Apocalipsis 3:14 - Mixteco Metlatónoc

¹⁴ ’Ra vichin tiaa tu tutu ña kuꞌun nuu ra tatun Ndioxi, ra ndiso chiñu xiꞌin veꞌe ñuꞌu ñuu Laodicea ra suꞌva ke kachi kun xiꞌin ra: “Ra kaꞌan ña saa ke koo vaꞌa, ra ndinuni ni ndixa ^ndakuiin xaꞌa ña xa Ndioxi, ra ndaa, ra xaꞌa chituni ña yuuvi yoꞌo xiꞌin Ndioxi kuvi ra, kachi suꞌva:

Apocalipsis 3:14 Referans Kwoze

Colosenses 1:15

Ra iin ta kuꞌva iyoo mii Tata yo Ndioxi, ra küvi kuni yo, ke iyoo tu Tata yo Jesucristo ra kixi tuvi nuu ña yuuvi yoꞌo va. Ra Tata yo Jesucristo, ra xa iyoo ra, ta kumani ka kuvaꞌa takundiꞌi va ñaꞌa, ra ^xaꞌndia chiñu tu ra nuu va ña.

Apocalipsis 1:5

Ra saa tu Iva yo Jesucristo na taxi ra ña vaꞌa kutaꞌvi ndo chi ra kan kuvi mii ra ndinuni ni ^ndakuiin xaꞌa ña ^xa Ndioxi, ra ra kan kuvi ra nuu vaꞌa ndatiaku nuu takundiꞌi na ndixiꞌi, ra ra kan kuvi tu ra chee ni ka nuu takundiꞌi na kunaꞌnu xaꞌndia chiñu iyoo nuu ña yuvi yoꞌo va. Ra na ndasakaꞌnu ni yo ra chi ^kuꞌvi ni ini ra xini ra yoo, ra ndakatia ra kuachi yo xiꞌin ni̱i̱ ra,

Colosenses 1:18

Ra suvi mii ra kuvi tu ra, kuu xini ña xaꞌndia ra chiñu nuu na veꞌe ñuꞌu, na ^kuu iki kuñu va ra. Ra mii ra kuvi tu ra, ^taxi ña tiaku va na, ra mii ra kuvi tu ra nuu vaꞌa ndatiaku nuu takundiꞌi na ndii va, ra xaꞌa ña kan ke ^xaꞌndia chiñu ra nuu takundiꞌi va ñaꞌa vichin.

2 Corintios 1:20

Saa chi Tata yo Jesucristo kuvi ra saxinu nuu takundiꞌi va ña kindoo Ndioxi sa ra. Ña kan ke ta ndasakaꞌnu yo Ndioxi, xaꞌa ña xa ndakundikun yo Tata yo Jesucristo, ra kaꞌan yo, kachi yo saa, “saa koo”.

Apocalipsis 3:7

’Ra vichin tiaa tu tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Filadelfia, ra suꞌva ke kachi kun xiꞌin ra: “Ra Yii, ra Ndixa, ra niꞌi yave ña kuu mii ndiee ta kuꞌva ndixiyo ra rey David, ra ^ndakuña yeꞌe ra ndia nii na kuchüun ndasi ña; ra ^ndasi yeꞌe, ra ndia nii tu na kuchüun ndakuña va ña, kuvi ra kachi suꞌva:

Apocalipsis 22:13

Yuꞌu kuvi ra nuu, ra yuꞌu kuvi tu ra ndia nuu ndiꞌi va, ra yuꞌu kuvi ra kii xaꞌa, ra yuꞌu kuvi tu ra ndia kii ndiꞌi va ―kachi ra.

Apocalipsis 19:11

Ra saa xini yu ^nuña ndivi, ra kanata iin kuayu yaa, ra ^yoso iin tiaa ri, ra nani ra iin tiaa ra ndaa, ra ndixa; ra ndaku ni ^xayukun ra kuachi xiꞌin yuvi, ra te kanitaꞌan ra xiꞌin yuvi ra niña mii ña ndaku va ^xa ra.

Apocalipsis 22:6

Ra saa ndikaꞌan ra tatun Ndioxi kan xiꞌin yu kachi ra saa: ―Tuꞌun yoꞌo ra ña ndixa ní va kuvi ña, ra na kundiaa ní ini yo ña. Ra Iva yo Ndioxi, ra taxi ña xinituni ndaꞌa na ndikaꞌan ndoso tuꞌun ra xinaꞌa kuvi ra tiꞌvi tatun ra, ña ña̱ꞌa̱ ra takundiꞌi ña xa ndinumi ni kuu nuu takundiꞌi na xachiñu nuu ra ―*kachi ra.

Apocalipsis 21:6

Ra saa ndikaꞌan ka ra xiꞌin yu, kachi ra saa: ―Xa ndixinu nuu takundiꞌi va ña. Yuꞌu kuvi ra nuu, ra yuꞌu kuvi tu ra ndia nuu ndiꞌi va, ra yuꞌu kuvi ra kii xaꞌa, ra yuꞌu kuvi tu ra ndia kii ndiꞌi va. Ra na íchi̱ ini, ra ndia mii nuu kana tiakuii vaꞌa, ra ^taxi ña kutiaku na ke taxi yu koꞌo na ra, ra köo yaꞌvi ra.

Apocalipsis 1:11

ra kachi ña saa xiꞌin yu: ―Yuꞌu ku ra nuu, ra yuꞌu ku ra ndia nuu ndiꞌi va, ra yuꞌu ku ra ndia kii xaꞌa, ra yuꞌu ku tu ra ndia kii ndiꞌi va. Ra tiaa ña ^xíní kun yoꞌo nuu iin tutu, ra na tiꞌvi kun ña kuꞌun ña nuu uxa veꞌe ñuꞌu ña iyoo chi Asia: veꞌe ñuꞌu ñuu Éfeso, xiꞌin veꞌe ñuꞌu ñuu Esmirna, xiꞌin veꞌe ñuꞌu ñuu Pérgamo, xiꞌin veꞌe ñuꞌu ñuu Tiatira, xiꞌin veꞌe ñuꞌu ñuu Sardis, xiꞌin veꞌe ñuꞌu ñuu Filadelfia, xiꞌin veꞌe ñuꞌu ñuu Laodicea ―kachi ña xiꞌin yu.

Apocalipsis 2:1

Ra saa ndikaꞌan ka Jesús xiꞌin yu kachi ra saa: Tiaa tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Éfeso, ra suꞌva ke kachi kun xiꞌin ra: “Ra ^niꞌi uxa kimi chi ndaꞌa kuaꞌa, ra ^xika tiañu uxa kaa oro ña xixi ñùꞌù nuu, kuvi ra kaꞌan xiꞌin kun, ña ^kachi ra saa:

Colosenses 4:16

Ra ta xa na ndiꞌi kaꞌvi ndo tutu yoꞌo, nuu na ñani yo, ra na tiꞌvi tu ndo ña kuꞌun ña chi Laodicea va, ña vaꞌa na kaꞌvi tu na ña nuu na veꞌe ñuꞌu kan va; ra na kaꞌvi tu ndoꞌo va tutu, ña tiꞌvi yu ndaꞌa na veꞌe ñuꞌu Laodicea, ta xa na tiꞌvi na ña xaa ña ndaꞌa ndo.

Colosenses 2:1

Ra na kundaa ini ndoꞌo na ñani yo ñuu Colosas, chi xaꞌa ndoꞌo va kuvi ña chikaa ni yu ndiee, ra saa tu xaꞌa na ñani yo na ndee ñuu Laodicea va, ra saa tu xaꞌa sava na kuëe xini yuꞌu va.

San Juan 1:3

Ra iin ndiakua íin ra kan saa ke kuvaꞌa takundiꞌi ñaꞌa ña iyoo, chi tu köo ra kan, saa ra ndia nii ñaꞌa ke kuväꞌa vi.

San Juan 8:14

Ra saa ndakuiin Jesús kachi ra saa xiꞌin ndia: ―Vaꞌa ni mii yu ku ra ndakuiin xaꞌa va yu, ndi su ndiaa yaꞌvi va ña kaꞌan yu. Saa chi yuꞌu ra kundaa va ini yu ndia chi ke kee yu, ra kundaa tu ini yu ndia chi ke kuꞌun va yu; ndi su ndoꞌo ra kundäa ini vi ndo ndia chi ke kee yu, ra nii kundäa tu ini ndo ndia chi kuꞌun va yu.