Apocalipsis 1:3 - Mixteco Metlatónoc

³ Ra vaꞌa ni kee yuvi na ^kaꞌvi tuꞌun Ndioxi, ña yii, ña vaxi nuu tutu yoꞌo, ra ^xini soꞌo na ña kaꞌan ña, ra kandixa na ña, saa chi xa kuyachin ni kii ña kuu ña ndikaꞌan Ndioxi.

Apocalipsis 1:3 Referans Kwoze

San Lucas 11:28

Ra saa ndakuiin Jesús kachi ra saa: ―Vaꞌa ni ka va kee yuvi na xini soꞌo tuꞌun Ndioxi, ra kandixa na ña kaꞌan ra xiꞌin na ―kachi ra.

Apocalipsis 22:10

Ra saa ndikaꞌan ka ra xiꞌin yu kachi ra saa: ―Chikäa seꞌé kun tuꞌun yii ña kaꞌan Ndioxi ña vaxi nuu tutu yoꞌo, saa chi xa ninumi ni va kuu ña kaꞌan ña.

Romanos 13:11

Ra numi ni va na sa ndo ña kaꞌan yu xiꞌin ndo xaꞌa yoꞌo, saa chi xaꞌa kuaꞌa ni va tiempo ndiyaꞌa, ra xa kii ndiꞌi va ke ndee yo vichin. Ra xa kii ña ndoto va yo kuvi ña, saa chi vichin, ra xa kuyachin ni ka va kii ña kaku yo sa Ndioxi, nuu kii ta sakan kandixa yo tuꞌun ra.

1 San Pedro 4:7

Ra na kundaa ini ndo, chi xa ndinumi ni va ndiꞌi xaꞌa ña yuuvi yoꞌo, ra xaꞌa ña kan ke kaxi ni va na koo ini ndo, ra ndinuni ni na kaꞌan ndo xiꞌin Tata yo Ndioxi iin takundiꞌi kii.

Apocalipsis 22:12

Ra saa ndikaꞌan ka Jesús kachi ra saa: ―Kuenda ni koo ndo chi kama ni va ndiko yu kixi yu, ra ndataxi yu yaꞌvi ta iin ta iin yuvi ndaꞌa na, ta kuꞌva iyoo mii chiñu ña ^xa va na.

2 San Pedro 3:8

Ñani yo, na näa ini ndo xaꞌa ña ^kaꞌan yu xiꞌin ndo yoꞌo vichin: Tata yo Ndioxi, ra tüvi vi ra kan, ta kuꞌva tuvi yoo xiꞌin kii a kuiya, saa chi nuu ra kan, ra iin kii, ra ta kuꞌva iyoo iin mil kuiya vi iyoo ña, ra iin mil kuiya ra ta kuꞌva iyoo iin kii va tu iyoo ña nuu ra.

Apocalipsis 22:20

Jesús ra ^ndakani xaꞌa tuꞌun yoꞌo, ña kuu ña ña ndixa, kuvi ra kaꞌan kachi saa: ―Ña ndixa kuvi va ña, kama ni va ndiko yu ―kachi ra. Saa iyoo ña. ¡Naꞌa, Tata Jesús!

San Mateo 24:15

’Ra vichin ke na kundaa ini ndo, chi vaxi kii ra kanata kiti ñaꞌa ri kundasi Ndioxi xini ra. Ra ri kan kuvi ri ndikaꞌan ra Daniel xaꞌa. Ra ta xa na kuni ndo kiti kan ña ndakunduꞌu ri nuu yii, ra saa ke kundaa ini ndo ña xa xaa kii ña vaxi tundoꞌo va ―na ^kaꞌvi, ra na kundaa ini na xiꞌin ña kaꞌvi va na―,

Romanos 13:12

Saa chi xa ñuú ni va kuvi ña, ra xa ndinumi ni va tu̱vì, ra xaꞌa ña kan ke na sä ka yo chiñu kiꞌvi ña kuni ña ñaa, chi ña xiniñuꞌu sa yo ke na ndakundixi yo ñaꞌa ña taxi Ndioxi kusaꞌvi sata yo nuu takundiꞌi ña väꞌa va, ra saa ke vaꞌa koo yo, ta kuꞌva iyoo soldado ndia xika nuu tuun ñuꞌù.

Apocalipsis 3:11

Ra na kundaa ini kun chi kama ni va ndiko yu xaa tuku yu, ra ná kandixa ni ka va kun yuꞌu, ra xa ta kuꞌva ^xa kun ke, ná sa va kun, ra saa ke ndia nii na kuchüun ndakiꞌin ña vaꞌa ña ni̱ꞌi̱ kun ku̱ꞌu̱n kun nuu Ndioxi.