Apocalipsis 22:11 - Mixteco Metlatónoc

¹¹ Ra yuvi na ^xa chiñu kiꞌvi, ra na sa ka na chiñu kiꞌvi va, ra na ^xa chiñu yakua, ra na sa yakua ka na mii va na; ra na ^xa ña vaꞌa, ra na sa ka na ña vaꞌa va, ra na yii, ra na sa yii vaꞌa ka va na ―*kachi ra tatun Ndioxi kan xiꞌin yu.

Apocalipsis 22:11 Referans Kwoze

2 Timoteo 3:13

ndi su yuvi väꞌa, yuvi chiꞌña tuꞌun, ra ta iin iin kii ra na nduu ñaꞌa vaꞌa ka va kuvi na, saa chi ña sa na ke sandaꞌvi na yuvi, ra inka tu yuvi sandaꞌvi taꞌan xiꞌin mii va na.

San Mateo 15:14

Ra saa ndikaꞌan ka Jesús xiꞌin ndia kachi ra saa: ―Ndäa ndo ña kuu vi ndia; saa chi na kuaa na niꞌi ichi nuu inka na kuaa va kuvi na, ra tu iin ra kuaa na kunuu ichi nuu inka ra kuaa, saa ra koyo uvi saa va ndia iin yavi ―kachi Jesús xiꞌin ndia itaꞌan xiꞌin ra.

San Mateo 5:6

Ra vaꞌa ni kee tu ndoꞌo, na kaꞌun ini nima vichin, ra ndachi ini ndo ña kuni ndo kuni soꞌo ndo ña kaꞌan Ndioxi, chi vaxi kii ra kuni va soꞌo ndo tuꞌun ra.

Judas 1:24

Ra na ndasakaꞌnu yo Tata yo Ndioxi, saa chi ra kan kuvi ra kuu mii ndiee, ra täxi ra koyo yo, ra iyoo tu ndiee ndaꞌa ra ña ndakiꞌin ra yoo kuꞌun yo xiꞌin ra nuu iyoo va ra, ña sakusii ni ra ini yo.

San Mateo 25:10

Ra nani saa kuu na uꞌun, na kiꞌvi kan, ndoꞌni na ichi kuaꞌan na, ña sata na ndutia xaꞌan ra kutuun nuu na, saa ra xaa va ra tandaꞌa kan, ra na uꞌun, na xa iyoo nduvi kan, ra ndikiꞌvi va na xiꞌin ra ini veꞌe nuu iyoo viko tandaꞌa kan, saa ra ndasi va yeꞌe veꞌe kan.

Efesios 5:27

Ra ña xa ra saa xiꞌin yo, ra ña vaꞌa na kuu yo iin veꞌe ñuꞌu ña iin yeꞌe yeꞌe kaa ta xa na xaa yo nuu va ra kuvi ña, ra ndia ni loꞌo tu yakua, xiꞌin ndia ndia ka ña väꞌa na küu mii yo, chi na yii va ke na kuu yo kuni ra.

San Mateo 21:19

Ra saa xini ra ndichi iin tu koxi yachin yuꞌu ichi kan, saa ra ndakiꞌin ra ndixaa ra nuu íin nu, ra ndia nii koxi loꞌo köo ndaꞌa nu ndiniꞌi ra, chi takua niña iku va ke iyoo ndaꞌa nu, ra saa ndikaꞌan ra xiꞌin nu kachi ra saa: ―Ndia nii ka kii na küun kuiꞌi ndaꞌa kun ―kachi ra xiꞌin nu. Saa ra ndikun ndachi va itun koxi kan.

San Juan 8:21

Ra saa ndikaꞌan tuku Jesús xiꞌin ndia kachi ra saa: ―Yuꞌu, ra kuꞌun va yu, ra nanduku ni ndo yuꞌu, ndi su kuvi va ndo xaꞌa kuachi ndo, saa chi nuu kuꞌun yu, ra kuchüun vi ndo kuꞌun ndo ―kachi ra xiꞌin ndia.

Apocalipsis 16:21

Ra saa xaꞌa ndikoyo nduu ñíꞌi ña kee chi ndivi sata na yuuvi yoꞌo, ra kuꞌva uvi xiko kilo yáꞌa ke vee ña, ra saa xaꞌa na kañaꞌa na xaꞌa Ndioxi, xaꞌa ña ^taxi ra tundoꞌo ñaꞌa yoꞌo ndaꞌa na.

Apocalipsis 22:3

Ra ñuu kan, ra köo ka ñaꞌa ña tavi chiꞌña. Saa chi mii Ndioxi va kuvi ra kaꞌndia chiñu nuu na xiꞌin ra kuu ndikachi loꞌo, ra na ^xachiñu nuu ra, ra ikan ke ndasakaꞌnu ni ka va na ra.

Colosenses 1:22

xaꞌa ña ndixiꞌi Tata yo Jesucristo ta kixi ra nuu ñuꞌu yoꞌo. Ra suꞌva va ke xa ra ña vaꞌa sandiꞌi ra xaꞌa kuachi ndo, ña vaꞌa na köo yakua ndo kuꞌun ndo xiꞌin ra, nuu Tata yo Ndioxi;

San Mateo 5:45

Ra saa ke ndañaꞌa ndo mii ndo ña ndixa ke kuu ndo seꞌe Ndioxi ra iyoo ndivi, chi ra kan kuvi ra ^taxi kanata ñuꞌu ra tuun ña sata na vaꞌa xiꞌin na väꞌa va, ra ^taxi tu ra kuun savi sata na vaꞌa xiꞌin na väꞌa va.