Apocalipsis 4:11 - Mixteco Metlatónoc

¹¹ Tata, yoꞌo kuvi Ndioxi ndi, ra kuu mii kun ndiayu ña ^ndasakaꞌnu ndi yoꞌo, ra ^kañuꞌu ndi yoꞌo, chi yoꞌo kuvi ra kuu mii ndiee, ra yoꞌo kuvi ra xavaꞌa takundiꞌi va ñaꞌa ña iyoo, ra ndiayu yoꞌo ke iyoo va ña, chi yoꞌo ku ra xavaꞌa va ña, ^kachi na xikuaꞌa kan.

Apocalipsis 4:11 Referans Kwoze

Apocalipsis 5:12

Ra ndiee ka vi kaꞌan na ^kachi na saa: Ra kuu ndikachi loꞌo, ra ndoꞌo ni, ra ndisoko na ra Ra ra kan kuvi ra ku mii ndiayu niniꞌi taꞌvi ña ndakiꞌin ra ndiee xiꞌin ña kuika, xiꞌin ña ndichi, xiꞌin ña ndaku, xiꞌin ña toꞌo, xiꞌin ña kaꞌnu, xiꞌin ña kañuꞌu na ra, ^kachi na.

Apocalipsis 10:6

Ra chinaꞌa ra Ndioxi ra tiaku iin ndisaa kii, iin ndisaa tiempo, Ndioxi ra xavaꞌa ndivi xiꞌin ñaꞌa ña iyoo nuu ña, ra xavaꞌa ñuꞌú xiꞌin takundiꞌi ñaꞌa ña iyoo nuu ña, ra xavaꞌa tiañuꞌu xiꞌin takundiꞌi ñaꞌa ña iyoo ini ra, ra ndikaꞌan ra kachi ra saa: ―Köo ka kii ña kundiatu Ndioxi ña saxinu ra ña ndikaꞌan ra,

Apocalipsis 14:7

Ra ndiee ka vi ^kaꞌan ra kachi ra saa: ―Yuꞌvi ini ndo kuni ndo Ndioxi ra ndasakaꞌnu ndo kivi ra, chi vichin ke xa ndixaa kii ña sandaku ra kuachi xiꞌin na yuuvi, ra na ndasakaꞌnu ndo ra, chi ra yoꞌo kuvi ra xavaꞌa ndivi, xiꞌin ñuꞌú, xiꞌin tiañuꞌu, xiꞌin nuu kana tiakuii ―^kachi ra tatun kan.

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

Hebreos 1:10

Ra ndikaꞌan ka tu Tata yo Ndioxi, kachi ra suꞌva va, kachi tuꞌun ra: Yoꞌo, Ndioxi, ra kuu seꞌe mii yu kuvi ra xakin xaꞌa ña yuuvi yoꞌo xiꞌin ndaꞌa kun, ra saa tu ndivi va kii ña xikunduꞌu xaꞌa ña yuuvi.

Romanos 11:36

Saa chi takundiꞌi ñaꞌa, ra mii va Ndioxi kuvi ra ^taxi ña, ra mii ra kuvi tu ra xavaꞌa va ña, ra xaꞌa mii ra ke kuvaꞌa va ña. ¡Ra ra kaꞌnu ni kuvi Tata yo Ndioxi ndia ndikaa ndikuꞌun! Amén.

Efesios 3:9

Ra sakuiso chiñu tu ra yuꞌu ña ndakani yu nuu takundiꞌi yuvi va, xaꞌa ña kuu kuenda mii ra, ña ndixiyo seꞌé ndia kii ña xavaꞌa ra ña yuuvi.

Hechos 14:15

―¡Na taꞌan yo! ¿Nichuun kuni ndo ndasakaꞌnu ndo nduꞌu? Ra tiaa taꞌan mii va ndo kuvi ndi. Ra tuꞌun vaꞌa xaꞌa Jesús va ke vaxi ndi kaꞌan ndoso ndi nuu ndo, ra na ndakoo ndo chiñu kiꞌvi ña xa ndo, ra ndakundiko ndo Ndioxi ra tiaku, ra xavaꞌa ndivi xiꞌin ñuꞌu, xiꞌin tiañuꞌu, xiꞌin takundiꞌi ka ñaꞌa ña iyoo.

Hechos 17:24

’Ra ra kan kuvi Ndioxi ra xavaꞌa ña yuuvi yoꞌo, xiꞌin takundiꞌi ñaꞌa ña iyoo nuu ña. Ra kandüꞌu ra ini iin veꞌe ñuꞌu ña xavaꞌa na yuuvi, saa chi ra kan kuvi ra xaꞌndia chiñu ndivi, ra saa tu nuu ñuꞌu va.

Apocalipsis 5:2

Ra xini yu iin ra tatun Ndioxi, ra ndaku ni, ra ndiee ka vi ndikaꞌan ra kachi ra saa: ―¿Yoo kuvi na yii, na niniꞌi taꞌvi, ña ndaxí na tuni ña nuꞌni toko tutu yoꞌo, ra ndakani na ña? ―^kachi ra.

Hebreos 1:2

Ndi su saa kuu, ra ndiyaꞌa kuaꞌa ni va kuiya, ra kii ña ndee yo vichin, ra kuëe xa ka ra saa, chi vichin, ra xa ndaꞌa seꞌe va ra ke taxi ra tuꞌun ra, ra ndikaꞌan ndoso ra kan ña nuu yo. Ra seꞌe ra kuvi tu ra xiniñuꞌu ra ña xavaꞌa ra ña yuuvi, xiꞌin takundiꞌi ñaꞌa ña iyoo nuu ñuꞌu, xiꞌin takundiꞌi ñaꞌa ña iyoo ndiví, ra ndaꞌa ra kuu seꞌe ra ke ndataxi tu ra takundiꞌi va ñaꞌa ña iyoo nuu ña yuuvi yoꞌo.

Apocalipsis 1:6

ra ndasa ra yoo, na ñuu ra ña kaꞌndia ra chiñu nuu yo, ra nduu tu yo sutu na xachiñu nuu Ndioxi, ra kuu Iva va ra. ¡Ra na ndasakaꞌnu ni yo Jesucristo, ra na kusii ni ini yo chi ra yoꞌo kuvi ra kaꞌndia chiñu nuu iinii saa ña yuuvi yoꞌo ndia ndikaa ndikuꞌun! Amén.

Apocalipsis 19:1

Te ndiꞌi kuu ña yoꞌo, ra saa xini soꞌo yu ndiee ka vi kaꞌan iin tiꞌvi chee yuvi chi ndivi kachi na saa: ¡Ra kaꞌnu ni kuvi Iva yo Ndioxi! ¡Saa chi sakaku ra yoo! Ra takundiꞌi ña toꞌo, xiꞌin ña kaꞌnu, xiꞌin ndiee, ra kuenda mii Iva yo Ndioxi va kuvi ña.