Apocalipsis 14:13 - Mixteco Metlatónoc

¹³ Ra saa xini soꞌo yu ndikaꞌan iin tachi xiꞌin yu chi ndivi kachi ña saa: ―Tiaa ña kaꞌan yu xiꞌin kun yoꞌo: “Chi vichin, ra iin saa ndia kii ña vaxi, ra tiaa ni vaꞌa kee yuvi na kuvi xaꞌa ña ndikun na Jesucristo”, ―kachi ña. Ra saa ndikaꞌan ka Tachi Yii kachi ña saa: ―Saa iyoo va ña, chi vichin ke ndakindiee na, ra sachïñu ka na, ra ndakiꞌin va na yaꞌvi na ndivi xaꞌa chiñu ña xa na nuu Ndioxi ―*kachi ña.

Apocalipsis 14:13 Referans Kwoze

Apocalipsis 20:6

Ra vaꞌa ni va kee yuvi na ndatiaku ña nuu, saa chi na yii va kuvi na. Ra te na xaa kii ña ndakuvi tuku na yuvi, ra kuchüun ka ña ndii kan ña ndakaꞌni ña na yoꞌo, saa chi xa sutu Ndioxi xiꞌin Cristo va nduu na, ra kaꞌndia na chiñu xiꞌin ra mil kuiya.

1 Tesalonicenses 5:10

Saa chi ña ndixiꞌi Tata yo Jesucristo, ra nii tiaku yo, ra nii na kuvi va yo, ra xiꞌin ra ke kutiaku va yo.

1 Tesalonicenses 4:16

Saa chi kii ña nandiko Tata yo Jesucristo kixi ra, ra ndiee ni va kaꞌan ra xiꞌin ndiayu ña kuu mii ra, ra ndiee ni tu kaꞌan iin ra tatun Ndioxi ra ndaku ni va, ra ndiee ni tu ndaꞌyu iin itun tun tivi va na. Saa ra xiꞌna ka va na ñani yo, na xa kandixa Tata yo Jesucristo, ra ndixiꞌi na kuvi na ndatiaku.

1 Corintios 15:58

Ra xaꞌa ña kan ke kuni yu ña ndinuni ni na kaka ndo ichi Ndioxi, ñani mii yu, ra iin takundiꞌi kii va na sachiñu ndo nuu Tata yo Jesucristo; saa chi vichin, ra xa ^kundaa va ini ndo, chi süvi ña uun kuvi ña xachiñu ndo nuu Tata yo Jesucristo.

Apocalipsis 19:9

Ra saa ndikaꞌan ra tatun Ndioxi kan xiꞌin yu kachi ra saa: ―Tiaa tuꞌun yoꞌo: “Vaꞌa ni kee yuvi na ^kana Ndioxi kuꞌun kuxini nuu iyoo viko, ña ^tandaꞌa ra ku ndikachi loꞌo”, kachi ra. Ra saa ndikaꞌan ka ra, kachi ra saa: ―Ña yoꞌo ku tuꞌun Ndioxi, ña ndixa ―*kachi ra.

Apocalipsis 21:5

Ra saa ndikaꞌan ra nduꞌu nuu tiayu kaꞌnu kan xiꞌin yu kachi ra saa: ―Vichin ra xa ndasa xaa yu takundiꞌi va ñaꞌa ―*kachi ra. Saa ndikaꞌan ka ra xiꞌin yu kachi ra saa: ―Tiaa tuꞌun yoꞌo, chi tuꞌun ña ndaa, ña ndixa ni kuvi ña ―*kachi ra.

Apocalipsis 6:11

Ra saa taxi Ndioxi tikoto yaa ndakundixi na, ra ndikaꞌan ra xiꞌin na ña na ndakindiee ka na saloꞌo tiempo, chi iyoo ka va na taꞌan na, na kumani ka kuvi ta kuꞌva ndoꞌo na yoꞌo xaꞌa ña ndikun na ichi Ndioxi.

2 Corintios 5:8

Ra ^ndiaa ini yo ra, ra kuni tu yo ña ndikun kee va yo ini iki kuñu ña kuu mii yo, ra kuꞌun yo koo yo xiꞌin va ra.

Apocalipsis 16:17

Ra saa kosondiee ra tatun Ndioxi, ra uxa kan, copa ña ^niꞌi ra sata tachi, ra saa ndiee ka vi ndikaꞌan iin tachi ini veꞌe ñuꞌu ña ndichi ndivi, nuu íin tiayu nduꞌu Ndioxi, kachi ña saa: ―Xa ndixinu ndiꞌi va chiñu ―*kachi ña.

1 Tesalonicenses 4:14

Ra ña xa kandixa yo ña ndixiꞌi Tata yo Jesucristo, ra ndiatiaku ra, ra mii saa ke sa tu Tata yo Ndioxi ña sandatiaku ra na ñani yo na xa ndixiꞌi va, ta xa na nandiko Tata yo Jesucristo kixi ra.

1 Corintios 15:18

Ra tu saa va iyoo ña, saa ra na xa kandixa Tata yo Jesucristo, ra ndixiꞌi na, ra ndikäku vi na.

Romanos 14:8

Chi ña tiaku yo, ra tiaku yo ña ndasakaꞌnu yo Jesucristo va, ra ta xa na kuvi tu yo, ra ndasakaꞌnu tu yo ra saa va. Ra xaꞌa ña kan ke ña tiaku yo, xiꞌin ña kuvi yo, ra xa saa ndaꞌa Tata yo Jesús ke iyoo va yo.

San Lucas 16:9

Ra saa ndikaꞌan ka Jesús kachi ra saa: ―Ña kuni yu kaꞌan yu xiꞌin ndo ke na kuniñuꞌu ndo ña kuika iyoo nuu ña yuuvi yoꞌo, ña sakanaa ndo yuvi kutaꞌan xiꞌin ndo, ra te xa na ndiꞌi ña, ra koo na ndakiꞌin mani ndoꞌo veꞌe nuu koo ndo ndia ndikaa ndikuꞌun.

San Mateo 3:17

Ra tiaku ndikaꞌan Ndioxi ndia ndivi ninu, kachi ra saa: ―Ra yoꞌo kuvi seꞌe yu, ra kuꞌvi ni ini yu xini yu ra, ra kusii ni ini yu xiꞌin ra ―kachi Ndioxi xaꞌa Jesús.

Apocalipsis 11:19

Ra saa ndanuña veꞌe ñuꞌu Ndioxi ña ndichi ndivi, ra ini veꞌe ñuꞌu kan tuvi íin xatun yii nuu ñúꞌu tutu yii ña kuu ndiayu Ndioxi ña kindoo ra xiꞌin na. Ra saa xaꞌa koyo taxa, ra iin niniꞌi kuu, ra iin kaꞌndi kuu kani savi, ra ndiee ka vi nditaan, ra ku̱u̱n ní tu nduu ñíꞌi va.

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

Apocalipsis 10:4

Ra te ndiꞌi ndikaꞌan uxa saa tachi ña ndasun ni kaꞌan kan, ra saa kuni yu tiaa yu ña ndikaꞌan ña, ra saa tuꞌva xini soꞌo yu iin tachi chi ndivi, ra ndikaꞌan ña xiꞌin yu kachi ña saa: ―Taxi vaꞌa tuꞌun ña ndikaꞌan uxa saa tachi, ña ndiee ni ndikaꞌan yoꞌo, ra tiäa kun ña ―kachi ña xiꞌin yu.

Apocalipsis 2:1

Ra saa ndikaꞌan ka Jesús xiꞌin yu kachi ra saa: Tiaa tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Éfeso, ra suꞌva ke kachi kun xiꞌin ra: “Ra ^niꞌi uxa kimi chi ndaꞌa kuaꞌa, ra ^xika tiañu uxa kaa oro ña xixi ñùꞌù nuu, kuvi ra kaꞌan xiꞌin kun, ña ^kachi ra saa:

Filipenses 2:17

Ra tu ña xiniñuꞌu kuvi ña soko yu mii yu nuu Ndioxi, ña kuvi yu, ña koo yu, ta kuꞌva iyoo ndutia ra soko na nuu ra, ra kusii va ini yu ña sa yu ña, saa chi saa kuvi tu ña iyoo chiñu ña xa ndoꞌo va ña kuu ña iin ñaꞌa ña soko ndo nuu Ndioxi. Ra kuni tu yu sakusii yu ini ndoꞌo va ña sa yu ña yoꞌo.

San Lucas 16:25

Ra saa ndakuiin ra Abraham kachi ra saa: “Na ndakaꞌan kun, chi ta ndixiyo kun ña yuuvi, ra vaꞌa ni va ndixiyo kun, saa chi ndixiyo ndiꞌi va ñaꞌa ña kuni kun. Ndi su ra Lázaro, ra ndoꞌo ni va ini ra yoꞌo. Ra vichin ra vaꞌa ni va kee ra, ra yoꞌo tu ndoꞌo ni ini va.

Apocalipsis 1:11

ra kachi ña saa xiꞌin yu: ―Yuꞌu ku ra nuu, ra yuꞌu ku ra ndia nuu ndiꞌi va, ra yuꞌu ku ra ndia kii xaꞌa, ra yuꞌu ku tu ra ndia kii ndiꞌi va. Ra tiaa ña ^xíní kun yoꞌo nuu iin tutu, ra na tiꞌvi kun ña kuꞌun ña nuu uxa veꞌe ñuꞌu ña iyoo chi Asia: veꞌe ñuꞌu ñuu Éfeso, xiꞌin veꞌe ñuꞌu ñuu Esmirna, xiꞌin veꞌe ñuꞌu ñuu Pérgamo, xiꞌin veꞌe ñuꞌu ñuu Tiatira, xiꞌin veꞌe ñuꞌu ñuu Sardis, xiꞌin veꞌe ñuꞌu ñuu Filadelfia, xiꞌin veꞌe ñuꞌu ñuu Laodicea ―kachi ña xiꞌin yu.

1 Corintios 15:20

Ndi su na kundaa ini ndo chi süvi saa iyoo ña, chi ña ndixa ke ndiatiaku va Tata yo Jesucristo nuu ña ndii; ra ra kan kuvi ra nuu vaꞌa ndatiaku nuu takundiꞌi yuvi na ndatiaku kii ña vaxi.

1 Timoteo 5:24

Ra xaꞌa ña kan ke te xa tava kun ndia ñani yo, ndia kuiso chiñu veꞌe ñuꞌu, ra xa te kachi yu xiꞌin kun ke na sa va kun, saa chi vaꞌa ni köo va na taxi kuachi xaꞌa yuvi ña ^xa na chiñu kiꞌvi, ndi su sava, ra kama va ndakuni yo na ña ^xa na ña, ra sava tu, ra naꞌa va saa kundaa ini yo xaꞌa na.

1 Timoteo 5:25

Ra mii saa kuvi tu ña kuu xiꞌin chiñu vaꞌa ña xa va na, saa chi sava, ra kama va kundaa ini yo xaꞌa ña, ra sava tu ra kuachi va saa kundaa ini yo xaꞌa ña, ndi su takundiꞌi chiñu ña ^xa yuvi ra kindöo seꞌé ña, chi ndatuvi ndiꞌi va xaꞌa ña.

Apocalipsis 2:7

Ra na veꞌe ñuꞌu, na xíni soꞌo ña kaꞌan Tachi Yii Ndioxi xiꞌin na, ra na tiaa ka soꞌo va na. Chi na kuchuun sakanaa nuu ña väꞌa, ra taxi yu kaxin na kuiꞌi ña kuun ndaꞌa itun tu taxi ña kutiaku na ndia ndixaa kii ndia ndixaa tiempo, itun kuiꞌi tu ndichi nuu ñuꞌú Ndioxi.”

Apocalipsis 22:17

Ra Tachi Yii Ndioxi xiꞌin na veꞌe ñuꞌu na kuu yasiꞌi ra kuu ndikachi loꞌo, ra suꞌva ke kachi na kana na: ―Naꞌa ndo ―kachi na. Ra yuvi na ^xini soꞌo, ra na kana tu na kan va yuvi ña kixi na, ra na íchi̱ ini ña kuni koꞌo na tiakuii, ra na kixi na, ra koꞌo na tiakuii ra taxi ña kutiaku na, ra koꞌo uun va na ra, chi köo yaꞌvi ra.