Apocalipsis 19:4 - Mixteco Metlatónoc

⁴ Ra oko kumi saa ndia xikuaꞌa kan, xiꞌin kumi saa ña tiaku kan, ra ndakusiti na ra ndiakua nditiandiaa nuu na ndia nuu ñuꞌú, ña ^ndasakaꞌnu na Ndioxi ra nduꞌu nuu tiayu kaꞌnu kan, ra kaꞌan na kachi na saa: ―¡Saa iyoo va ña! ¡Ra kaꞌnu kuvi Ndioxi! ―^kachi na.

Apocalipsis 19:4 Referans Kwoze

Apocalipsis 5:14

Ra saa ndikaꞌan kumi saa ña tiaku kan ^kachi ña saa: ―¡Ndixa, saa ke iyoo va ña! ―kachi ña. Ra ndakusiti tu oko kumi saa ndia xikuaꞌa kan va, ra ^ndasakaꞌnu ni na ra tiaku ndiaa ndikaa ndikuꞌun.

Apocalipsis 19:1

Te ndiꞌi kuu ña yoꞌo, ra saa xini soꞌo yu ndiee ka vi kaꞌan iin tiꞌvi chee yuvi chi ndivi kachi na saa: ¡Ra kaꞌnu ni kuvi Iva yo Ndioxi! ¡Saa chi sakaku ra yoo! Ra takundiꞌi ña toꞌo, xiꞌin ña kaꞌnu, xiꞌin ndiee, ra kuenda mii Iva yo Ndioxi va kuvi ña.

Apocalipsis 15:7

Ra saa taxi iin ña kumi ña tiaku, ña ndee nuu Ndioxi, iin iin copa ña oro ndaꞌa uxa saa ndia tatun Ndioxi kan, ra iin chitu ndaa ña xiꞌin tundoꞌo ña taxi Ndioxi, ra tiaku iin ndisaa kii, iin ndisaa tiempo.

1 Corintios 14:16

Saa chi tu xiꞌin tuꞌun ña xïni va yo na ndasakaꞌnu ndo Ndioxi, saa ra küvi vi ndataxi na kundäa ini xiꞌin tuꞌun ña kaꞌan ndo tixaꞌvi ndaꞌa Ndioxi xiꞌin ndo, saa chi kundäa ini na ni ñaꞌa ke kaꞌan ndo xaꞌa vi.

San Mateo 28:20

ra na sañaꞌa ndo na, ña na kandixa na takundiꞌi chiñu ña ^xaꞌndia yu nuu ndo. Ra na kundaa ini ndo, saa chi iin ndisaa kii va kuiin yu xiꞌin ndo, ra iin saa ndia te na ndiꞌi xaꞌa ña yuuvi yoꞌo ―*kachi Jesús xiꞌin ndia xitaꞌan xiꞌin ra. Saa koo.

San Mateo 6:13

Ra täxi kun koyo ndi ndaꞌa ña väꞌa; Chi na ndakiꞌin va kun nduꞌu ndaꞌa ña. Chi yoꞌo kuvi ra kaꞌnu xaꞌndia chiñu, ra kuu mii kun ndiee, ra xaꞌndia kun xaꞌa takundiꞌi va ñaꞌa, ndia ndikaa ndikuꞌun. Amén.

Apocalipsis 19:3

Ra saa ndikaꞌan tuku na kachi na saa: ―¡Ra kaꞌnu ni kuu Iva yo Ndioxi! Saa chi iin ndisaa kii iin ndisaa tiempo ke ^kana va iꞌma, ña ^xixi ña ―kachi na.

Apocalipsis 19:6

Ra saa xini soꞌo yu ña níꞌi yuꞌu iin tachi ra iin ta kuꞌva kuu yuꞌu iin tiꞌvi chee yuvi ke kuu, ra iin ta kuꞌva kuu tu ña niꞌi yuꞌu iin nami chee va tu ke kuu; ra iin ta kuꞌva kuu ta koyo taxa va tu ke kuu, ra ^kachi ña saa: ¡Ra kaꞌnu kuvi Iva yo Ndioxi, ra kuu mii takundiꞌi ndiee, saa chi ndakiꞌin ra ña kaꞌndia ra chiñu!