Apocalipsis 14:4 - Mixteco Metlatónoc

⁴ Ra na yoꞌo, ra na ndixayäkua mii xiꞌin na siꞌi kuvi na; ra ^ndikun na sata ndikachi loꞌo xika na ndia ndia ka mii nuu kuaꞌan va ri. Ra xaꞌa na yoꞌo ke chaꞌvi ndikachi loꞌo yoꞌo mii ri, ña kan ke vaꞌa nduu na ta kuꞌva iyoo kuiꞌi nuu ña ^soko na nuu Ndioxi xiꞌin nuu Jesucristo ra kuu ndikachi loꞌo.

Apocalipsis 14:4 Referans Kwoze

Apocalipsis 3:4

Ndi su ñuu Sardis ñaa, ra iyoo va loꞌo yuvi na täan sayakua tikoto ña ndixi na, ra na ñaa kuvi na kuu mii ndiayu ña kundixi na tikoto ña yaa, ra kitaꞌan na kaka na xiꞌin yu, ra ña yoꞌo ke niꞌi taꞌvi na kuu yaꞌvi va na.

2 Corintios 11:2

Ra na kundaa ini ndo, chi tiaa ni va ndiꞌi ini yu xaꞌa ndo, ra mii va Ndioxi kuvi ra ^taxi ña ndiꞌi ini yu xaꞌa ndo; saa chi yuꞌu kuvi ra kindoo ña ndataxi yu ndoꞌo ndaꞌa iin tiaa ra tandaꞌa ndo xiꞌin, ra tiaa kan kuvi Cristo va, ra ña kuni yu ke ndataxi yu ndoꞌo ndaꞌa Cristo, ta kuꞌva iyoo iin ña loꞌo kuaan tiaki, ña täan kiꞌvi xiꞌin ndia nii tiaa.

Santiago 1:18

Ra xaꞌa ña kuni mii ra kuvi tu ña ndasa xaa ra nima yo xiꞌin tuꞌun, ña ndaa ña taxi ra xini soꞌo va yo, ra yoo kuvi na iyoo ta kuꞌva iyoo kuiꞌi ña nuu vaꞌa, ra xiꞌna ka yoo kuvi na ndasaxaa ra nuu takundiꞌi ñaꞌa ña xavaꞌa ra iyoo nuu ña yuuvi yoꞌo.

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

San Juan 12:26

Ra tu ndia na xiin sachiñu ndaꞌvi nuu yu, ra xiniñuꞌu na kundikun na yuꞌu va, ra nuu koo yu ke koo tu na xachiñu ndaꞌvi nuu va yu, ra ndia ndia ka na ^xachiñu ndaꞌvi nuu yu, ra satoꞌo va Tata yu na.

San Juan 10:27

Ra ndikachi vali sana yu, ra xini va soꞌo ri ña kaꞌan yu xiꞌin ri, ra xini tu mii va yu ri, ra ndikun tu ri yuꞌu va.

Apocalipsis 17:14

Ra saa xaꞌa ndia kanitaꞌan ndia xiꞌin Jesucristo ra kuu ndikachi loꞌo; ndi su Jesucristo ra kuu ndikachi loꞌo, ra kuchuun va ra ña sakanaa ra nuu ndia rey kan xiꞌin nuu kiti chee ñàꞌa kan, saa chi Jesucristo ra kuu ndikachi loꞌo yoꞌo kuvi ra kuu rey ra kuchee nuu takundiꞌi va na rey, ra ra yoꞌo kuvi tu ra kuchee nuu takundiꞌi na kunaꞌnu va. Ra na itaꞌan xiꞌin ra kuvi yuvi na kana ra, na ndikaxin ra, na ndinuni ni ini ndikun sata ra ―*kachi ra tatun Ndioxi kan xiꞌin yu.

1 Corintios 6:20

Saa chi Ndioxi va kuvi ra ndasata ña, ra yaꞌvi ni va chaꞌvi ra ña. Ra xaꞌa ña kan ke na ndasakaꞌnu yo Ndioxi xiꞌin iki kuñu yo, ra saa tu xiꞌin nima va yo, saa chi kuenda ra kan kuvi uvi saa va ña.

San Juan 8:12

Ra saa ndikaꞌan tuku Jesús xiꞌin yuvi kan, kachi ra saa: ―Yuꞌu kuvi ra kuu ñùꞌù ña tuun nuu ña yuuvi yoꞌo, ra yuvi na ndikun yuꞌu ra käka na nuu ñaa, saa chi ñùꞌù ña taxi ña kutiaku yuvi va ke koo nuu na ―kachi ra xiꞌin na.

1 San Pedro 2:9

Ndi su ndoꞌo, ra xa siin va iyoo ndo, saa chi mii va Tata yo Ndioxi kuvi ra ndikaxin ndoꞌo ña kuu ndo ndiseꞌe ra, ra kuu tu ndo sutu na ndinuni ni xachiñu nuu Tata yo Jesucristo, ra kuu rey va, ra kuu tu ndo iin ñuu yii ña kuu kuenda mii Tata yo Ndioxi va. Ra mii va Tata yo Ndioxi kuvi ra ndatava ndoꞌo nuu ñaa nuu xindoꞌni ndo, ra ndachindee ra ndoꞌo nuu iyoo ñùꞌù ña yeꞌe ña kuu mii ra, ña nduvi ni, ra ña ndatava ra ndoꞌo nuu ñaa, ra xaꞌa ña na kaꞌan ndo ^xiꞌin inka yuvi xaꞌa ña kaꞌnu ña ^xa va ra kuvi ña.

Efesios 1:14

Ra Tachi Yii Ndioxi ña iyoo nima va yo kuvi ña kaꞌan xiꞌin yo, ña ndixa ke ndakiꞌin va yo ñaꞌa ña kindoo ra taxi ra ndaꞌa yo, ta xa na sandiꞌi ra, ña saña ndika ra takundiꞌi yuvi na kuu kuenda mii ra. Ra xaꞌa ña xa Ndioxi takundiꞌi ña yoꞌo, ra xiniñuꞌu na ndasakaꞌnu yo kivi va ra.

1 Corintios 16:15

Ra xa kundaa va ini ndo, ñani yo, saa chi na veꞌe ra ñani yo Estéfanas, na ndee chi Acaya kuvi na nuu vaꞌa kandixa tuꞌun vaꞌa xaꞌa Tata yo Jesucristo, ra xaꞌa na xachiñu na ña chindiee taꞌan na xiꞌin na ñani yo, na ndikun Tata yo Jesucristo.

Hechos 20:28

Ra na kondiaa ni ka ndo mii va ndo, ra saa tu na veꞌe ñuꞌu va, saa chi ndoꞌo kuvi ndo ndikaxin Tachi Yii ña kiꞌin ndo kuenda xiꞌin na veꞌe ñuꞌu Tata yo Jesús, na ndasata ra xiꞌin nii ra.

San Juan 13:37

Ra saa ndikaꞌan ra Pedro xiꞌin ra kachi ra saa: ―Tata, ¿nichuun ke küvi kuꞌun yu xiꞌin kun vichin? Chi yuꞌu, ra xa iyoo nduvi va yu ña kuvi yu xaꞌa kun ―kachi ra.

San Mateo 25:1

Saa ndikaꞌan Jesús iin tuꞌun ndichi xiꞌin ndia itaꞌan xiꞌin ra kachi ra saa: ―Ta kuꞌva ndoꞌo uxi na siꞌi vali kuaan, saa ke ^kuu, xiꞌin ichi nuu xaꞌndia Ndioxi chiñu. Na siꞌi vali kuaan na uxi kan, ra kiꞌin na ñaꞌa, nuu ñúꞌu ndutia xaꞌan ra kutuun nuu na, ña vaꞌa kuꞌun na ndakiꞌin na ra tandaꞌa kan.

San Mateo 8:19

Ra saa ndixaa iin ra maestro sañaꞌa ley Ndioxi ña ndakoo ra Moisés, ra ndikaꞌan ra xiꞌin Jesús kachi ra saa: ―Tata Maestro, ndia ndia ka mii nuu na kuꞌun va kun, ra kuꞌun yu xiꞌin va kun ―kachi ra.

1 Timoteo 4:3

Ra ña sa yuvi maña kan ke täxi vi na tandaꞌa yuvi, ra nii täxi tu na ña kaxi na sava ñaꞌa ña xavaꞌa Tata yo Ndioxi va; ra xa kundaa va ini yo, chi yoo na ndikun Tata yo Jesucristo na xa kundaa ini xaꞌa tuꞌun ra, ra kuvi va kaxi yo ña, ra ña xiniñuꞌu sa yo ke ndataxi yo tixaꞌvi ndaꞌa ra xaꞌa va ña.

1 Corintios 7:28

Ra tu kuni va tu ndia ñani yo ndia kuaan tandaꞌa ndia, saa ra na tandaꞌa va ndia, saa chi süvi kuachi vi kuvi ña; ra tu kuni tandaꞌa tu na kuꞌva yo na kuaan, saa ra na tandaꞌa va na, saa chi süvi kuachi vi kuvi ña. Ndi su na ^tandaꞌa, kii ña iyoo tundoꞌo vichin, ra ^ndoꞌo ni va na, ra xaꞌa ña küni yu ndoꞌo va na kuvi ña kaꞌan yu xiꞌin na.

San Mateo 19:12

Ra ña yuuvi yoꞌo ra iyoo sava na, ra tandäꞌa na chi te ñuꞌu na tixi siꞌi vi na ke niniꞌi taꞌvi na ña koo na saa, ña kan ke tandäꞌa na, ra sava tu na, ra na yuuvi yoꞌo va kuvi na xaꞌndia ñaꞌa, ña kan ke tandäꞌa ka na, ra sava tu na ra nii vaꞌa va na, ndi su xaꞌa ña kuni na sachiñu na nuu Ndioxi va ke tandäꞌa ka na. Ra na kiꞌin kuenda kuchuun koo na saa, ña tandäꞌa na, saa ra saa na koo va na ―kachi Jesús xiꞌin ndia.

Efesios 5:27

Ra ña xa ra saa xiꞌin yo, ra ña vaꞌa na kuu yo iin veꞌe ñuꞌu ña iin yeꞌe yeꞌe kaa ta xa na xaa yo nuu va ra kuvi ña, ra ndia ni loꞌo tu yakua, xiꞌin ndia ndia ka ña väꞌa na küu mii yo, chi na yii va ke na kuu yo kuni ra.

Hebreos 12:23

ndakutaꞌan ña ^ndasakaꞌnu na ra. Ra kuyachin tu ndo nuu ndee na veꞌe ñuꞌu Tata yo Ndioxi na ndikaꞌyu kivi ndivi, na kuu na nuu vaꞌa ndakundikun ichi ra. Ra kuyachin tu ndo nuu nduꞌu Tata yo Ndioxi, ra ^xa ndaku kuachi xiꞌin takundiꞌi yuvi va, ra saa tu nuu ndee na vaꞌa na xa ndixiꞌi va,

Apocalipsis 21:22

Ra köo veꞌe ñuꞌu ndichi ñuu kan ndixini yu, saa chi Tata yo Ndioxi ra kuu mii takundiꞌi ndiee va kuvi ra kuu veꞌe ñuꞌu ñuu kan xiꞌin Jesucristo ra ku ndikachi loꞌo va.

Apocalipsis 21:23

Ra ñuu kan ra xiniñüꞌu ka ña, ña kutuun ñuꞌù nuu ña, ra ni yoo xiniñüꞌu ka ña kuyeꞌe nuu ña, saa chi ndiee Ndioxi ra kaꞌnu va ke yeꞌe nuu ña, ra tuun tu Jesucristo ra kuu ndikachi loꞌo va nuu ña.