu.

Hebreos 9:10

Ra ndiayu ña xachiñu ndia sutu kan xiꞌin te yachi, ra takua xaꞌa ñaꞌa ña xixi va na, xiꞌin xaꞌa ndutia ra xiꞌi va na, xiꞌin xaꞌa ña ndakatia na iki kuñu va na kuvi ña ndikaꞌan ña. Ra ña kan, ra iin ndiayu ña ndixiyo too va kuvi ña, saa chi takua kii ña kachi Ndioxi koo va ña kuvi ña ndixiyo ña, ndi su ndixaa kii ra taxi Tata yo Ndioxi inka ndiayu ña vaꞌa ni ka va.

Efesios 3:2

Ra ña tuvi yu, ra xa ^kundaa va ini ndo chi xaꞌa ña kundaꞌvi ini Ndioxi xini ra yuꞌu va kuvi ña, taxi ra chiñu yoꞌo ndaꞌa yu ña vaꞌa na chindiee taꞌan yu xiꞌin ndo.