Apocalipsis 18:15 - Mixteco Metlatónoc

¹⁵ Ra takundiꞌi yuvi na ndixiko ñaꞌa nuu ña, ra ndukuika na xa ña, ra ndia xika xika va kuita na, xaꞌa ña iyuꞌvi na nuu tundoꞌo ña ^ndoꞌo ña. Ra kusuchi ni ini na xaꞌa ña ra kuaku ni na.

Apocalipsis 18:15 Referans Kwoze

Apocalipsis 18:3

Saa chi ñuu Babilonia yoꞌo, ra sakuaꞌa ña takundiꞌi ñuu naꞌnu, ña iyoo nuu ña yuuvi ña sa ña chiñu yakua ña xa ña, takuu ña xindikun ña ndioxi ña kuu yuu xiꞌin itun; ra saa sakuaꞌa tu ña takundiꞌi na rey va; ra takundiꞌi na ixiko ra ndiakua ndukuika na xa ña xiꞌin takundiꞌi ña sa̱ví ña sata ña nuu na ―*kachi ra tatun Ndioxi kan.

Hechos 16:19

Ra ta kundaa ini na xitoꞌo ñaꞌa kan, ña küvi ka sakanaa na xuꞌun xiꞌin ña, saa ra tiaa ni ndisaa na ra tiin na ra Pablo xiꞌin ra Silas ra saa ndakundiaka na ndia ndixaa na xiꞌin ndia nuu na chiñu, yeꞌe chiñu kaꞌnu.

San Marcos 11:17

Saa xaꞌa ra ndakani ra nuu na kachi ra saa: ―Suꞌva kachi tuꞌun Ndioxi ña ndatiaa na xinaꞌa: “Veꞌe yu, ra veꞌe nuu kaꞌan takundiꞌi na yuvi xiꞌin Ndioxi va kunani ña.” Chin saa kachi tuꞌun Ndioxi. Su ndi ndoꞌo ra kava nuu ndakuitaꞌan na kuiꞌna va ndasa ndo ña ―kachi ra xiꞌin na.

Apocalipsis 18:12

Saa chi ñuu Babilonia kuvi ña sata takundiꞌi yuu yaꞌvi ña kuu oro, xiꞌin plata, xiꞌin yuu nduvi ni, xiꞌin yuu yaa ña yaꞌvi ni, xiꞌin tikoto vaꞌa ña yaꞌvi ni, xiꞌin takundiꞌi itun tu nduvi ni xaꞌan tami, xiꞌin takundiꞌi itun tu vaꞌa ni túxi, ra vaꞌa xavaꞌa na ndia ndia ka ñàꞌà xiꞌin nu, xiꞌin takundiꞌi nuu itun tu nduvi ni, xiꞌin kaa ña nani bronce, xiꞌin kaa ña nani hierro, xiꞌin yuu ña nduvi ni ña nani marmol,

Apocalipsis 18:13

ra saa tu ndakua itun ña nani canela va, xiꞌin takundiꞌi ñaꞌa ña nduvi ni xaꞌan, xiꞌin xuxa vaꞌa, xiꞌin ndutia xaꞌan tami, xiꞌin takundiꞌi xuxa ña nduvi ni xaꞌan, xiꞌin vino, xiꞌin aceite, xiꞌin harina ña vaꞌa, xiꞌin trigo, xiꞌin takundiꞌi nuu kiti, takuu sindiki, xiꞌin ndikachi, xiꞌin kuayu, xiꞌin itun tu tivi xaꞌa kañuꞌu kiti, ra ndia yuvi na xachiñu ndaꞌvi va kuvi na ndasata ña.

Apocalipsis 18:14

Ra ka̱ꞌa̱n yuvi kan kachi na saa xiꞌin ñuu Babilonia: ―Ndaꞌvi ni kun saa chi takundiꞌi ñàꞌà ña kutoo ni kun, ra köo ka ña; chi vichin ra xa nindoñuꞌu takundiꞌi va ña sa̱ví ña ndixiyo nuu kun, xiꞌin ña kuika; ra ndia nii ka kii köo ka ña nuu kun ―kachi na.

Apocalipsis 18:19

Saa ra sandaa na yaka xini na, ra xaꞌa na ndaꞌyu na, ra xaku na, ra kusuchi ka vi ini na kachi na saa: ―Ndaꞌvi ni ñuu chee yoꞌo, chi ña yoꞌo ke ndasakuika takundiꞌi na iyoo barca tu xika nuu tiañuꞌu xiꞌin ña kuika ña ndixiyo nuu ña, ra vichin ra iin kama suꞌva va ndiꞌi xaꞌa ña nindoñuꞌu ña ―^kachi na.