1 Corintios 3:5 - Mixteco Metlatónoc

⁵ Ra vichin na kundaa ini yo, ¿a ra chee ni ka kuvi yuꞌu, ra Pablo, ña kan ke ndikun ndo yuꞌu? ¿Ra a ra Apolos va tu kuvi ra chee tuvi ndo, ña kan ke ndikun ndo ra? Süvi saa iyoo ña, saa chi nduꞌu, ra takua ndia xachiñu va kuvi ndi nuu Ndioxi, ra nduꞌu kuvi tu ndia ndatuꞌun xiꞌin ndoꞌo ña vaꞌa kandixa ndo Tata yo Jesús va. Ra ta iin iin ndi ra ta iyoo mii chiñu ña taxi Tata yo Jesús ndaꞌa ndi ke xa va ndi.

1 Corintios 3:5 Referans Kwoze

2 Corintios 6:4

Ra xaꞌa ña kan ke ndañaꞌa ndi mii ndi ña xa iyoo nduvi va ndi ña sa ndi takundiꞌi va chiñu ña kuni Ndioxi, xiꞌin chiñu ña xa ndi, ta kuu ña xa ndiee ini ndi, xiꞌin takundiꞌi ña ndoꞌo ni ini ndi, xiꞌin tundoꞌo, xiꞌin ña xamani ñaꞌa nuu ndi, ra saa tu xiꞌin ña uꞌvi ña ^ndoꞌo va ndi.

2 Corintios 6:1

Ra xaꞌa ña kuu ndi ndia xachiñu nuu Ndioxi va kuvi ña xaku ndaꞌvi ndi nuu ndo, ña vaꞌa na kundäsi ndo ña vaꞌa ña ^taxi Ndioxi ndaꞌa ndo.

1 San Pedro 4:10

Saa chi Tata yo Ndioxi, ra kuaꞌa ni va ña xinituni kuu mii ra, ra xa iin iin tu ña taxi ra ndaꞌa ndoꞌo va, ra na chindiee taꞌan ndo xiꞌin na taꞌan ndo ta kuꞌva iyoo mii ña xinituni ña ndakiꞌin va ndo.

2 Corintios 3:6

Saa chi mii va Ndioxi kuvi ra ta̱xi ña xinituni ndaꞌa ndi ña kuu ndi ndia ^xachiñu nuu ra xiꞌin ndiayu xaa ña kindoo ra xiꞌin yo. Ra ndiayu xaa yoꞌo, ra kuëe inuu ña xiꞌin ndiayu ña ndikaꞌyu sata yuu ña kindoo Ndioxi xiꞌin ra Moisés, chi ndiayu ña kindoo ra xiꞌin yo vichin, ra Tachi Yii va kuvi ña taxi ña xinituni yo ña kandixa yo. Ra ndiayu ña kindoo Ndioxi xiꞌin ra Moisés ra ña xaꞌni va kuvi ña kan yoo, ndi su Tachi Yii, ra ña taxi kutiaku va yo kuvi ña kan.

2 Corintios 11:23

ra tu kutiaa tu ndia ña kuu ndia ndia xachiñu nuu Cristo, ra saa tu yuꞌu va; ra viꞌi ka va xachiñu yuꞌu nuu ndia ñaa. Ra vaꞌa ni ra yaꞌa xini va kuvi tu yu ña kachi yu saa xiꞌin ndo, ra ña ndixa ke viꞌi ni ka va xachiñu yuꞌu nuu ndia ñaa. Ra xa kuaꞌa ni tu ichi ^kani na yuꞌu va, ra xa kuaꞌa ni tu ichi chikaa na yuꞌu veꞌe kàà va, ra xa kuaꞌa ni tu ichi kuni kuvi va yu.

2 Corintios 4:7

Ra nima va yo kuvi ña, iyoo ñùꞌù ña yeꞌe yoꞌo, vichin, ndi su yoo ra ta kuꞌva iyoo kisi ñuꞌu ña ndasu va ke iyoo yo, ra iyoo ña vaꞌa ña ndiaa yaꞌvi ni yoꞌo ini yo. Ra xiꞌin ña yoꞌo ke kundaa kaxi ini yo ña köo vi ndiee yo, chi Ndioxi va kuvi ra kuu mii ndiee ña kaꞌnu.

2 Corintios 4:5

Ra ña xika ndi kaꞌan ndoso ndi tuꞌun Ndioxi, ra käꞌan ndoso ndi xaꞌa mii ndi, chi xaꞌa Jesucristo va ke kaꞌan ndoso ndi ña kuu ra Tata yo; ra ña kaꞌan tu ndi xaꞌa mii ndi ke kuu ndi, ndia xachiñu nuu ndoꞌo xaꞌa ña kundaꞌvi ini Tata yo Jesucristo xini ra yoo va.

2 Corintios 3:3

Ña kan ke ndoꞌo, ra ta iyoo tutu ña tiaa mii Cristo va ke iyoo ndo, ra ndataxi ra ndoꞌo ndaꞌa ndi. Ra süvi tutu ña ndikaꞌyu xiꞌin ndutia ra kaꞌyu kuvi ña nditiaa ra ña, chi xiꞌin Tachi Yii Ndioxi, ra tiaku va kuvi ña tiaa ra ña; ra nii süvi tu sata iin yuu ke nditiaa ra ña, chi nima va ndo ke tiaa ra ña.

1 Corintios 3:10

Ra yuꞌu, ra Ndioxi va kuvi xa ña mani xiꞌin yu, ra taxi ra ndiayu ndaꞌa yu ña koo yu ta kuꞌva iyoo iin tiaa ra ndichi ra ndiso chiñu xavaꞌa iin veꞌe, ra yuꞌu kuvi ra xakin xaꞌa va ña, ra inka kuvi tu na sakuaꞌnu va ña. Ndi su ña xiniñuꞌu sa na sakuaꞌnu ña ke na kiꞌin vaꞌa xini na, ra vivii va na sakuaꞌnu na ña.

1 Corintios 12:28

Ra xa kundaa va ini ndo, chi mii va Ndioxi kuvi ra ^taxi iin, iin chiñu ndaꞌa ta iin, iin yuvi, ña sachiñu na xiꞌin veꞌe ñuꞌu: ta kuu na xika chiñu nuu Tata yo Jesucristo, xiꞌin na kaꞌan ndoso tuꞌun ña ^taxi Ndioxi, xiꞌin na sañaꞌa yuvi, xiꞌin na ^xa ña xituꞌun, xiꞌin na ^sandaꞌa yuvi, xiꞌin na ^chindiee taꞌan xiꞌin yuvi, xiꞌin na xaꞌndia chiñu nuu na veꞌe ñuꞌu, xiꞌin na kaꞌan ndia ndia ka nuu tuꞌun ña xïni yo.

1 Corintios 9:17

Ra tu ña kaku xini mii yu ke na sa yu chiñu yoꞌo, saa ra koo va yaꞌvi yu, ndi su süvi saa iyoo ña, chi Ndioxi va kuvi ra xaꞌndia chiñu nuu yu ña ^kaꞌan ndoso yu tuꞌun ra, ra xaꞌa ña kan ke xiniñüꞌu vi koo yaꞌvi yu xaꞌa chiñu ña ^xa yu.

1 Corintios 3:7

Ra xaꞌa ña kan ke, süvi ra chee vi kuvi ra chíꞌí ña, ra nii süvi ra chee kuvi tu ra kósó va ña, chi indaa Ndioxi va kuvi ra chee, saa chi ra kan va kuvi ra sakuaꞌnu ña.

San Juan 3:27

Ra saa ndakuiin ra Juan kachi ra saa: ―Ndia nii yuvi ra küvi sa na iin chiñu tu na täxi Ndioxi ndiayu ndaꞌa na ña sa na ña.

San Lucas 1:2

Ra iin ta sañaꞌa ndia xitaꞌan xiꞌin Jesús ta yachi ke ndatiaa va ndia, saa chi ndia xitaꞌan xiꞌin Jesús kuvi ndia xini nuu takundiꞌi ña xa va ra, ra nuu mii ndia kan ke xaꞌndia Jesús chiñu ña na kaꞌan ndoso ndia tuꞌun va ra.

San Mateo 25:15

Ra iin ra taxi ra uꞌun mil xuꞌun ndaꞌa, ra inka ra taxi ra uvi mil ña ndaꞌa, ra inka ra taxi ra iin mil va ndaꞌa, ra kuꞌva ña kiꞌin ra kuenda kundiee ndia xiꞌin va ke, taxi ra ndaꞌa ndia. Ra te ndiꞌi, saa ra ndakiꞌin ra kuaꞌan va ra.

Colosenses 1:25

Ra xaꞌa ña kuni Ndioxi ña na koo vaꞌa ndoꞌo, na veꞌe ñuꞌu va kuvi ña, taxi ra chiñu ndaꞌa yu, ña na sachiñu yu nuu ndo, ña chindiee taꞌan yu xiꞌin ndo, ra tiꞌvi tu ra yuꞌu, ña na kuꞌun yu ña saxinu yu kaꞌan ndoso yu tuꞌun va ra.

Efesios 3:7

Ra xaꞌa ña tiayu ni ini Ndioxi va kuvi ña ndikaxin ra yuꞌu, ña sachiñu yu nuu ra ña kaꞌan ndoso yu tuꞌun ra, xiꞌin ndiee kaꞌnu ña kuu mii ra.

Hechos 18:24

Ra nani saa kuu ra Pablo xika ra inka xiyo. Ra saa ndixaa iin ra judío ra nani Apolos ñuu Éfeso, ra ra ñuu Alejandría kuvi ra. Ra ndichi ni ra chi vaꞌa ni ndakani ra tuꞌun Ndioxi nuu yuvi, ra xini ni tu ra xiꞌin tutu nuu vaxi tuꞌun Ndioxi va.

Hechos 19:1

Ra nani saa kuu ra Apolos xika ra ñuu Corinto, ra ra Pablo tu xika niꞌni chi ñuu ña ndoꞌni chi iku va, ra iin saa kuu ra saa ndixaa ra ndia ñuu Éfeso va, ra ikan ndakutaꞌan ra xiꞌin sava ka ndia ndikun Jesús.

Romanos 15:16

ña xachiñu yu nuu Jesucristo, ra chindiee taꞌan yu xiꞌin yuvi na küu judío. Ra chiñu ña ^xa yu ke kaꞌan ndoso yu tuꞌun vaꞌa xaꞌa Jesucristo nuu va na, ra xiꞌin ña yoꞌo ke kuvi kuyachin na nuu Ndioxi, ra koo na ta kuꞌva iyoo ñaꞌa ña soko na nuu Ndioxi, saa chi xa mii Tachi Yii va kuvi ña ndasa yii na.

1 Corintios 3:22

Ta kuu yuꞌu, ra Pablo, xiꞌin ra Apolos, xiꞌin ra Pedro, ra saa tu takundiꞌi ñaꞌa ña iyoo va, saa chi xa kuenda mii ndo kuvi tu ña kan va: Ta kuu ña tiaku yo, xiꞌin ña kuvi yo, xiꞌin ña ^kuu kii ña ndee yo vichin, xiꞌin ña kuu kii ña vaxi;

1 Corintios 16:12

Ra ndikaꞌan ni tu yu xiꞌin ra ñani yo Apolos va ña na xaa ra xiꞌin ndia ñani yo ña kotoꞌni ndia ndoꞌo, ra ndiküvi vi xaa ra vichin, ndi su ta xa na kuvi ra xaa va tu ra.

2 Corintios 4:1

Xaꞌa ña kan ke kuëe nandiko ini ndi, xaꞌa ña xa ndi chiñu yoꞌo, chi xaꞌa ña ndaꞌvi ini Ndioxi va kuvi ña sakuiso chiñu ra nduꞌu xiꞌin chiñu yoꞌo.

2 Corintios 5:18

Ra mii va Ndioxi kuvi ra ^xa takundiꞌi ña yoꞌo xiꞌin yo, saa chi mii va ra kuvi ra ndachutaꞌan mani yoo xiꞌin mii ra, xaꞌa ña xa Cristo, ra taxi ra chiñu ra ndaꞌa ndi, ña na kaꞌan ndoso ndi tuꞌun ra nuu takundiꞌi yuvi ña vaꞌa na ndakutaꞌan mani na xiꞌin ra.

Colosenses 1:23

ra ña vaꞌa na xaa ndo nuu Ndioxi, ra ña xiniñuꞌu va kuvi ña ndaku ni na koo nima ndo, ña kundikun ndo Tata yo Jesucristo, ña vaꞌa na ndaköo ndo tuꞌun vaꞌa xaꞌa Tata yo Jesucristo ña xini soꞌo ndo. Ra tuꞌun vaꞌa yoꞌo, ra xa iinii kuvi va nuu ña yuuvi xini soꞌo na ña, ra suvi kuvi tu ña kaꞌan ndoso yuꞌu, ra Pablo va.

1 Timoteo 1:12

Ra ndataxi ni yu tixaꞌvi ndaꞌa Tata yo Jesucristo, saa chi ra kan kuvi ra taxi ndiee yu ña vaꞌa kaꞌan ndoso yu tuꞌun ra, ra xindiaa ini ra yuꞌu ña kuchuun yu sachiñu yu nuu ra, ña kan va ke taxi ra ndiayu sachiñu yu nuu ra.