Apocalipsis 18:21 - Mixteco Metlatónoc

²¹ Ra saa kiꞌin iin ra tatun Ndioxi, ra ndaku ni, iin yuu katia chee, ra sakoꞌni ra ña nuu tiañuꞌu, ra ndikaꞌan ra kachi ra saa: ―Iin ta kuꞌva ndakava yuu chee yoꞌo ini tiañuꞌu, ra iin kuꞌva saa ke kuu tu ndiꞌi xaꞌa yoꞌo va ñuu chee kaꞌnu Babilonia, ra ndia nii ka kii küni na yoꞌo.

Apocalipsis 18:21 Referans Kwoze

Apocalipsis 5:2

Ra xini yu iin ra tatun Ndioxi, ra ndaku ni, ra ndiee ka vi ndikaꞌan ra kachi ra saa: ―¿Yoo kuvi na yii, na niniꞌi taꞌvi, ña ndaxí na tuni ña nuꞌni toko tutu yoꞌo, ra ndakani na ña? ―^kachi ra.

Apocalipsis 20:11

Ra saa xini yu iin tiayu kaꞌnu, tu yaa, ra Ndioxi va kuvi ra nduꞌu nuu nu, ra ñuꞌú xiꞌin ndivi, ra ndindoñuꞌu ndiꞌi va ña, ra ndia nii nuu ndixiyo ka ña ke, ndixïi ñaꞌa ka vi.

Apocalipsis 18:22

Ra ndia nii ka tu kii sakäꞌa na arpa, ra nii tiyoo tïvi ka na, ra nii na tivi xiꞌin na xita, ra tïvi ka na yaa yaꞌya kaꞌnu ña kuu mii kun, ra ndia nii ka tu na xachiñu ndia ndia ka chiñu, köo ka, ra nii yuu ka̱tia̱ ña ndiko ñaꞌa käꞌa ka tu yuꞌu va.

Apocalipsis 16:20

Ra takundiꞌi iku vali ña ñúꞌu niꞌni ini tiañuꞌu, xiꞌin xiki naꞌnu ra nindoñuꞌu ndiꞌi va ña.

Apocalipsis 12:8

Ra ko̱o̱ ñàꞌa kan xiꞌin na ^itaꞌan xiꞌin ri, ra ndikuchüun ri chi ndiꞌi va xaꞌa ri, ra ninïꞌi ka ri nuu koo ri ndivi xiꞌin na ^itaꞌan xiꞌin ri.

Apocalipsis 18:10

Ra xaꞌa ña yuꞌvi na kunaꞌnu kan koko na xiꞌin ñuu Babilonia ke kuita xika va na, ra kaꞌan na kachi na saa: ―¡Ndaꞌvi ni ñuu chee kaꞌnu Babilonia, ndaꞌvi ni ña! Chi ndaku ni ndixiyo ña, ra iin kama suꞌva va ndiꞌi xaꞌa ña xa Ndioxi ―kachi na.

Apocalipsis 10:1

Ra saa xini yu inka tuku ra tatun Ndioxi, ra ndaku ni, ra kee ra ndivi vaxi nuu ra, ra iin ndixi níí ra viko, ra íin iin chilanki xini ra, ra iin ta kuꞌva yeꞌe ñuꞌù saa yeꞌe nuu ra; ra xaꞌa ra, ra iin ta xa ñùꞌù te iin ndukuiin ndukuiin ña, ña xixi ña, saa íin xaꞌa ra.