Apocalipsis 3:11 - Mixteco Metlatónoc

¹¹ Ra na kundaa ini kun chi kama ni va ndiko yu xaa tuku yu, ra ná kandixa ni ka va kun yuꞌu, ra xa ta kuꞌva ^xa kun ke, ná sa va kun, ra saa ke ndia nii na kuchüun ndakiꞌin ña vaꞌa ña ni̱ꞌi̱ kun ku̱ꞌu̱n kun nuu Ndioxi.

Apocalipsis 3:11 Referans Kwoze

Santiago 1:12

Vaꞌa ni kee yuvi na xa ndiee ini, ra kuëe ndiko ini na te vaxi tundoꞌo nuu na, ña xitondoso ña na, saa chi te xa na kuchuun na ña sa tiaa na nuu ña, ra niꞌi na ña kutiaku na, ra ña kan kuvi iin ñaꞌa ña ndiaa yaꞌvi ni kindoo Tata yo Ndioxi taxi ra ndaꞌa va yuvi na kuꞌvi ini xini ra.

Apocalipsis 22:12

Ra saa ndikaꞌan ka Jesús kachi ra saa: ―Kuenda ni koo ndo chi kama ni va ndiko yu kixi yu, ra ndataxi yu yaꞌvi ta iin ta iin yuvi ndaꞌa na, ta kuꞌva iyoo mii chiñu ña ^xa va na.

Apocalipsis 2:10

Ndi kuayüꞌvi kun nuu tundoꞌo ña vaxi nuu kun, chi ndukuiin timiaꞌa ra kotondoso ri ndoꞌo, ra tiin ri sava ndo ra taan ri ndoꞌo veꞌe kàà, ra ndia uxi va kii sandoꞌo ri ndoꞌo. Ndi su yoꞌo, ra ndaku ni na koo ini kun ra nii na kuvi va kun, ndi nandïko ini kun. Saa ra yuꞌu taxi ña kutiaku kun ndia ndixaa kii ndia ndixaa tiempo va.

Apocalipsis 2:25

chi ña ^kuni yu ke ná taxi vaꞌa ndo ña xa iyoo nuu va ndo, ra xa ta ^xa ndo ke, na sa va ndo, ndia te na xaa kii ña nandiko yu xaa yu.

2 Timoteo 4:8

Ra xaꞌa ña kan ke vichin, ra xa iyoo nduvi va iin ña vaꞌa, niꞌi yu, ra mii va Tata yo Jesucristo, ra ndaku ni xayukun kuachi kuvi ra taxi ña ndaꞌa yu te xa na nandiko ra kixi tuku ra; ra süvi takua yuꞌu kuvi ra niꞌi ña vaꞌa kan, chi niꞌi tu takundiꞌi yuvi na ndiatu ña kixi va ra ña.

2 Timoteo 2:5

Ra saa ke ^kuu tu xiꞌin yuvi na ^sasiki ña keꞌe taꞌan va na, saa chi küvi vi ndakiꞌin na ñaꞌa ña iyoo nduvi ndakiꞌin na, tu kuëe xa na ta kuꞌva kaꞌan mii ndiayu ña kaꞌan xaꞌa ña sasiki na.

Apocalipsis 22:20

Jesús ra ^ndakani xaꞌa tuꞌun yoꞌo, ña kuu ña ña ndixa, kuvi ra kaꞌan kachi saa: ―Ña ndixa kuvi va ña, kama ni va ndiko yu ―kachi ra. Saa iyoo ña. ¡Naꞌa, Tata Jesús!

Apocalipsis 1:3

Ra vaꞌa ni kee yuvi na ^kaꞌvi tuꞌun Ndioxi, ña yii, ña vaxi nuu tutu yoꞌo, ra ^xini soꞌo na ña kaꞌan ña, ra kandixa na ña, saa chi xa kuyachin ni kii ña kuu ña ndikaꞌan Ndioxi.

Apocalipsis 4:10

Ra oko kumi saa na xikuaꞌa kan, ra ^ndakusiti na nuu ra nduꞌu nuu tiayu kaꞌnu kan, ra ^ndasakaꞌnu ni na ra, chi ra kan kuvi ra tiaku iin ndisaa kii iin ndisaa tiempo, ra ^koniꞌi na corona ña ñuꞌu na, ra ^chindee na ña nuu ñuꞌú nuu íin tiayu kaꞌnu kan, ra kaꞌan na kachi na saa:

1 Corintios 9:25

Takundiꞌi yuvi na xa nduvi ña keetaꞌan na, ra xaꞌnu va ini na nuu ñaꞌa ña kuëe chindiee taꞌan xiꞌin na. Ra xa xini va ndo, saa chi vaꞌa ni sandoꞌo ni va na mii na, ndi su iin ñaꞌa ña ndiꞌi xaꞌa va kuvi ña niꞌi na, ndi su yoo, ra xaꞌa ña niꞌi yo ñaꞌa ña kuëe ndiꞌi xaꞌa va kuvi ña sandoꞌo yo mii yo.

Apocalipsis 3:3

Ña kan ke na ndakaꞌan kun xaꞌa ña sakuaꞌa kun te yachi, xiꞌin ña xini soꞌo kun, ra na kandixa kun ña, ra na nandiko ini kun xaꞌa kuachi kun, chi tu na kundïto kun, saa ra, iin kama va xaa yu nuu kun, ra nii kundäa ini vi kun ndia hora ke xaa yu, chi ta ^xa iin ra kuiꞌna va ke sa yu.

Apocalipsis 4:4

Ra suvi mii nuu íin tiayu kaꞌnu kan xinunduu ka inka oko kumi tiayu ndita nu, ra xini yu oko kumi ndia xikuaꞌa ra ^ndixi ndia tikoto yaa, ra ^ñuꞌu ndia corona ña oro ndee ndia nuu tiayu kan.

Apocalipsis 2:13

Xíni̱ ndiꞌi va yu chiñu ña xa kun, ra kundaa tu ini yu ña iyoo kun nuu iyoo ti ndivaꞌa xaꞌndia ri chiñu va, ra suvi mii ñuu ñaa ke xaꞌni tu na ra Antipas, ra ndixa xa̱chiñu nuu yu, ra nii saa va, ndi kuëe ndiko ini kun, ña ndikun kun yuꞌu.

Apocalipsis 22:7

Ra suꞌva ke ^kachi Iva yo Jesús ndikaꞌan ra: ―¡Na kundaa ini ndo chi kama ni va ndiko yu kixi yu! ¡Ra vaꞌa ni va kee yuvi na ^kandixa tuꞌun yii ña kaꞌan Ndioxi, ña vaxi nuu tutu yoꞌo! ―*kachi ra.

Santiago 5:9

Ra na täxi ndo kuachi xaꞌa taꞌan ndo, saa chi tu köo ra iyo ni taxi Tata yo Ndioxi tundoꞌo ndaꞌa ndo, ra na kundaa ini ndo, chi Tata yo Jesucristo, ra sandaku kuachi xiꞌin yuvi, ra xa yeꞌe va iin ra.

Filipenses 4:5

Ra vivii va na sa ndo ña vaꞌa na kundaa ini takundiꞌi va yuvi, ña tiayu ni ndo. Ra na kundaa ini ndo, chi kama ni va ndiko Tata yo Jesucristo kixi ra.

Apocalipsis 16:15

Ña kan ke kuenda ni na koo ndo, chi kundäa ini ndo ama ke ndiko yu, chi ta kuꞌva ^xa iin ra kuiꞌna va ke sa yu te na ndiko yu. Ra vaꞌa ni kee yuvi na ndito, ra xa iyoo nduvi na xiꞌin tikoto ña kundixi na ña vaꞌa na käka yala na, ra kukäꞌan nuu na.