Apocalipsis 13:16 - Mixteco Metlatónoc

¹⁶ Ra xaꞌndia ri chiñu nuu takundiꞌi yuvi, na vali xiꞌin na naꞌnu, na kuika, xiꞌin na ndaꞌvi, na xika ndika, xiꞌin na xachiñu ndaꞌvi nuu yuvi ndi su köo yaꞌvi na, ña na ñani tuni chi ndaꞌa kuaꞌa na, a tiaan va tu na.

Apocalipsis 13:16 Referans Kwoze

Apocalipsis 20:4

Ra te ndiꞌi, saa xini yu ndita tiayu naꞌnu tu ^ndee na, na ndakiꞌin ndiayu ña ^sayuku na kuachi. Ra saa xini tu yu na xaꞌni na xaꞌa ña tuun ni xindikun na Jesucristo, xiꞌin xaꞌa ña kandixa na tuꞌun Ndioxi; ra nii ndikañüꞌu na kiti chee ñàꞌa kan, ra nii naꞌna ri, ra nii tuni ri ndiñäni tiaan na xiꞌin nii ndaꞌa na; ra ndatiaku va na xini yu, ra ndakiꞌin na ña kaꞌndia na chiñu xiꞌin Jesús mil kuiya.

Apocalipsis 19:20

Ra saa saka kuꞌun va na kiti chee ñàꞌa kan, xiꞌin ra maña ra kaꞌan ndoso tuꞌun ri, ra xa ña xituꞌun nuu ri xiꞌin ndiayu ri, ra sandaꞌvi ra kuaꞌa ni yuvi na xa ndiñani tuni kiti chee ñaꞌa kan, ña na kañuꞌu na naꞌna ri. Ra saa sakoꞌni tiaku va ra yoso kuayu yaa kan kiti chee ñaꞌa kan xiꞌin ra kaꞌan ndoso tuꞌun ri nuu mini ñuꞌù ña ^xixi xiꞌin ñuꞌú kaꞌndi.

Apocalipsis 7:3

Ra kachi ra saa xiꞌin na: ―Sandöꞌo ñaꞌa ndo ñuꞌú, xiꞌin tiañuꞌu, ra nii itun kuii, chi ndiakua te na sandiꞌi yo kani yo tuni tiaan na xa chiñu nuu Ndioxi yo, ra ndia saa ke na kuu tundoꞌo ñaa ―kachi ra.

Apocalipsis 19:18

ña kuu kuñu na ku rey, xiꞌin na kunaꞌnu ^xaꞌndia chiñu nuu na soldado, xiꞌin na ndaku, ra saa tu kuñu kuayu xiꞌin na ^yoso va ri, ra kaxi tu ndo kuñu takundiꞌi yuvi na ^xika ndika va, xiꞌin na ^xachiñu ndaꞌvi, xiꞌin na ku mii chiñu naꞌnu, xiꞌin na ndaꞌvi ―*kachi ra.

Apocalipsis 19:5

Ra saa xini soꞌo yu ndikaꞌan iin tachi ndia nuu íin tiayu kaꞌnu kan, ^kachi ña saa: Takundiꞌi ndoꞌo na ^xachiñu nuu Iva yo Ndioxi, ra saa tu ndoꞌo na ^xatoꞌo ñaꞌa va, xiꞌin ndoꞌo, na ku mii chiñu naꞌnu, ra saa tu ndoꞌo na ndaꞌvi va, ra ná ndasakaꞌnu ndo Ndioxi, kachi ña.

Apocalipsis 20:12

Ra saa xini yu na ndii: na kuu mii chiñu naꞌnu xiꞌin na ndaꞌvi, ra ndita na nuu Ndioxi. Ra saa ndanuña kuaꞌa ni libro, ra ^ndanuña tu libro nuu ^ndoso kivi na kutiaku xiꞌin Ndioxi va. Ra saa xandaku Ndioxi kuachi xiꞌin na ndii kan, ra ta kuꞌva iyoo mii chiñu ña xa na kachi libro kan ke, iyoo ña xa ra xiꞌin va na.

Apocalipsis 6:15

Ra na kuu rey nuu ña yuuvi yoꞌo, xiꞌin na kunaꞌnu, xiꞌin na kuika, xiꞌin na kunaꞌnu nuu na soldado, xiꞌin na iyoo ni ndiee ndaꞌa xiꞌin takundiꞌi na xachiñu tatu, xiꞌin takundiꞌi na xika ndika, ra tiseꞌe ndiꞌi va na yavi yuꞌu kava, xiꞌin tiañu kava naꞌnu.

Hechos 26:22

Ra mii va Ndioxi chindiee taꞌan xiꞌin yu, ña kan ke vaꞌa iyoo ndaku nima yu ndia vichin va, ra kaꞌan ndoso yu nuu takundiꞌi yuvi xaꞌa ra, ra nii na kuika kuvi na, ra nii na ndaꞌvi kuvi va tu na, chi iin nani kaꞌan yu xiꞌin va na. Ra iin ta kachi ra Moisés ña ndikaꞌan xaꞌa ña kuu, ra iin saa ke kachi tu ndia, ndikaꞌan ndoso tuꞌun yuꞌu Ndioxi xinaꞌa va, ra mii saa ke kachi tu yuꞌu va, ña kaꞌan yu xiꞌin yuvi:

Apocalipsis 15:2

Ra saa xini tu yu iin ñaꞌa ña yeꞌe ni, ra ta kaa kuvi tiañuꞌu ra ndikavanuu ñùꞌù xiꞌin, saa kaa ña; ra yachi kan ndita na ^niꞌi arpa tun taxi Ndioxi, ra na yoꞌo kuvi na kuchuun xakanaa nuu kiti chee ñaꞌa xiꞌin naꞌna ri, ra nii tuni ri ndiñäni ndaꞌa na, a tiaan na.

Apocalipsis 11:18

Ra na ndee nuu iinii saa ña yuuvi, ra sáa̱ ni ini na xini na yoꞌo, ndi vichin ke ndixaa kii ña ndukueꞌe kun xiꞌin va na. Ra sandaku kun kuachi xiꞌin takundiꞌi na ndixiꞌi, ra taxi kun ña vaꞌa ndaꞌa na ndikaꞌan ndoso tuꞌun kun, xiꞌin na yii na ndikun yoꞌo, xiꞌin na xatoꞌo kivi kun, xiꞌin na kuu mii chiñu naꞌnu, xiꞌin na ndaꞌvi na ndikun; ra sandiꞌi kun xaꞌa na ^sandiꞌi xaꞌa ña yuuvi, ^kachi ndia.

Colosenses 3:11

Ra xaꞌa ña kan ke ña xa nduu ndo yuvi xaa vichin, ra köo ka yaꞌvi ndiaa vi ña kuu ndo judío a süvi va tu ndo, ra saa tu ña iyoo tuni Ndioxi ndoꞌo, a köo va tu ña, ra saa tu ña kuu ndo na kee inka ñuu xika va, ra saa tu ña kuu ndo yuvi na ndikäꞌvi va, ra saa tu ña kuu ndo yuvi na iyoo ndika va, a ña kuu tu ndo na xachiñu ndaꞌvi va, saa chi indaa Cristo va kuvi ra iyoo yaꞌvi ndiaa nuu takundiꞌi va yo, ra ra kan kuvi tu ra iyoo nima va yo.

Efesios 6:8

Ra xa kundaa va ini ndo, chi nii na xika ndika kuvi ndo, ra nii na xachiñu ndaꞌvi kuvi va tu ndo, ra ta kuꞌva iyoo mii chiñu ña xa ndo ke ndachaꞌvi Tata Jesucristo ndoꞌo xaꞌa va.

Gálatas 6:17

Ra yoꞌo kuvi ña sandiꞌi yu kaꞌan yu xiꞌin ndo: ra na täva ka ndo kuachi xiꞌin yu xaꞌa takundiꞌi ña xa ndikaꞌan yu xiꞌin ndo xaꞌa, saa chi ya̱ndà ña iyoo sata va yu kuvi ña ndañaꞌa yuꞌu ña ^kuu yu, ra xika chiñu nuu Tata yo Jesucristo.

Gálatas 3:28

Ña kan ke vichin, ra vaꞌa ni na judío kuvi va yo, ra nii na griego kuvi va tu yo, ra nii na xachiñu ndaꞌvi nuu yuvi kuvi va tu yo, ra nii na xika ndika kuvi va tu yo, ra nii tiaa kuvi va ndia, ra nii na siꞌi kuvi va tu na, ra iin va nduu yo xiꞌin Cristo.

1 Corintios 12:13

Saa chi iin xiꞌin Tachi Yii ke chichi takundiꞌi va yo ña nduu yu iin iki kuñu xiꞌin Tata yo Jesucristo, ra yoo na judío, xiꞌin na küu judío, xiꞌin na xachiñu ndaꞌvi, xiꞌin na iyoo ndika, ra iin Tachi Yii ke ndakiꞌin takundiꞌi va yo.

2 Timoteo 3:8

Ra ndia ^sañaꞌa ña maña yoꞌo, ra ña ndaa va ke kundasi ndia, chi ta kuꞌva xa ra Janes, xiꞌin ra Jambres, ña ndixïin ndia kandixa ndia ña ndikaꞌan ra Moisés xinaꞌa va ke ^xa ndia. Ra yuvi na xa saa kan, ra ña ndiꞌi xaꞌa va kuvi ña xinituni na, ra nii Tata yo Ndioxi ndïkun ka vi na.