Apocalipsis 18:14 - Mixteco Metlatónoc

¹⁴ Ra ka̱ꞌa̱n yuvi kan kachi na saa xiꞌin ñuu Babilonia: ―Ndaꞌvi ni kun saa chi takundiꞌi ñàꞌà ña kutoo ni kun, ra köo ka ña; chi vichin ra xa nindoñuꞌu takundiꞌi va ña sa̱ví ña ndixiyo nuu kun, xiꞌin ña kuika; ra ndia nii ka kii köo ka ña nuu kun ―kachi na.

Apocalipsis 18:14 Referans Kwoze

1 Corintios 10:6

Ra xiꞌin ña ndoꞌo na kan ke na sakuaꞌa yo, ña vaꞌa na küni sii yo sa yo chiñu yakua taꞌan ña xa na kan xiꞌin taꞌan na.

Santiago 4:2

Ta kuu ña ndukuini ini ndo kuni ndo koo takundiꞌi ñaꞌa nuu ndo, ra xaꞌa ña küvi niꞌi ndo ña, ra xaꞌa ndo kanitaꞌan ndo xiꞌin taꞌan va ndo, ra ndia xaꞌni taꞌan va ndo xaꞌa ña. Ndi su ni saa chi nïꞌi vi ndo ña, saa chi kuëe vii nduku ndo ña nuu Tata yo Ndioxi.

San Lucas 16:25

Ra saa ndakuiin ra Abraham kachi ra saa: “Na ndakaꞌan kun, chi ta ndixiyo kun ña yuuvi, ra vaꞌa ni va ndixiyo kun, saa chi ndixiyo ndiꞌi va ñaꞌa ña kuni kun. Ndi su ra Lázaro, ra ndoꞌo ni va ini ra yoꞌo. Ra vichin ra vaꞌa ni va kee ra, ra yoꞌo tu ndoꞌo ni ini va.

San Lucas 12:20

Ndi su Ndioxi ra suꞌva va tu kachi ra xiꞌin ra: “Ra kiꞌvi kuvi yoꞌo, chi ñuu vichin va kuvi kun. Ra takundiꞌi ñaꞌa, ña chuvaꞌa kun, ra inka va na kuxi ña”, kachi Ndioxi xiꞌin ra kuika kan ―kachi Jesús xiꞌin na.

San Mateo 11:8

Ra tu süvi saa kaa ra, ¿ra ndixaa ke kaa tiaa ra ndixaa ndo xini ndo? ¿A xini ndo iin tiaa ra ndixi tikoto vaꞌa ña yaꞌvi? Ra xa kundaa va ini ndo chi na ndixi tikoto vaꞌa, ña savi, ra vaꞌa ni va iyoo na kan, chi veꞌe vaꞌa nuu ndee na rey va ndee na.

Apocalipsis 18:13

ra saa tu ndakua itun ña nani canela va, xiꞌin takundiꞌi ñaꞌa ña nduvi ni xaꞌan, xiꞌin xuxa vaꞌa, xiꞌin ndutia xaꞌan tami, xiꞌin takundiꞌi xuxa ña nduvi ni xaꞌan, xiꞌin vino, xiꞌin aceite, xiꞌin harina ña vaꞌa, xiꞌin trigo, xiꞌin takundiꞌi nuu kiti, takuu sindiki, xiꞌin ndikachi, xiꞌin kuayu, xiꞌin itun tu tivi xaꞌa kañuꞌu kiti, ra ndia yuvi na xachiñu ndaꞌvi va kuvi na ndasata ña.

Apocalipsis 18:15

Ra takundiꞌi yuvi na ndixiko ñaꞌa nuu ña, ra ndukuika na xa ña, ra ndia xika xika va kuita na, xaꞌa ña iyuꞌvi na nuu tundoꞌo ña ^ndoꞌo ña. Ra kusuchi ni ini na xaꞌa ña ra kuaku ni na.