Apocalipsis 3:7 - Mixteco Metlatónoc

⁷ ’Ra vichin tiaa tu tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Filadelfia, ra suꞌva ke kachi kun xiꞌin ra: “Ra Yii, ra Ndixa, ra niꞌi yave ña kuu mii ndiee ta kuꞌva ndixiyo ra rey David, ra ^ndakuña yeꞌe ra ndia nii na kuchüun ndasi ña; ra ^ndasi yeꞌe, ra ndia nii tu na kuchüun ndakuña va ña, kuvi ra kachi suꞌva:

Apocalipsis 3:7 Referans Kwoze

San Mateo 16:19

Ra ndaꞌa yoꞌo ke taxi yu yave, ña ndakuiña yeꞌe nuu xaꞌndia Ndioxi chiñu. Ra takundiꞌi ñaꞌa ña chikuꞌni kun nuu ña yuuvi yoꞌo, ra kunuꞌni tu ña ndivi va, ra takundiꞌi tu ñaꞌa ña ndaxi kun nuu ña yuuvi yoꞌo, ra ndaxi tu ña ndivi va ―kachi Jesús xiꞌin ra Pedro.

Apocalipsis 1:18

ra yuꞌu, ra tiaku kuvi ra kaꞌan xiꞌin kun; ra vaꞌa ni ña ndixa ke ndixiꞌi va yu, ndi su vichin ra tiaku yu iin ndisaa kii ndia ndikaa ndikuꞌun va, amén. Ra yuꞌu kuvi ra niꞌi yave ña ku ndiayu ña sandatiaku na ndii.

Apocalipsis 6:10

Ra ndiee ka vi ^kaꞌan na ^kachi na saa: ―Tata Ndioxi, Ra Yii, Ra Ndixa, ¿ama vi ke sandaku kun kuachi xiꞌin na iyoo nuu ña yuuvi, ra sandoꞌo kun na xaꞌa ña xaꞌni na nduꞌu? ―^kachi na.

San Juan 14:6

Ra saa ndakuiin Jesús kachi ra saa xiꞌin ra: ―Yuꞌu ku ra kuu ichi, ra yuꞌu ku ra kuu ña ndaa, ra yuꞌu ku ra kuu mii ña tiaku va. Ra ndia nii yuvi küvi xaa nuu Tata yu, tu na kïxi na nuu yuꞌu.

San Lucas 1:32

Chi ra loꞌo yoꞌo, ra ra kaꞌnu ni kuu ra, ra “Seꞌe Ndioxi Ra Kaꞌnu kuvi ra” kachi na. Ra taxi Ndioxi ndie̱e̱ ndaꞌa ra, ña kuu ra rey, ta kuꞌva ndixiyo ra rey David, xii xikua ra, ra xaꞌndia chiñu nuu na Israel.

San Marcos 1:24

―¿Nichuun vaxi kun sataꞌan kun nduꞌu, Jesús, ra kee ñuu Nazaret? ¿A vaxi kun sandiꞌi kun xaꞌa ndi? Chi xini va ndi yo kuvi yoꞌo: Yoꞌo kuvi ra yii, ra kee nuu Ndioxi ―kachi ña xiꞌin Jesús.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

Apocalipsis 19:11

Ra saa xini yu ^nuña ndivi, ra kanata iin kuayu yaa, ra ^yoso iin tiaa ri, ra nani ra iin tiaa ra ndaa, ra ndixa; ra ndaku ni ^xayukun ra kuachi xiꞌin yuvi, ra te kanitaꞌan ra xiꞌin yuvi ra niña mii ña ndaku va ^xa ra.

Apocalipsis 3:14

’Ra vichin tiaa tu tutu ña kuꞌun nuu ra tatun Ndioxi, ra ndiso chiñu xiꞌin veꞌe ñuꞌu ñuu Laodicea ra suꞌva ke kachi kun xiꞌin ra: “Ra kaꞌan ña saa ke koo vaꞌa, ra ndinuni ni ndixa ^ndakuiin xaꞌa ña xa Ndioxi, ra ndaa, ra xaꞌa chituni ña yuuvi yoꞌo xiꞌin Ndioxi kuvi ra, kachi suꞌva:

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

Apocalipsis 1:11

ra kachi ña saa xiꞌin yu: ―Yuꞌu ku ra nuu, ra yuꞌu ku ra ndia nuu ndiꞌi va, ra yuꞌu ku ra ndia kii xaꞌa, ra yuꞌu ku tu ra ndia kii ndiꞌi va. Ra tiaa ña ^xíní kun yoꞌo nuu iin tutu, ra na tiꞌvi kun ña kuꞌun ña nuu uxa veꞌe ñuꞌu ña iyoo chi Asia: veꞌe ñuꞌu ñuu Éfeso, xiꞌin veꞌe ñuꞌu ñuu Esmirna, xiꞌin veꞌe ñuꞌu ñuu Pérgamo, xiꞌin veꞌe ñuꞌu ñuu Tiatira, xiꞌin veꞌe ñuꞌu ñuu Sardis, xiꞌin veꞌe ñuꞌu ñuu Filadelfia, xiꞌin veꞌe ñuꞌu ñuu Laodicea ―kachi ña xiꞌin yu.

Hechos 3:14

Ra na kundaa ini ndo chi ra yoꞌo kuvi ra yii, ra vaꞌa, ra ndixïin ndo kaꞌan ndo xaꞌa ra ña saña ra. ¡Chi ra xaꞌni ndii va ndikaꞌan ndo xaꞌa ndisaña,

San Mateo 24:35

’Ndivi kaa xiꞌin ñuꞌú yoꞌo, ra ña ndiꞌi xaꞌa va kuvi ña, ndi su tuꞌun yu ra ndïꞌi xaꞌa ña, chi xinu ndiꞌi va ña kaꞌan ña.

Apocalipsis 1:5

Ra saa tu Iva yo Jesucristo na taxi ra ña vaꞌa kutaꞌvi ndo chi ra kan kuvi mii ra ndinuni ni ^ndakuiin xaꞌa ña ^xa Ndioxi, ra ra kan kuvi ra nuu vaꞌa ndatiaku nuu takundiꞌi na ndixiꞌi, ra ra kan kuvi tu ra chee ni ka nuu takundiꞌi na kunaꞌnu xaꞌndia chiñu iyoo nuu ña yuvi yoꞌo va. Ra na ndasakaꞌnu ni yo ra chi ^kuꞌvi ni ini ra xini ra yoo, ra ndakatia ra kuachi yo xiꞌin ni̱i̱ ra,

San Lucas 4:34

kachi ña saa xiꞌin Jesús: ―Koo yaa kun xiꞌin ndi. ¿Nichuun sandiꞌi kun nduꞌu, Jesús, ra ñuu Nazaret? ¿A vaxi kun sandiꞌi kun xaꞌa ndi? Chi yuꞌu ra xini va yu yoꞌo, ña kuu kun Ra Yii, ra ke̱e nuu Ndioxi ―kachi ña ndivaꞌa kan suꞌva xiꞌin Jesús.

Apocalipsis 15:3

Ra ^xita na yaa xaa ña xita ra Moisés ra xachiñu nuu Ndioxi, ña ndasakaꞌnu na ra kuu ndikachi loꞌo, ra kachi na saa xita na: Kuaꞌa ni ña nduvi, xiꞌin ña ndichi xavaꞌa kun Tata Ndioxi, ra kuu mii takundiꞌi ndiee, ra chiñu ña xa kun, ra ña ndaa ni va kuvi ña, ra ndaku ni iyoo ña, ra yoꞌo kuvi rey ra xaꞌndia chiñu nuu takundiꞌi na yii.

Apocalipsis 21:5

Ra saa ndikaꞌan ra nduꞌu nuu tiayu kaꞌnu kan xiꞌin yu kachi ra saa: ―Vichin ra xa ndasa xaa yu takundiꞌi va ñaꞌa ―*kachi ra. Saa ndikaꞌan ka ra xiꞌin yu kachi ra saa: ―Tiaa tuꞌun yoꞌo, chi tuꞌun ña ndaa, ña ndixa ni kuvi ña ―*kachi ra.

Apocalipsis 19:2

Saa chi iin ta iyoo mii kuachi na, saa iyoo ña xa Ndioxi xiꞌin va na, saa chi taxi ra tundoꞌo ndaꞌa ñuu chee kaꞌnu ña ^kuu ñaꞌá koko, ña xa yakua ña yuuvi xiꞌin chiñu yakua ña xa ña, ra Ndioxi va kuvi ra sandiꞌi xaꞌa ña, xaꞌa ña xaꞌni ña na xachiñu nuu ra, ^kachi na.

Apocalipsis 16:7

Ra saa xini soꞌo yu ndikaꞌan inka tuku ra tatun Ndioxi, ndia nuu altar yii kan kachi ra saa: ―Ña ndixa ni kuvi va ña, Tata Ndioxi, ra kuu mii takundiꞌi ndiee, saa chi tundoꞌo ña ^taxi kun ra ña ndaku ni va kuvi ña, chi mii ña ndaa va ^xa kun xiꞌin na xaꞌa kuachi na ―*kachi ra.

Apocalipsis 4:8

Ra kumi saa ña tiaku kan, ra iyoo ìñu̱ ndixin ta mituꞌun, ta mituꞌun ña, ra tiaa ni kuaꞌa kuvi nduchi nuu ña chi iyoo ña chi sata ndixin ña, ra iyoo tu ña chi tixi ndixin va ña; ra nii xikutüvi ña ña kaꞌan ña, chi iin ñuu kaꞌñu va kaꞌan ña kachi ña saa: ¡Ra Yii, Ra Yii, Ra Yii kuvi Tata yo Ndioxi ra kuu mii takundiꞌi ndiee, Ra xa iyoo te yachi, Ra iyoo vichin, Ra kixi kii ña vaxi!, kachi ña.

Apocalipsis 2:1

Ra saa ndikaꞌan ka Jesús xiꞌin yu kachi ra saa: Tiaa tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Éfeso, ra suꞌva ke kachi kun xiꞌin ra: “Ra ^niꞌi uxa kimi chi ndaꞌa kuaꞌa, ra ^xika tiañu uxa kaa oro ña xixi ñùꞌù nuu, kuvi ra kaꞌan xiꞌin kun, ña ^kachi ra saa: