Apocalipsis 22:4 - Mixteco Metlatónoc

⁴ Ra kuni nuu va na Ndioxi, ra kunduꞌu kivi ra tiaan na.

Apocalipsis 22:4 Referans Kwoze

Apocalipsis 14:1

Ra te ndiꞌi, saa xini yu ndichi ra kuu ndikachi loꞌo xini iku chee ña nani Sión, ra ndita iin ciento uvi xiko kumi mil yuvi xiꞌin ra, ra nduꞌu kivi ra xiꞌin kivi Iva ra tiaan na.

San Mateo 5:8

Ra vaꞌa ni kee ndoꞌo, na ndakú nima, chi ndoꞌo kuvi ndo kuni nuu Ndioxi.

Apocalipsis 3:12

Ra na kuchuun sakanaa nuu ña väꞌa, ra ndasa yu na siꞌin veꞌe ñuꞌu Tata yu Ndioxi, ra ndia nii ka kii kutiäꞌa na ikan, ra tiaa yu kivi Tata yu Ndioxi sata na, ra kunduꞌu tu kivi ñuu va ra sata ná, ñuu xaa, ña nani Jerusalén, ña kee chi ndivi nuu iyoo Ndioxi ra nduxinu ña; ra kunduꞌu tu kivi yuꞌu, ña xaa va, sata na.

Hebreos 12:14

Ra na sa nduxa ndo ña vivii kutaꞌan ndo xiꞌin takundiꞌi va yuvi, ra na kïꞌvi ndo kuachi xiꞌin ndia nii na, ra nii na sä tu ndo chiñu kiꞌvi va, saa chi yuvi na kuëe ndataxi mii ndaꞌa Tata yo Ndioxi, ra küvi vi kuni na ra.

Apocalipsis 7:3

Ra kachi ra saa xiꞌin na: ―Sandöꞌo ñaꞌa ndo ñuꞌú, xiꞌin tiañuꞌu, ra nii itun kuii, chi ndiakua te na sandiꞌi yo kani yo tuni tiaan na xa chiñu nuu Ndioxi yo, ra ndia saa ke na kuu tundoꞌo ñaa ―kachi ra.

1 Corintios 13:12

Ra kuꞌva saa va ke ndoꞌo yo vichin, saa chi ta kuꞌva ndoꞌo yuvi na xitoꞌni nuu yuu tata, ra iin xaña xaña va xini na mii na, ra saa va ke ^ndoꞌo yo xiꞌin takundiꞌi ñaꞌa vichin; ndi su vaxi kii ra iin kaxi kaxi va kundaa ini yo xaꞌa takundiꞌi ñaꞌa. Vichin, ra loꞌo va ñaꞌa kundaa ini yo xaꞌa, ndi su vaxi kii, ra iin ta kuꞌva kundaa kaxi ini mii Ndioxi xaꞌa va yo, saa kundaa kaxi ini yo xaꞌa takundiꞌi va ñaꞌa sa ra.

San Juan 17:24

’Ra na taxi kun ndaꞌa yu yo̱ꞌo̱, Tata, ra kuni yu ña na kundee na xiꞌin yu nuu koo yu, ra saa ke vaꞌa na kuni na ña kaꞌnu, ña taxi kun ndaꞌa yu; saa chi yoꞌo kuvi ra xa kuꞌvi ni ini xini yuꞌu te täan kukava xaꞌa ña yuuvi yoꞌo vi.

San Juan 12:26

Ra tu ndia na xiin sachiñu ndaꞌvi nuu yu, ra xiniñuꞌu na kundikun na yuꞌu va, ra nuu koo yu ke koo tu na xachiñu ndaꞌvi nuu va yu, ra ndia ndia ka na ^xachiñu ndaꞌvi nuu yu, ra satoꞌo va Tata yu na.