Apocalipsis 16:17 - Mixteco Metlatónoc

¹⁷ Ra saa kosondiee ra tatun Ndioxi, ra uxa kan, copa ña ^niꞌi ra sata tachi, ra saa ndiee ka vi ndikaꞌan iin tachi ini veꞌe ñuꞌu ña ndichi ndivi, nuu íin tiayu nduꞌu Ndioxi, kachi ña saa: ―Xa ndixinu ndiꞌi va chiñu ―*kachi ña.

Apocalipsis 16:17 Referans Kwoze

Apocalipsis 21:6

Ra saa ndikaꞌan ka ra xiꞌin yu, kachi ra saa: ―Xa ndixinu nuu takundiꞌi va ña. Yuꞌu kuvi ra nuu, ra yuꞌu kuvi tu ra ndia nuu ndiꞌi va, ra yuꞌu kuvi ra kii xaꞌa, ra yuꞌu kuvi tu ra ndia kii ndiꞌi va. Ra na íchi̱ ini, ra ndia mii nuu kana tiakuii vaꞌa, ra ^taxi ña kutiaku na ke taxi yu koꞌo na ra, ra köo yaꞌvi ra.

San Juan 19:30

Ra te ndiꞌi xiꞌi Jesús ndutia iyá kan, ra saa ndikaꞌan ra, kachi ra saa: ―Xa saxinu yu nuu takundiꞌi va chiñu ―*kachi ra. Ndia saa ra nduviko sukun ra, ra ndixiꞌi va ra.

Efesios 2:2

ña xa ndo, ra chiñu ña ^xa na yuuvi yoꞌo va kuvi ña xa ndo, ra xa tu ndo chiñu ña kuni ri kuchee, ri xaꞌndia chiñu nuu takundiꞌi tachi ndivaꞌa, ri taxi xini yuvi ña xïin na kandixa na Ndioxi va.

Efesios 6:12

Saa chi yoo, ra süvi xiꞌin yuvi taꞌan yo ke kanitaꞌan yo, chi xiꞌin tachi ndivaꞌa va ke kanitaꞌan yo, ra saa tu xiꞌin mii ña ndivaꞌa ña kuchee xaꞌndia chiñu nuu ña yuuvi ñaa yoꞌo va, ra kanitaꞌan tu yo xiꞌin ndiee ndivaꞌa ña iyoo nuu sukun va.

Apocalipsis 16:1

Ra saa xini soꞌo yu ña ndiee ka vi ndikaꞌan iin tachi ndia ini veꞌe ñuꞌu kan, xiꞌin uxa saa ndia tatun Ndioxi kan, kachi ña saa: ―Kuaꞌan ndo ra kosondiee ndo uxa saa copa ña ndoꞌni tundoꞌo ñàꞌa, ña ^taxi Ndioxi nuu ña yuuvi ―kachi ña.

Apocalipsis 14:17

Ra saa kanata inka tuku ra tatun Ndioxi ini veꞌe ñuꞌu ña ndichi ndivi, ra ^niꞌi tu ra kan va iin i̱chi̱ ndiakua ña ndi̱kó ni yuꞌu.

Apocalipsis 14:15

Saa kanata inka tuku ra tatun Ndioxi ini veꞌe ñuꞌu, ra ndiee ka vi ndikaꞌan ra xiꞌin ra nduꞌu nuu viko yaa kan kachi ra saa: ―Xa vaꞌa va, na xaꞌa kun sakee kun xiꞌin ichi ndiakua kun, chi xa ndixaa va tiempo ña ndakaya ñaꞌa tata ña iyoo nuu ñuꞌú, saa chi xa ndixinu va ña ―*kachi ra.

Apocalipsis 11:19

Ra saa ndanuña veꞌe ñuꞌu Ndioxi ña ndichi ndivi, ra ini veꞌe ñuꞌu kan tuvi íin xatun yii nuu ñúꞌu tutu yii ña kuu ndiayu Ndioxi ña kindoo ra xiꞌin na. Ra saa xaꞌa koyo taxa, ra iin niniꞌi kuu, ra iin kaꞌndi kuu kani savi, ra ndiee ka vi nditaan, ra ku̱u̱n ní tu nduu ñíꞌi va.

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.