Apocalipsis 12:1 - Mixteco Metlatónoc

¹ Ra saa xini yu ^kuu iin ña chee ni nuu ndivi, ra suꞌva ke iyoo ña: Iin ña siꞌi ra ndixi ña ñuꞌù, ra ndikaa yoo tixi xaꞌa ña, ra iin xinu nduu uxi uvi kimi xini ña, ra ndañaꞌa ri ña kuu ri iin corona.

Apocalipsis 12:1 Referans Kwoze

San Lucas 21:25

Saa ndikaꞌan ka Jesús xiꞌin ndia itaꞌan xiꞌin ra, kachi ra saa: ―Ta xa na xaa kii ña ndiꞌi xaꞌa ña yuuvi yoꞌo, saa ra kuni na ña iyo ni kuu nuu ñuꞌù xiꞌin nuu yoo, xiꞌin takundiꞌi kimi; ra takundiꞌi yuvi na ndee nuu ñuꞌu yoꞌo, ra tiaa ni yuꞌvi na, ra iin sana suꞌva ini na xaꞌa ña kuni soꞌo na, ña ndiee ni iyoo kuu niꞌi yuꞌu tiañuꞌu ña kandita ra.

Efesios 5:32

Ra ña kaꞌan tuꞌun Ndioxi ña ^nduu na tandaꞌa iin yuvi, ra ña kaꞌnu ni va kuvi ña, saa chi kaꞌan tu ña xaꞌa Cristo xiꞌin na veꞌe ñuꞌu va ra.

San Marcos 13:25

Ra kimi, ri ndee nuu ndivi kaa, ra ko̱yo ndiꞌi va ri, ra takundiꞌi ñaꞌa ña ndee nuu ndivi kaa ra ndakanda ndiꞌi va ña.

San Lucas 21:11

Ra ndiee ni taan, ra kundikaa ni soko, ra koo ni tu kueꞌe va, ra tiaa ni iyo kuu ndivi kaa, ra kuu kuaꞌa ni ña ndichi.

Apocalipsis 21:23

Ra ñuu kan ra xiniñüꞌu ka ña, ña kutuun ñuꞌù nuu ña, ra ni yoo xiniñüꞌu ka ña kuyeꞌe nuu ña, saa chi ndiee Ndioxi ra kaꞌnu va ke yeꞌe nuu ña, ra tuun tu Jesucristo ra kuu ndikachi loꞌo va nuu ña.

Apocalipsis 15:1

Ra saa xini yu inka tuku ña iyo ni kuu nuu ndivi, ra uxa kuvi ndia tatun Ndioxi xini yu ndita, ra niꞌi ndia uxa nuu tundoꞌo ña kixi; ra yoꞌo ke ^xinu nuu ña ndukueꞌe ni ini Ndioxi xini ra na yuuvi.

Apocalipsis 12:3

Ra inka tuku va ña chee ni xini yu ^kuu nuu ndivi, ra suꞌva ke iyoo ña: Iin ko̱o̱ ñàꞌa chee kuvi ri kanata, ra ri kuaꞌa kuvi ri, ra uxa kuvi xini ri, ra iin iin corona ñuꞌu ña, ra iyoo tu uxi ndiki va ri.

Apocalipsis 11:19

Ra saa ndanuña veꞌe ñuꞌu Ndioxi ña ndichi ndivi, ra ini veꞌe ñuꞌu kan tuvi íin xatun yii nuu ñúꞌu tutu yii ña kuu ndiayu Ndioxi ña kindoo ra xiꞌin na. Ra saa xaꞌa koyo taxa, ra iin niniꞌi kuu, ra iin kaꞌndi kuu kani savi, ra ndiee ka vi nditaan, ra ku̱u̱n ní tu nduu ñíꞌi va.

Hechos 2:19

Ra sa yu ña iyo ni kuu nuu ndivi ni̱nù kuni na; ra kuni tu na kuaꞌa ni ña kuu nuu ñuꞌú va: saa chi kuni na takuu ña kuu nii xiꞌin ña kuu ñùꞌù xiꞌin ña kuu iꞌma.

San Mateo 24:30

Ra saa kuni takundiꞌi na ña kuu nuu ndivi, ña taxi kuꞌva nuu na ña xa kuyachin ni ndiko tuku yuꞌu, ra xaa yoꞌo kixi yu. Ra te xa na kuni takundiꞌi na ñuu yuuvi yoꞌo yuꞌu, ña kee yu ndivi vaxi yu iin nuu viko xiꞌin takundiꞌi ndiee yu ña kaꞌnu, saa ra yuꞌvi ni na ra kuaku ni na.

Gálatas 6:14

Ndi su yuꞌu, ra kuëe kuni yu ña kutiaa ini yu xaꞌa inka ñaꞌa, chi ña kutiaa ini yu xaꞌa kuvi ña ndixiꞌi Tata yo Jesucristo ndika cruz va. Saa chi xaꞌa ña ndixiꞌi Cristo, ra köo ka vi yaꞌvi ndiaa ñaꞌa ña iyoo nuu ña yuuvi ña ndiaa yaꞌvi ni nuu na yuꞌvi yoꞌo, ra nii ñaꞌa ña kutoo ni iki kuñu yu sa ña ke köo ka yaꞌvi ndiaa vi.

San Mateo 12:38

Saa ndikaꞌan sava ndia maestro sañaꞌa ndiayu Ndioxi, xiꞌin ndia fariseo, kachi ndia saa xiꞌin Jesús: ―Tata Maestro, kuni ndi na sa kun iin ña xituꞌun ña täan kuni ndi, ña vaꞌa na kundaa ini ndi ña ndixa Ndioxi kuvi ra tiꞌvi yoꞌo xaa kun ―kachi ndia xiꞌin ra.

Apocalipsis 21:14

Ra ndoꞌni uxi uvi yuu naꞌnu xaꞌa korra yuu kan, ra ndoso tu kivi uxi uvi saa ndia xindikun sata Jesús, ra kuu ndikachi loꞌo va, sata ta iin ta iin yuu kan.

Apocalipsis 1:20

Ra na ndatuꞌun yu xiꞌin kun vichin, ra na kundaa ini kun xaꞌa ña iyoo se̱ꞌè, ra ni ke kuni kachi uxa saa kimi ti xini kun ndee chi ndaꞌa kuaꞌa yu, ra ni ke kuni kachi tu uxa saa kaa oro ña xixi ñùꞌù nuu xini kun kan: Ra suꞌva ke kuni kachi ña: Uxa saa kimi kan kuvi uxa na tatun Ndioxi na ndiso chiñu xiꞌin uxa veꞌe ñuꞌu, ra uxa saa kaa oro ña xixi ñuꞌu nuu kan kuvi uxa veꞌe ñuꞌu va tu; ra ña yoꞌo va ke kuni kachi ña ―kachi ra xiꞌin yu.

Gálatas 3:27

Ra takundiꞌi yoo na nduu iin xiꞌin Cristo xaꞌa ña chichi yo, ra xa mii va ra kuvi ra isaꞌvi sata yo, ta kuꞌva iyoo iin tikoto xaa.

2 Corintios 11:2

Ra na kundaa ini ndo, chi tiaa ni va ndiꞌi ini yu xaꞌa ndo, ra mii va Ndioxi kuvi ra ^taxi ña ndiꞌi ini yu xaꞌa ndo; saa chi yuꞌu kuvi ra kindoo ña ndataxi yu ndoꞌo ndaꞌa iin tiaa ra tandaꞌa ndo xiꞌin, ra tiaa kan kuvi Cristo va, ra ña kuni yu ke ndataxi yu ndoꞌo ndaꞌa Cristo, ta kuꞌva iyoo iin ña loꞌo kuaan tiaki, ña täan kiꞌvi xiꞌin ndia nii tiaa.

Romanos 3:22

Saa chi Ndioxi va kuvi ra ^ndakiꞌin mani yuvi, xaꞌa ña ndiaa ini na Jesucristo, ra saa ^xa ra xiꞌin takundiꞌi va yuvi, saa chi nii judío kuvi na, ra nii süvi va tu na, ndi su ndakäxin ra na.

San Juan 3:29

Ra na kundaa ini ndo, chi ta ^kuu nuu iyoo viko tandaꞌa, ra ra íin xiꞌin ñaꞌa ña tandaꞌa kan va kuvi ra kuu yii ña, ndi su ra itaꞌan xiꞌin ra kuu yii ñaꞌa kan, ra nduꞌu yachin xitia ra, ra te xini soꞌo ra ña kaꞌan ra tandaꞌa kan saa ra tiaa ni va kusii ini ra xiꞌin ra; ra mii saa ke ndoꞌo tu yuꞌu va vichin, saa chi xa xiꞌin va yo íin ra xaa sakaku yoo, ña kan ke kusii ni ini yu.

Romanos 13:14

Chi ña xiniñuꞌu sa yo ke, na ndakundixi yo ndiee Tata yo Jesucristo va, ra na ndakäni ka ini yo, ña sa yo chiñu kiꞌvi ña kuni iki kuñu yo sa ña.

Gálatas 4:26

Ndi su ñuu Jerusalén ña iyoo chi ndivi va kuvi ña ndañaꞌa ña Sara ña kuëe ndixachiñu ndaꞌvi; ra seꞌe ñuu Jerusalén ña iyoo chi ndivi kan va kuvi yoo.