1 Corintios 7:7 - Mixteco Metlatónoc

⁷ Ra ña kuni̱ yu ke, na koo kuaan takundiꞌi va tiaa, ta kuꞌva iyoo yuꞌu; ndi su sava na taxi Ndioxi ndiee ndaꞌa ña kuchuun na koo kuaan na, ra sava tu na taxi ra ndiee ndaꞌa ña tandaꞌa va na, ra xaꞌa ña kan ke xa siin xa siin va iyoo na.

1 Corintios 7:7 Referans Kwoze

1 Corintios 9:5

ra iyoo tu ndiayu ndi, ña ndakiꞌin ndi iin na kuꞌva yo ña kuu na yasiꞌi va ndi, ra kaka na xiꞌin ndi, ndia ndia ka nuu kuaꞌan ndi, ta kuꞌva iyoo ndia sava ndia xika chiñu nuu Tata yo Jesucristo, ta kuu ra Pedro, xiꞌin ndia ñani mii Tata yo Jesucristo.

Romanos 12:6

Ndioxi ra xaꞌa ña ^ndaꞌvi ni ini va ra kuvi ña ^taxi ra ña xini tuni ndaꞌa yo, ra xa siin xa siin va iyoo ña ndiniꞌi taꞌvi yo sa yo nuu ra. Ña kan ke tu sava yo, ndiniꞌi taꞌvi ña kaꞌan ndoso yo tuꞌun ña taxi ra nuu yuvi, saa ra na kaꞌan ndoso yo ta kuꞌva iyoo mii ña taxi ra ndaꞌa va yo xaꞌa ña ndiaa ini yo ra.

1 Corintios 12:4

Ra na kundaa ini ndo, chi iyoo iin tanuu va ña xinituni ña yii ña kuvi ndakiꞌin ta iin, iin yuvi, ndi su indaa Tachi Yii ke taxi takundiꞌi va ña.

1 Corintios 7:8

Ra ndoꞌo na kuaan, xiꞌin ndoꞌo na siꞌi na ndukuaan, ra ña vaꞌa ni va kuvi ña, tu saa na kindoo kuaan ndo, ña koo ndo ta kuꞌva iyoo yuꞌu.

1 Corintios 12:11

Ndi su indaa mii Tachi yii ke taxi ña xinituni ña yii ndaꞌa takundiꞌi va yuvi ña ^xa na takundiꞌi chiñu yoꞌo, ra ña xinituni ña yii ña kuni mii va Tachi Yii ke taxi ña ndaꞌa ta iin, iin va yuvi.

Hechos 26:29

Ra saa ndikaꞌan ra Pablo xiꞌin ra kachi ra saa: ―A kama, ra a kuachi va tu, ra süvi indaa yoꞌo kuvi ra na kandixa, chi ña kuni yu ke, na kandixa takundiꞌi va na ndee xini soꞌo yoꞌo vichin, ra koo ndo ta kuꞌva iyoo yuꞌu, ndi su kunüꞌni vi tu ndoꞌo xiꞌin yoꞌo kàà, taꞌan ña nuꞌni ndaꞌa yuꞌu ―kachi ra.

1 Corintios 9:15

Ndi su yuꞌu, ra kuëe ninduku yu yaꞌvi yu nuu ndo, ra ña tiaa yu tutu yoꞌo vichin, ra süvi yaꞌvi yu ke nduku yu nuu ndo. Saa chi nuu yuꞌu, ¡ra vaꞌa ka va na kuvi yu nuu ña koo yaꞌvi yu xaꞌa ña kaꞌan ndoso yu tuꞌun Ndioxi!