Apocalipsis 6:16 - Mixteco Metlatónoc

¹⁶ Ra kaꞌan na xiꞌin koꞌndo naꞌnu xiꞌin yuu naꞌnu kan ^kachi na saa: ―¡Koyo ndo sata ndi ra tiseꞌe ndo nduꞌu nuu ra kaꞌnu, ra nduꞌu tiayu kaꞌnu kaa, xiꞌin nuu Jesucristo ra kuu ndikachi loꞌo, saa chin sáa̱ ni ini ra!

Apocalipsis 6:16 Referans Kwoze

San Lucas 23:30

Ra saa xaꞌa na kaꞌan na xiꞌin xiki naꞌnu, kachi na saa: “Koyo ndo sata ndi”; ra kaꞌan tu na xiꞌin koꞌndo vali va kachi na: “Ndasi ndo sata ndi”, kachi na.

Apocalipsis 4:2

Saa ra ndikun nduxinu va Tachi Yii sata yu, ra xini yu ndivi ra íin iin tiayu kaꞌnu tu nduꞌu na chiñu, ra nduꞌu iin yuvi nuu tiayu kan.

Apocalipsis 20:11

Ra saa xini yu iin tiayu kaꞌnu, tu yaa, ra Ndioxi va kuvi ra nduꞌu nuu nu, ra ñuꞌú xiꞌin ndivi, ra ndindoñuꞌu ndiꞌi va ña, ra ndia nii nuu ndixiyo ka ña ke, ndixïi ñaꞌa ka vi.

San Mateo 26:64

Ra saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va, ra suvi kuvi va yu. Ra na kundaa ini ndo vichin, chi kuni ndo yuꞌu ra xaa yoꞌo, ña ndakunduꞌu yu chi xitia kuaꞌa Ndioxi ra kaꞌnu, ndivi nuu xaꞌndia ra chiñu, ra ndiko yu kixi yu iin nuu viko yaa ―kachi Jesús xiꞌin ra.

Apocalipsis 19:15

Ra yuꞌu ra ^kanata iin ichi ña ndi̱kó, ra xiꞌin ña kan ke sandiꞌi ra xaꞌa ñuu ña ndoꞌni nuu ña yuuvi, ra ndaku ni kaꞌndia ra chiñu nuu na xiꞌin itun kaa, tu ^niꞌi ra; ra kuañu ra na ta kuꞌva ^xa na, ta kuꞌni na uva; saa chi ña yoꞌo kuvi tundoꞌo ndiee ña ^taxi Ndioxi ra kuu mii takundiꞌi ndiee ndaꞌa na.

Apocalipsis 10:6

Ra chinaꞌa ra Ndioxi ra tiaku iin ndisaa kii, iin ndisaa tiempo, Ndioxi ra xavaꞌa ndivi xiꞌin ñaꞌa ña iyoo nuu ña, ra xavaꞌa ñuꞌú xiꞌin takundiꞌi ñaꞌa ña iyoo nuu ña, ra xavaꞌa tiañuꞌu xiꞌin takundiꞌi ñaꞌa ña iyoo ini ra, ra ndikaꞌan ra kachi ra saa: ―Köo ka kii ña kundiatu Ndioxi ña saxinu ra ña ndikaꞌan ra,

Apocalipsis 6:10

Ra ndiee ka vi ^kaꞌan na ^kachi na saa: ―Tata Ndioxi, Ra Yii, Ra Ndixa, ¿ama vi ke sandaku kun kuachi xiꞌin na iyoo nuu ña yuuvi, ra sandoꞌo kun na xaꞌa ña xaꞌni na nduꞌu? ―^kachi na.

Apocalipsis 4:9

Ra nani saa kuu ña tiaku kan ^ndasakaꞌnu ña Ndioxi, ra ^nduꞌu nuu tiayu kaꞌnu kan, ra ^xatoꞌo ka vi ña ra, ra ^ndataxi ni ña tixaꞌvi ndaꞌa ra, ra tiaku iin ndisaa kii iin ndisaa tiempo.

Apocalipsis 4:5

Ra nuu íin tiayu kaꞌnu kan ra iin xikuiin taxa, ra iin kaꞌndi kuu, ra iin niniꞌi kuu ndaꞌyu taxa, ra ^ndita uxa ñùꞌù ña ^tuun nuu ndita tiayu kan; ra uxa saa ñuꞌu kan kuvi uxa Tachi ña kuu kuenda Ndioxi.

San Marcos 3:5

Saa xakueꞌe ni Jesús ixtoꞌni ra nuu takundiꞌi na ndee kan, ra kusuchi ni tu ini ra xiꞌin va na xaꞌa ña ndiee ni ini na; chi xïin na kandixa na ña kaꞌan ra. Saa ndikaꞌan ra xiꞌin ra kue̱ꞌe ndaꞌa kan, kachi ra saa: ―Sandakaa ndaꞌa kun ―kachi ra xiꞌin ra. Ra saa sandakaa tiaa kan ndaꞌa ra, ra ndikun nduvaꞌa va ña.

Apocalipsis 5:1

Ra xini yu, ra ra ^nduꞌu nuu tiayu kaꞌnu kan, ra chi ndaꞌa kuaꞌa ra ke ^niꞌi ra iin tutu ña isuvi, ra uvi saa xiyo nuu ña ke ndikaꞌyu tuꞌun, ra nuꞌni ndoso toko ña, ra iyoo uxa kuꞌva ña kuu tuni ña, ña nani sello.

Apocalipsis 9:6

Ra kii ña kuu ña yoꞌo, ra kuni yuvi ña kuvi na, ndi su küvi na; ra nii na nduku ni va na ña kuvi na, ndi su kutiaku va na. Saa chi süvi kii kuvi na ke chi kunu tu mii va ña xaꞌni ndii nuu na.