Apocalipsis 15:4 - Mixteco Metlatónoc

⁴ Ra takundiꞌi yuvi ra ^xatoꞌo va na yoꞌo, Tata Ndioxi, ra ^ndasakaꞌnu na yoꞌo, saa chi indaa yoꞌo va kuvi ra yii. Ra takundiꞌi na kee ñuu naꞌnu, ra nuu yoꞌo ke kixi va na ña ndasakaꞌnu na yoꞌo, saa chi ^xini na ña kuu kun ra ndakú ^kachi na ^xita na.

Apocalipsis 15:4 Referans Kwoze

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

Apocalipsis 14:7

Ra ndiee ka vi ^kaꞌan ra kachi ra saa: ―Yuꞌvi ini ndo kuni ndo Ndioxi ra ndasakaꞌnu ndo kivi ra, chi vichin ke xa ndixaa kii ña sandaku ra kuachi xiꞌin na yuuvi, ra na ndasakaꞌnu ndo ra, chi ra yoꞌo kuvi ra xavaꞌa ndivi, xiꞌin ñuꞌú, xiꞌin tiañuꞌu, xiꞌin nuu kana tiakuii ―^kachi ra tatun kan.

Apocalipsis 4:8

Ra kumi saa ña tiaku kan, ra iyoo ìñu̱ ndixin ta mituꞌun, ta mituꞌun ña, ra tiaa ni kuaꞌa kuvi nduchi nuu ña chi iyoo ña chi sata ndixin ña, ra iyoo tu ña chi tixi ndixin va ña; ra nii xikutüvi ña ña kaꞌan ña, chi iin ñuu kaꞌñu va kaꞌan ña kachi ña saa: ¡Ra Yii, Ra Yii, Ra Yii kuvi Tata yo Ndioxi ra kuu mii takundiꞌi ndiee, Ra xa iyoo te yachi, Ra iyoo vichin, Ra kixi kii ña vaxi!, kachi ña.

1 San Pedro 1:16

Ra saa ke ^kachi tu tuꞌun Tata yo Ndioxi ña kachi suꞌva va: “Na yii na kuu ndo, saa chi yuꞌu ra ra yii va kuvi yu”, kachi ña.

Apocalipsis 16:7

Ra saa xini soꞌo yu ndikaꞌan inka tuku ra tatun Ndioxi, ndia nuu altar yii kan kachi ra saa: ―Ña ndixa ni kuvi va ña, Tata Ndioxi, ra kuu mii takundiꞌi ndiee, saa chi tundoꞌo ña ^taxi kun ra ña ndaku ni va kuvi ña, chi mii ña ndaa va ^xa kun xiꞌin na xaꞌa kuachi na ―*kachi ra.

Apocalipsis 19:2

Saa chi iin ta iyoo mii kuachi na, saa iyoo ña xa Ndioxi xiꞌin va na, saa chi taxi ra tundoꞌo ndaꞌa ñuu chee kaꞌnu ña ^kuu ñaꞌá koko, ña xa yakua ña yuuvi xiꞌin chiñu yakua ña xa ña, ra Ndioxi va kuvi ra sandiꞌi xaꞌa ña, xaꞌa ña xaꞌni ña na xachiñu nuu ra, ^kachi na.

Romanos 15:9

Ra kixi tu ra, ña vaꞌa na ndasakaꞌnu yuvi na küu judío va Tata yo Ndioxi, xaꞌa ña kundaꞌvi ini ra xini ra na, ta kuꞌva kachi mii tuꞌun Ndioxi ña tiaa na xinaꞌa, ña kachi suꞌva va: Tata Ndioxi, ndia tiañu yuvi na xïni yoꞌo va ndasakaꞌnu yu yoꞌo, ra kata tu yu yaa yii nuu va kun, kuni na, ^kachi ña.

Apocalipsis 6:10

Ra ndiee ka vi ^kaꞌan na ^kachi na saa: ―Tata Ndioxi, Ra Yii, Ra Ndixa, ¿ama vi ke sandaku kun kuachi xiꞌin na iyoo nuu ña yuuvi, ra sandoꞌo kun na xaꞌa ña xaꞌni na nduꞌu? ―^kachi na.

Apocalipsis 3:7

’Ra vichin tiaa tu tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Filadelfia, ra suꞌva ke kachi kun xiꞌin ra: “Ra Yii, ra Ndixa, ra niꞌi yave ña kuu mii ndiee ta kuꞌva ndixiyo ra rey David, ra ^ndakuña yeꞌe ra ndia nii na kuchüun ndasi ña; ra ^ndasi yeꞌe, ra ndia nii tu na kuchüun ndakuña va ña, kuvi ra kachi suꞌva:

Apocalipsis 16:5

Ra saa xini soꞌo yu ña ndikaꞌan ra tatun Ndioxi ra kosondiee copa nuu tiakuii kan, ra kachi ra saa: ―Ra vaꞌa kuvi yoꞌo Tata, ra yoꞌo kuvi ra xa tiaku ta yachi, ra tiaku kun vichin va, ra ra yii kuvi kun, saa chi xayukun kun kuachi xiꞌin na yuuvi

Apocalipsis 19:8

Ra taxi Ndioxi ndiayu ndaꞌa na veꞌe ñuꞌu ña ná ndakundixi na tikoto ña vaꞌa ni, ña yaa, ña yeꞌe, ra tikoto vaꞌa ña yaa yoꞌo kuvi chiñu vaꞌa, ña ^xa na yii, na kuu ñuu Ndioxi, kachi tachi kan.