Apocalipsis 14:6 - Mixteco Metlatónoc

⁶ Ra saa xini yu inka tuku ra tatun Ndioxi, ra ^ndachi ra ^xika ra nuu ndivi, ra ^niꞌi ra tuꞌun Ndioxi ña kuëe ndiꞌi xaꞌa. Ra kaꞌan ndoso ra ña nuu takundiꞌi yuvi na ndee nuu ñuꞌú: na ndee ñuu naꞌnu, xiꞌin nuu takundiꞌi yuvi, xiꞌin nuu na kaꞌan ndia ndia ka nuu tuꞌun, xiꞌin nuu na ndee takundiꞌi ñuu.

Apocalipsis 14:6 Referans Kwoze

San Marcos 16:15

Saa ndikaꞌan ra xiꞌin ndia kachi ra saa: ―Kuaꞌan ndo iinii kuvi ña yuuvi ra kaꞌan ndoso ndo tuꞌun vaꞌa, tuꞌun Ndioxi nuu iin takundiꞌi na yuvi.

Apocalipsis 8:13

Ra saa xini yu ^ndachi iin ra tatun Ndioxi ^xika ra maꞌñu ndivi, ra ndiee ka vi kaꞌan ra ^kachi ra saa: ―Ndaꞌvi ni ndoꞌo, ndaꞌvi ni ndoꞌo, ndaꞌvi ni ndoꞌo, na ndee nuu ñuꞌú, te na tivi na tatun Ndioxi, na uni, na kumani ka tivi itun tu niꞌi na ―^kachi ra.

Apocalipsis 3:10

Ra xaꞌa ña kandixa ni kun tuꞌun yu, ña kuëe ndiko ini kun ke kondiaa tu yuꞌu va yoꞌo nuu tundoꞌo, ña vaxi nuu iinii saa ña yuuvi yoꞌo, ña kotondoso ña takundiꞌi na ndiee ni ini.

Romanos 16:25

Ra na ndasakaꞌnu yo Tata yo Ndioxi, ra kuvi chindiee taꞌan xiꞌin ndo ña vaꞌa tuun ni na kundikun ndo tuꞌun vaꞌa xaꞌa Jesucristo, ña ndatuꞌun yu xaꞌa xiꞌin ndo. Saa chi xiꞌin ña yoꞌo ke ndañaꞌa Ndioxi chiñu ra ña ndixiyo seꞌe ta kumani ka kukava xaꞌa ña yuuvi va,

2 Tesalonicenses 2:16

Ra mii Tata yo Jesucristo xiꞌin Tata yo Ndioxi kuvi ra kuꞌvi ni ini xini yoo xiꞌin ña ndaꞌvi ini ña kuu mii ra, ra taxi ra tuꞌun ndiee ini ña kuëe ndiꞌi xaꞌa ndaꞌa yo, ra ndiniꞌi tu yo iin ña vaꞌa, ña kuu ña ndiaa ini va yo ra.

Apocalipsis 13:7

Ra ndakiꞌin tu ri ndiayu ña kanitaꞌan ri xiꞌin na yii na kuu ñuu Ndioxi, ra ndiakua ña kuchuun ri xiꞌin na kuvi ña, ra ndakiꞌin tu ri ndiayu ña kaꞌndia ri chiñu nuu takundiꞌi va nuu na yuvi, xiꞌin nuu takundiꞌi ñuu, xiꞌin nuu na kaꞌan ndia ndia ka nuu tuꞌun, xiꞌin nuu takundiꞌi ñuu naꞌnu ña iyoo nuu ña yuuvi.

Hebreos 13:20

Ra nuu Tata yo Ndioxi ra sandatiaku Tata yo Jesucristo kuvi ña nduku ni yu ña vaꞌa xaꞌa ndo, saa chi ra kan kuvi ra taxi ña vaꞌa, ra Tata yo Jesucristo kuvi ra ndiaa yoo, ta kuꞌva xa iin ra vivii ndiaa ndikachi, ra suvi mii ra kuvi tu ra kindoo iin ña xaa ña kuëe ndiꞌi xaꞌa xiꞌin va yo xaꞌa nii ra ña ndixitia ndika cruz,

Colosenses 1:23

ra ña vaꞌa na xaa ndo nuu Ndioxi, ra ña xiniñuꞌu va kuvi ña ndaku ni na koo nima ndo, ña kundikun ndo Tata yo Jesucristo, ña vaꞌa na ndaköo ndo tuꞌun vaꞌa xaꞌa Tata yo Jesucristo ña xini soꞌo ndo. Ra tuꞌun vaꞌa yoꞌo, ra xa iinii kuvi va nuu ña yuuvi xini soꞌo na ña, ra suvi kuvi tu ña kaꞌan ndoso yuꞌu, ra Pablo va.

San Mateo 10:27

Ña kan ke, tuꞌun ña kaꞌan seꞌe yu xiꞌin ndo, ra na kaꞌan tuvi va ndo ña xiꞌin na, ra na kundaa ini na xaꞌa ña; ra tuꞌun ña kaꞌan yaa tu yu xaꞌa soꞌo ndo, ra na ndaa ndo ndia chi xini veꞌe kundita ndo ra kaꞌan ndoso ndo ña, ra na kuni soꞌo takundiꞌi va yuvi.

Apocalipsis 10:11

Ra saa ndikaꞌan tuku ra xiꞌin yu kachi ra saa: ―Xiniñuꞌu na ndatuꞌun tuku va kun xaꞌa ña sa Ndioxi xiꞌin takundiꞌi yuvi, xiꞌin na kaꞌan ndia ndia ka nuu tuꞌun, xiꞌin na kunaꞌnu, xiꞌin takundiꞌi na ndee ñuu naꞌnu ―kachi ra xiꞌin yu.

1 San Pedro 1:25

Ndi su tuꞌun Tata yo Ndioxi ra ndia ndikaa ndikuꞌun va ke koo ña. Ra tuꞌun yoꞌo kuvi ña kuu tuꞌun vaꞌa ña kaꞌan xaꞌa Tata yo Jesucristo ña xini soꞌo va ndo.

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

Apocalipsis 10:7

chi te na xaꞌa ra tatun Ndioxi ra uxa kan, ña tivi ra, itun tu tivi ra, saa ra ndikun saxinu va Ndioxi nuu chiñu ra, ña iyoo se̱ꞌè, ta kuꞌva kachi ra xiꞌin na ndikaꞌan tuꞌun ra, na ndixika chiñu nuu ra xinaꞌa ―kachi ra tatun Ndioxi kan.