Apocalipsis 7:10 - Mixteco Metlatónoc

¹⁰ Ra ndiee ka vi kaꞌan na kachi na saa: “Iva yo Ndioxi ra ^nduꞌu nuu tiayu kaꞌnu xiꞌin ra kuu ndikachi loꞌo kuvi ndia ^sakaku yoo”, ^kachi na.

Apocalipsis 7:10 Referans Kwoze

Apocalipsis 19:1

Te ndiꞌi kuu ña yoꞌo, ra saa xini soꞌo yu ndiee ka vi kaꞌan iin tiꞌvi chee yuvi chi ndivi kachi na saa: ¡Ra kaꞌnu ni kuvi Iva yo Ndioxi! ¡Saa chi sakaku ra yoo! Ra takundiꞌi ña toꞌo, xiꞌin ña kaꞌnu, xiꞌin ndiee, ra kuenda mii Iva yo Ndioxi va kuvi ña.

Apocalipsis 12:10

Ra saa xini soꞌo yu ña ndiee ka vi ndikaꞌan iin tachi chi ndivi kachi ña saa: ―Vichin ke ndixaa kii ña ^sakaku Iva yo Ndioxi na ñuu ra, ra ^ndañaꞌa ra ndiee ra ña kuu ra Rey ra kaꞌnu, ra ^xaꞌndia tu Jesús, ra ndikaxin va ra chiñu nuu takundiꞌi na yuuvi. Saa chi vichin ra xa ndakava va ri ñaꞌa ri ixiko taꞌan xiꞌin na ñani yo nuu Ndioxi ñuu kaꞌñu.

Apocalipsis 22:3

Ra ñuu kan, ra köo ka ñaꞌa ña tavi chiꞌña. Saa chi mii Ndioxi va kuvi ra kaꞌndia chiñu nuu na xiꞌin ra kuu ndikachi loꞌo, ra na ^xachiñu nuu ra, ra ikan ke ndasakaꞌnu ni ka va na ra.

Efesios 2:8

Ra xiꞌin ña yoꞌo ke kundaa kaxi ini yo, ña ndikaku yo xaꞌa ña ndaꞌvi ni ini Ndioxi va, xaꞌa ña ndakundiaa ini yo Jesucristo. Ra ndia nii chiñu ndïxa yo xaꞌa ña, chi mii va Ndioxi kuvi ra saniꞌi ña yoo.

San Juan 1:29

Saa kuu ndiyaꞌa iin kii, ra xini ra Juan ña kuyachin Jesús kuaꞌan ra nuu íin ra. Ra saa ndikaꞌan ra kachi ra saa: ―Kutoꞌni ndo, chi ra yoꞌo kuvi ra kuu ndikachi loꞌo ra kuu kuenda Ndioxi, ra ra yoꞌo kuvi ra sandiꞌi xaꞌa kuachi na yuuvi yoꞌo.

Apocalipsis 21:5

Ra saa ndikaꞌan ra nduꞌu nuu tiayu kaꞌnu kan xiꞌin yu kachi ra saa: ―Vichin ra xa ndasa xaa yu takundiꞌi va ñaꞌa ―*kachi ra. Saa ndikaꞌan ka ra xiꞌin yu kachi ra saa: ―Tiaa tuꞌun yoꞌo, chi tuꞌun ña ndaa, ña ndixa ni kuvi ña ―*kachi ra.

San Lucas 3:6

Ra kuni takundiꞌi va yuvi ra xaa sakaku na yuuvi yoꞌo”, ^kachi ña tiaa ra Isaías.

Apocalipsis 5:7

Ra saa ndixaa ra kuu ndikachi loꞌo kan nuu ra ^nduꞌu tiayu kaꞌnu kan, ra kiꞌin ra tutu ña ^tiin ra chi ndaꞌa kuaꞌa ra.

Apocalipsis 4:6

Ra suvi mii nuu íin tiayu kaꞌnu kan ndikaa iin ñaꞌa ña yeꞌe ni ra taxa ka vi ña, ra iin ta kaa tiañuꞌu kaꞌnu, saa kaa ra. Ra xini yu kumi ña tiaku ra ^ndita ña maꞌñu nuu ndichi tiayu kaꞌnu kan, ra iin xinunduu ña tiayu kan. Ra tiaa ni kuaꞌa kuvi nduchi nuu ña chi iyoo ña chi nuu ña, ra iyoo tu ña chi sata va ña.

San Juan 4:22

Ndoꞌo, na Samaria, ra kundäa ini vi ndo ni ñaꞌa ke ndasakaꞌnu ndo, ndi su nduꞌu, na judío, ra kundaa va ini ndi yoo ndasakaꞌnu ndi. Ra tiañu nduꞌu ke kanata va iin ra sakaku na yuuvi yoꞌo.

San Juan 1:36

Ra saa xini ra Juan ña xika Jesús ika̱n, ra saa ndikaꞌan ra xiꞌin ndia itaꞌan xiꞌin ra, kachi ra saa: ―Kutoꞌni ndo, chi ra kaa kuvi ra kuu ndikachi loꞌo ra kuu kuenda Ndioxi ―kachi ra xiꞌin ndia.