Apocalipsis 7:11 - Mixteco Metlatónoc

¹¹ Ra iin xinunduu takundiꞌi na tatun Ndioxi ^ndita na nuu íin tiayu kaꞌnu, xiꞌin nuu ndee na xikuaꞌa, xiꞌin nuu ndee kumi saa ña tiaku kan, ra ndakusiti na, ra ndiakua nditiandiaa nuu na ndia nuu ñuꞌu, nuu íin tiayu kaꞌnu kan, ra ^ndasakaꞌnu ka vi na Ndioxi,

Apocalipsis 7:11 Referans Kwoze

Apocalipsis 4:10

Ra oko kumi saa na xikuaꞌa kan, ra ^ndakusiti na nuu ra nduꞌu nuu tiayu kaꞌnu kan, ra ^ndasakaꞌnu ni na ra, chi ra kan kuvi ra tiaku iin ndisaa kii iin ndisaa tiempo, ra ^koniꞌi na corona ña ñuꞌu na, ra ^chindee na ña nuu ñuꞌú nuu íin tiayu kaꞌnu kan, ra kaꞌan na kachi na saa:

Apocalipsis 4:6

Ra suvi mii nuu íin tiayu kaꞌnu kan ndikaa iin ñaꞌa ña yeꞌe ni ra taxa ka vi ña, ra iin ta kaa tiañuꞌu kaꞌnu, saa kaa ra. Ra xini yu kumi ña tiaku ra ^ndita ña maꞌñu nuu ndichi tiayu kaꞌnu kan, ra iin xinunduu ña tiayu kan. Ra tiaa ni kuaꞌa kuvi nduchi nuu ña chi iyoo ña chi nuu ña, ra iyoo tu ña chi sata va ña.

Apocalipsis 11:16

Ra ndia xikuaꞌa ndia oko kumi, ndia ndee tiayu tu ndita yachin nuu nduꞌu Ndioxi, ra ndakusiti ndia, ra ndiakua nditiandiaa nuu ndia ndia nuu ñuꞌú, ra ^ndasakaꞌnu ka vi ndia Ndioxi,

Apocalipsis 4:4

Ra suvi mii nuu íin tiayu kaꞌnu kan xinunduu ka inka oko kumi tiayu ndita nu, ra xini yu oko kumi ndia xikuaꞌa ra ^ndixi ndia tikoto yaa, ra ^ñuꞌu ndia corona ña oro ndee ndia nuu tiayu kan.

Hebreos 1:6

Ra te tiꞌvi Tata yo Ndioxi Tata yo Jesucristo, ra ndiniꞌi taꞌvi ndakiꞌin takundiꞌi ñaꞌa ña iyoo nuu ña yuuvi kixi ra, ra suꞌva va ke kachi Tata yo Ndioxi xaꞌa ra: Na ndasakaꞌnu takundiꞌi va na tatun yu, ra kuu seꞌe yu, káchi ra.

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Mateo 4:10

Ra saa ndikaꞌan Jesús xiꞌin ri kachi ra saa: ―Timiaꞌa, kuatiaꞌa nuu yu, saa chi xiniñuꞌu kandixa va yu tuꞌun Tata yu Ndioxi ña kaꞌan ña xiniñuꞌu ndasakaꞌnu yu indaa mituꞌun saa ra kan, ra indaa ra kan tu kandixa va yu, ^kachi ña ―*kachi ra xiꞌin ri.

Apocalipsis 22:9

Ra saa ndikaꞌan ra xiꞌin yu kachi ra saa: ―Xä kun saa, chi na ndasakaꞌnu kun Ndioxi va; saa chi ta iyoo yoꞌo ña xachiñu kun nuu Ndioxi, xiꞌin na ndikaꞌan ndoso tuꞌun ra, xiꞌin takundiꞌi na ^kandixa tuꞌun ra ña vaxi nuu tutu yoꞌo, ra ndasakaꞌnu na ra, saa ke iyoo tu yuꞌu va ―kachi ra tatun Ndioxi kan xiꞌin yu.

Apocalipsis 15:4

Ra takundiꞌi yuvi ra ^xatoꞌo va na yoꞌo, Tata Ndioxi, ra ^ndasakaꞌnu na yoꞌo, saa chi indaa yoꞌo va kuvi ra yii. Ra takundiꞌi na kee ñuu naꞌnu, ra nuu yoꞌo ke kixi va na ña ndasakaꞌnu na yoꞌo, saa chi ^xini na ña kuu kun ra ndakú ^kachi na ^xita na.

Apocalipsis 4:8

Ra kumi saa ña tiaku kan, ra iyoo ìñu̱ ndixin ta mituꞌun, ta mituꞌun ña, ra tiaa ni kuaꞌa kuvi nduchi nuu ña chi iyoo ña chi sata ndixin ña, ra iyoo tu ña chi tixi ndixin va ña; ra nii xikutüvi ña ña kaꞌan ña, chi iin ñuu kaꞌñu va kaꞌan ña kachi ña saa: ¡Ra Yii, Ra Yii, Ra Yii kuvi Tata yo Ndioxi ra kuu mii takundiꞌi ndiee, Ra xa iyoo te yachi, Ra iyoo vichin, Ra kixi kii ña vaxi!, kachi ña.