Apocalipsis 8:2 - Mixteco Metlatónoc

² Saa ra xini yu ndita uxa na tatun nuu Ndioxi, ra taxi ra uxa itun tu tivi na ndaꞌa na.

Apocalipsis 8:2 Referans Kwoze

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

San Lucas 1:19

Ra saa ndakuiin ra tatun Ndioxi kan, kachi ra saa: ―Yuꞌu kuvi ra nani Gabriel. Ra iin ndisaa kii va iyoo nduvi yu ña xika yu chiñu nuu Ndioxi. Ra suvi kuvi ra tiꞌvi yuꞌu ña vaxi yu ndatuꞌun yu xiꞌin kun xaꞌa ña vaꞌa yoꞌo va.

Apocalipsis 8:6

Ra saa xaꞌa ndakoo nduvi uxa saa na tatun Ndioxi, ña tivi na itun tu niꞌi na.

San Mateo 18:10

Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

Apocalipsis 16:1

Ra saa xini soꞌo yu ña ndiee ka vi ndikaꞌan iin tachi ndia ini veꞌe ñuꞌu kan, xiꞌin uxa saa ndia tatun Ndioxi kan, kachi ña saa: ―Kuaꞌan ndo ra kosondiee ndo uxa saa copa ña ndoꞌni tundoꞌo ñàꞌa, ña ^taxi Ndioxi nuu ña yuuvi ―kachi ña.

Apocalipsis 15:1

Ra saa xini yu inka tuku ña iyo ni kuu nuu ndivi, ra uxa kuvi ndia tatun Ndioxi xini yu ndita, ra niꞌi ndia uxa nuu tundoꞌo ña kixi; ra yoꞌo ke ^xinu nuu ña ndukueꞌe ni ini Ndioxi xini ra na yuuvi.

San Mateo 24:31

Ra tiꞌvi yu na tatun yu kuꞌun na kumi saa tutun ña yuuvi, ra kuniꞌi na itun tivi na, ña ndakaya na na ndikaxin yu koo xiꞌin yu ndivi, na ndee chi nu kanata ñuꞌu, ra iin saa ndia nuu kita ña.

San Lucas 21:36

Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.

1 Corintios 15:52

Ra iin kama suꞌva va ke kuu ña yoꞌo, saa chi iin ta ndakoto yo ra ndakuani va yo ke kuu ña, ra saa ke kuni soꞌo yo ña ndaꞌyu itun tivi na, tu ndikun vaꞌa ndaꞌyu, ra ta xa na ndaꞌyu itun kan ke ndatiaku na ndii, ra ndia nii ka kii küvi ka na; ra yoo na tiaku tu ndasama va.

1 Tesalonicenses 4:16

Saa chi kii ña nandiko Tata yo Jesucristo kixi ra, ra ndiee ni va kaꞌan ra xiꞌin ndiayu ña kuu mii ra, ra ndiee ni tu kaꞌan iin ra tatun Ndioxi ra ndaku ni va, ra ndiee ni tu ndaꞌyu iin itun tun tivi va na. Saa ra xiꞌna ka va na ñani yo, na xa kandixa Tata yo Jesucristo, ra ndixiꞌi na kuvi na ndatiaku.

Apocalipsis 1:4

Yuꞌu, ra Juan, kuvi ra tiꞌvi tutu yoꞌo xáá ña nuu uxa veꞌe ñuꞌu ña iyoo chi Asia: Ra Iva yo Ndioxi ra iyoo vichin, ra xa iyoo te yachi, ra kixi kii ña vaxi, ra saa tu uxa saa Tachi ña iyoo nuu nduꞌu ra xaꞌndia ra chiñu, na taxi ña vaꞌa kutaꞌvi ndo, ra vii ni na koo ndo.

Apocalipsis 8:13

Ra saa xini yu ^ndachi iin ra tatun Ndioxi ^xika ra maꞌñu ndivi, ra ndiee ka vi kaꞌan ra ^kachi ra saa: ―Ndaꞌvi ni ndoꞌo, ndaꞌvi ni ndoꞌo, ndaꞌvi ni ndoꞌo, na ndee nuu ñuꞌú, te na tivi na tatun Ndioxi, na uni, na kumani ka tivi itun tu niꞌi na ―^kachi ra.

Apocalipsis 9:1

Ra te tivi ra tatun Ndioxi ra uꞌun kan itun tu nii ra, saa ra xini yu kee iin kimi ndivi ra ndakava ri nuu ñuꞌu, ra taxi Ndioxi yave ña ndakuña yuꞌu yavi chee ñàꞌa ña kunu ni ndaꞌa ri.