Apocalipsis 14:2 - Mixteco Metlatónoc

² Ra saa xini soꞌo yu iin tachi chi ndivi, ra iin niniꞌi kuu iin ta kuu yuꞌu iin itia chee iin saa kuu, a iin ta kuu tu ta ndiee ni kani savi iin saa kuu, ra tachi ña xini soꞌo yu kan, ra ta kuu ta ^sakaꞌa kuaꞌa ni yuvi arpa, saa kuu.

Apocalipsis 14:2 Referans Kwoze

Apocalipsis 5:8

Ra te ndakiꞌin ra tutu kan, saa ra ndikun ndakusiti kumi saa ña tiaku kan xiꞌin oko kumi saa na xikuaꞌa kan nuu ra kuu ndikachi loꞌo kan, ra ^niꞌi takundiꞌi na arpa xiꞌin xikoo vali ña oro, ra iin chitu ndaa ña xiꞌin xuxa vaꞌa; ra xuxa vaꞌa kan ke kuu tuꞌun ña kaꞌan na yii na ndikun ichi Ndioxi xiꞌin ra.

Apocalipsis 1:15

Ra xaꞌa ra, ra yeꞌe ka vi ña iin ndiakua ta yeꞌe iin yuu kaa ña nani bronce, ña sakan kanata ini yavi xitun, nuu xixi ñuꞌu, saa kaa ña, chi yeꞌe ni ña; ra tachi ra, ra iin ta niꞌi koyo tiakuii iin nami chee, saa kuu tiaku kaꞌan ra, chi ndaku ni kaꞌan ra.

Apocalipsis 15:2

Ra saa xini tu yu iin ñaꞌa ña yeꞌe ni, ra ta kaa kuvi tiañuꞌu ra ndikavanuu ñùꞌù xiꞌin, saa kaa ña; ra yachi kan ndita na ^niꞌi arpa tun taxi Ndioxi, ra na yoꞌo kuvi na kuchuun xakanaa nuu kiti chee ñaꞌa xiꞌin naꞌna ri, ra nii tuni ri ndiñäni ndaꞌa na, a tiaan na.

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

Apocalipsis 18:22

Ra ndia nii ka tu kii sakäꞌa na arpa, ra nii tiyoo tïvi ka na, ra nii na tivi xiꞌin na xita, ra tïvi ka na yaa yaꞌya kaꞌnu ña kuu mii kun, ra ndia nii ka tu na xachiñu ndia ndia ka chiñu, köo ka, ra nii yuu ka̱tia̱ ña ndiko ñaꞌa käꞌa ka tu yuꞌu va.

Apocalipsis 11:12

Ra saa ndiee ka vi tiaku kaꞌan iin tachi, chi ndivi xiꞌin ndia, kachi ña saa: ―¡Na ndaa ndo chi yoꞌo! ―kachi ña. Ra saa nandaa ndia chi ndivi xiꞌin viko, ra kuni takundiꞌi va na sáa̱ ini xini ñaꞌa.

Apocalipsis 6:1

Ra te xini yu ndaxi ra kuu ndikachi loꞌo kan tuni ña nuu, saa ra xini soꞌo yu ndikaꞌan iin ña tiaku, ña nuu, ra iin ta kuꞌva kuu ta ndaꞌyu savi saa kuu, ra ^kachi ña saa: ―¡Naꞌa, ra kuni kun! ―*kachi ña.

Apocalipsis 1:10

Ra saa kuu iin kii yii domingo, ña kuu kuenda Ndioxi, ra iku loꞌo kan, xaa Tachi Yii Ndioxi ra ndixkoo ña xiꞌin yu, ra saa ndiee ka vi tiaku ndikaꞌan iin tachi chi sata yu, ra iin ta kuꞌva ndaꞌyu iin itun tu tivi na, saa kuu, ra ndiee ka vi ndikaꞌan ña xini soꞌo yu,

Apocalipsis 8:7

Ra te tivi ra tatun Ndioxi ra nuu kan itun tu niꞌi ra, saa ra ndikun xaꞌa ^kuun ni nduu ñíꞌi xiꞌin ñùꞌù ña ndikavanuu ni̱i̱ xiꞌin, ra ndixixi kuꞌva iin taꞌvi ñuꞌu yoꞌo xiꞌin itun kuii, xiꞌin takundiꞌi iku kuii.

1 Corintios 13:1

Ra vaꞌa ni na kaꞌan va yu ndia ndia ka nuu tuꞌun ña xïni yo, xiꞌin tuꞌun ña kaꞌan na tatun Ndioxi, ndi su tu köo ña kuꞌvi ini ña taxi Ndioxi iyoo nima yu, saa ra ta kuꞌva iyoo iin kaa ña kaxan mii sana yuꞌu va iyoo yu, a ta iyoo iin kaa xiyo ña kaꞌa mii sana yuꞌu va tu iyoo yu.