Apocalipsis 2:14 - Mixteco Metlatónoc

¹⁴ Ndi su iyoo va loꞌo ña väꞌa kuni yu xini yu yoꞌo xiꞌin; saa chi iyoo ka va na ndikun ichi ña sañaꞌa ra Balaam xiꞌin kun, chi ra kan kuvi ra taxi xini ra Balac ña sandaꞌvi ra na ñuu Israel, ña na kaxi na ñaꞌa ña ^soko na nuu ndioxi ña kuu yuu xiꞌin ña kuu itun, ra sakuaꞌa tu ra na ña kaka sii na ña yuuvi ña kuaꞌa ni na koo tani na.

Apocalipsis 2:14 Referans Kwoze

2 San Pedro 2:15

Saa chi ndïkun ka ndia Tata yo Ndioxi, chi xa chiñu kiꞌvi va ke xa ndia. Ra taꞌan chiñu kiꞌvi ña xa ra Balaam seꞌe ra Beor va ke xa ndia, saa chi saa ke xa ra kan ña kuni ra niꞌi ra xuꞌun xaꞌa ña sa ra chiñu kiꞌvi.

Apocalipsis 2:20

Ndi su iyoo va loꞌo ña väꞌa kuni yu xini yu yoꞌo xiꞌin. Saa chi ^taxi kun ndiayu ndaꞌa ñaꞌa ña nani Jezabel ña sandaꞌvi ña na ndikun yuꞌu ña kaka sii na ña yuuvi ra kuaꞌa ni koo tani na, ra sandaꞌvi tu ña na ña kaxi na ñaꞌa ña soko yuvi nuu ndioxi, ña kuu yuu xiꞌin itun va. Ra iin xá kaꞌan ndoso ña tuꞌun yu, ndi su ña maña va kuvi ña.

Judas 1:11

Ra väꞌa vi kee ndia, saa chi taꞌan chiñu ña xa ra Caín ña xaꞌni ra ñani va ra ke ^xa ndia; ra ^xa tu ndia taꞌan chiñu ña xa ra Balaam ña sandaꞌvi ra yuvi ña ndakiꞌin ra xuꞌun va na; ra ta kuꞌva ndoꞌo ra Coré ña ndiꞌi xaꞌa ra, xaꞌa ña ndikandïxa ra ra Moisés kuvi tu ña ndoꞌo ndia ^xa chiñu kiꞌvi kan va ña ndiꞌi xaꞌa ndia.

Hechos 15:29

na käxi ndo kuñu kiti ri soko na nuu naꞌna, xiꞌin nii kiti, xiꞌin kuñu kiti ri ixaꞌna; ra na küsun tiaa xiꞌin na siꞌi tu täan tandaꞌa vaꞌa ndia xiꞌin na, ra saa tu na siꞌi va. Tu na kandixa ndo ña yoꞌo, saa ra vaꞌa ni va sa ndo. Na koo vaꞌa ndo”, kachi na xiꞌin tutu ña kuaꞌan xiꞌin ndia kuaꞌan kan.

Hebreos 13:4

Ra tiaa ndia iyoo yasiꞌi ra na kondiaa yaꞌvi ni na nuu ndia, ra saa tu na siꞌi va na kondiaa yaꞌvi ni yii na nuu na, ra na küsun tiaa xiꞌin inka na siꞌi na küu yasiꞌi ndia, ra na küsun tu na siꞌi xiꞌin tiaa ndia küu yii va na; saa chi yuvi na xïin sa ña kaꞌan tuꞌun yoꞌo, ra niꞌi na tundoꞌo va sa Tata yo Ndioxi.

1 San Pedro 2:8

Ra yoꞌo kuvi tu ña ^xinu nuu tuꞌun Tata yo Ndioxi ña kachi suꞌva va: Ra kuu tu ña iin yuu ña sakakiꞌi yuvi va, ra kuu tu ña iin kava ña sanduva yuvi va. Ra yuvi na ndixïin kandixa tuꞌun Tata yo Ndioxi, ra sakakiꞌi va ña na, saa chi xa saa ndiniꞌi taꞌvi na koo va na.

Hechos 21:25

Ndi su na küu judío na xa ndakundikun Jesús, ra xa tiꞌvi va ndi tutu kuaꞌan nuu na kan, xaꞌa ña kindoo ndi, ña xiniñüꞌu ka kundiꞌi ini xaꞌa ña tiaꞌndia ñii xini kaꞌa ndia tiaa vali seꞌe na, ra ndia ña xiniñuꞌu sa na ke: na käxi na kuñu kiti ri soko na nuu naꞌna, ra nii ni̱i̱ kiti na käxi na, ra nii kuñu kiti ri ixaꞌna na käxi na, ra nii na küsun ndia tiaa xiꞌin na siꞌi tu täan tandaꞌa vaꞌa ndia xiꞌin na ―kachi ndia xiꞌin ra Pablo.

Apocalipsis 22:15

Ndi su chi keꞌe va tu kindoo yuvi na kuu tina, xiꞌin na tuꞌva na kuu na saka, xiꞌin tiaa ndia ^xa siki yasiꞌi, a na siꞌi na ^xa siki yii va tu, xiꞌin na xaꞌni ndii, xiꞌin na kañuꞌu ndioxi ña kuu naꞌna, xiꞌin takundiꞌi na kutoo ní sandaꞌvi yuvi ra ^xa na chiñu kiꞌvi.

Apocalipsis 21:8

Ndi su na iyo, na uvi ini, na xïin kandixa yuꞌu, xiꞌin na kini na ^xa chiñu yakua, xiꞌin na ^xaꞌni, xiꞌin na kíꞌvi xiꞌin ndia ndia ka na siꞌi, xiꞌin na tuꞌva na kuu na saka, xiꞌin na ^kañuꞌu ndioxi ña ku naꞌna, xiꞌin takundiꞌi na kuendo ni, ra takundiꞌi na ^xa chiñu kiꞌvi yoꞌo kuvi na kuꞌun nuu mini ñùꞌù ña ndikavanuu ñuꞌú kaꞌndi xiꞌin, ra yoꞌo ke ndakuvi na ichi ña uvi ―kachi ra xiꞌin yu.

1 Corintios 7:2

Ra ña vaꞌa ni kuvi va ña, ndi su xaꞌa ña iyo ini kiꞌvi tiaa xiꞌin ndia ndia ka na siꞌi, ra sa ndia kuachi xiꞌin na kuvi ña, na koo va yasiꞌi ndia, ra na koo tu ìi̱ na siꞌi va.

San Mateo 18:7

Ra ña ndixa ke ndaꞌvi ni va na ndee nuu ña yuuvi yoꞌo, ña sandaꞌvi na yuvi, ra koyo na ndaꞌa kuachi, chi ña ndixa ke iyoo ni va ña väꞌa nuu ña yuuvi yoꞌo, ra ndia nii na kuchuun ndasi ña, ra ndi ndaꞌvi ni va iin tiaa ra sandaꞌvi yuvi ña sa na kuachi nuu Ndioxi.

Romanos 14:21

Ra ña vaꞌa va ke, na käxi yo kuñu, ra nii na köꞌo tu yo vino va, ra nii na käxi tu yo ndia ndia ka ñaꞌa ña sakakiꞌi, a sandakava, a xa vita ini na ñani yo na ndikun Cristo va.

Romanos 14:13

Ra xaꞌa ña kan ke na käꞌan kiꞌvi ka yo xaꞌa na ñani yo na ndikun Jesús, chi ña xiniñuꞌu sa yo ke na sa nduxa yo, ra na täxi yo koyo va na, ra ndia nii chiñu ña kuvi sandiko ini na ke na sä vi yo.

Apocalipsis 2:4

Ndi su iyoo va iin ña xa kun ra kindöo ini yu xiꞌin ña, chi ta kii xaꞌa, ra ndinuni ni va kuꞌvi ini kun xini kun yuꞌu, ndi su vichin, ra xä ka kun saa.

1 Corintios 1:23

Ndi su nduꞌu, ra xaꞌa Jesucristo ra katakaa na ndaꞌa cruz va ke ^kaꞌan ndoso ndi. Ra ña yoꞌo, ra ña kàꞌàn nuu va kuvi ña tuvi na judío, ra ña köo vaꞌa yaꞌvi ndiaa vi tu kuvi ña kaꞌan ndi tuvi yuvi na küu judío;

Romanos 11:9

Ra ndikaꞌan tu ra rey David va kachi ra suꞌva: Viko ña ndatava na, ra ta iyoo iin yavi ña koyo sana yuvi, a iin ñunu ña tiin kiti va tu, na nduu ña, ra sandiꞌi ña xaꞌa na, ña vaꞌa na sa na chiñu kiꞌvi, ra sandoꞌo Ndioxi na.

Romanos 9:32

¿Ra nichuun ke ndoꞌo na saa tuvi ndo? Saa ndoꞌo na, saa chi ña xa na ke kuni na nduu na ta kuꞌva iyoo yuvi na köo kuachi nuu Ndioxi xaꞌa ña saxinu na ña kaꞌan ndiayu Ndioxi ña ndakoo ra Moisés va, ndi su ndixïndiaa ini vi na mii Ndioxi. Ra xaꞌa ña kan ke kakiꞌi va na xa “yuu ña ^sakakiꞌi yuvi”.