1 Corintios 13:3 - Mixteco Metlatónoc

³ Ra vaꞌa nii na ndataꞌvi tu yu takundiꞌi va ñaꞌa ña iyoo nuu yu xiꞌin na ndaꞌvi, ra nii na ndataxi tu yu mii yu ña koko yu xaꞌa va na, ndi su tu köo ña kuꞌvi ini ña taxi Ndioxi iyoo nima yu, saa ra ^köo yaꞌvi ndiaa vi ña sa yu saa.

1 Corintios 13:3 Referans Kwoze

San Juan 15:13

Ra iin ña kuꞌvi ini ña chee ni kuvi ña, taxi yuvi mii na ña kuvi na xaꞌa na itaꞌan xiꞌin na.

San Mateo 23:5

Ra takundiꞌi chiñu ña xa ndia, ra süvi ña xatoꞌo ndia Ndioxi ke xa ndia ña, chi ña kuni ndia kindoo vaꞌa ni ndia nuu na ñuu va ke xa ndia ña. Ra xaꞌa ña kan ke iin niꞌi savi ndia tutu ña ndoso tuꞌun Ndioxi nuu xika ndia, ra ndia nuu tikoto ndia xiꞌin tiaan va ndia ndee tuꞌun Ndioxi xika ndia, ra xinisii ni tu ndia kundixi ndia tikoto ña nani ni iꞌva yuꞌu va ña vaꞌa na kuni yuvi ra kaꞌan na xaꞌa ndia, ña ndinuni ni ndikun ndia Ndioxi.

Gálatas 5:26

Ra na kutiäa ni ini yo xiꞌin mii yo, saa chi tu saa na sa yo, ra kuachi va kuvi ña xavaꞌa yo xiꞌin inka yuvi, ra nii na ndukuïni tu ini yo kuni taꞌan va yo.

San Lucas 18:28

Ra saa ndikaꞌan ra Pedro xiꞌin Jesús kachi ra saa: ―Tata, nduꞌu, ra ndakoo ndiꞌi va ndi ñaꞌa ndi, ra ndakundikun ndi yoꞌo, xika ndi xiꞌin kun ―kachi ra.

Hebreos 13:9

Ra xaꞌa ña kan ke täxi ndo ña sandaꞌvi inka yuvi ndoꞌo, ña sañaꞌa na inka tuꞌun ña kuëe inuu xiꞌin ña sañaꞌa Tata yo Jesucristo ndoꞌo. Saa chi vaꞌa ka va mii Tata yo Jesucristo na taxi ndiee yo xaꞌa ña kuꞌvi ini ra xini ra yoo, nuu ña kandixa yo ndiayu yata ña kaꞌan xaꞌa ndia ñaꞌa ke vaꞌa kaxi yo, ra ndia ñaꞌa ke küvi kaxi yo, saa chi ña yoꞌo, ra kuëe chindiee taꞌan vi ña xiꞌin yo.

1 Timoteo 4:8

Ra vaꞌa ni ña ndixa ke vaꞌa va ña xa nduxa yo ña xinu yo ña ndataya iki kuñu yo, ndi su ña vaꞌa ni ka va ke na sa nduxa yo ña sa yo chiñu vaꞌa ña kuni Tata yo Ndioxi, saa chi ña kan, ra ^chindiee taꞌan ña xiꞌin yo ña tiaku yo vichin, ra chindiee taꞌan tu ña xiꞌin yo ña kutiaku yo kii ña vaxi va.

San Juan 12:43

Saa chi kuni ka va na, ña na kaꞌan vaꞌa ni na yuuvi yoꞌo xaꞌa na, nuu ña kaꞌan vaꞌa Ndioxi xaꞌa na.

San Lucas 18:22

Ra te ndiꞌi xini soꞌo Jesús ña ndikaꞌan ra, ra saa ndikaꞌan Jesús kachi ra saa xiꞌin ra: ―Iyoo ka va iin ña kumani nuu kun: Xiko takundiꞌi ñaꞌa ña iyoo nuu kun, ra ndataꞌvi kun xuꞌun xiꞌin na ndaꞌvi, ra saa ke taxi Ndioxi ña kuika ña iyoo ndivi ndaꞌa kun vaxi kii. Ra te xa na ndiꞌi, ra na kixi kun kundikun kun yuꞌu ―kachi Jesús xiꞌin ra.

Hechos 21:13

Ra saa ndakuiin ra, kachi ra saa: ―Xäku ndo, chi ndia yuꞌu va sakusuchi ndo ini. Saa chi yuꞌu ra xa iyoo nduvi va yu, ña kunuꞌni yu kuꞌun yu veꞌe kàà, ra saa tu ña kuvi yu ñuu Jerusalén va, xaꞌa Tata yo Jesús ―kachi ra.

San Juan 13:37

Ra saa ndikaꞌan ra Pedro xiꞌin ra kachi ra saa: ―Tata, ¿nichuun ke küvi kuꞌun yu xiꞌin kun vichin? Chi yuꞌu, ra xa iyoo nduvi va yu ña kuvi yu xaꞌa kun ―kachi ra.

San Juan 6:63

Ra saa ndikaꞌan ka ra xiꞌin na kachi ra saa: ―Tachi Ndioxi va kuvi ña taxi ña tiaku; ra ndiee ña kuu mii yuvi ra köo mii ña kuchuun ña sa vi ña. Ra tuꞌun ña ndikaꞌan yu xiꞌin ndo, ke taxi ña tiaku nima yuvi va.

San Lucas 19:8

Ra ta xa ndee ndia veꞌe ra Zaqueo, ra saa ndakundichi ra Zaqueo ra ndikaꞌan ra xiꞌin Jesús kachi ra saa: ―Tata, na kundaa ini kun chi kuni yu ndataꞌvi yu iin sava ñaꞌa ña iyoo nuu yu xiꞌin na ndaꞌvi. Ra tu ndia na sandaꞌvi yu, ra viꞌi ka va xuꞌun ndakiꞌin yu ndaꞌa na, ra ndia kumi va ichi sandiko yu ña ndaꞌa na vichin ―kachi ra.

Filipenses 2:3

Ra ta ^xa ndo iin chiñu, ra na sä ndo ña xaꞌa ña kuni ndo keetaꞌan ndo xiꞌin taꞌan ndo, a xaꞌa ña kutiaa tu ndo nuu taꞌan va ndo, chi na sa ni̱nu̱ va ndo xiꞌin mii ndo, ra ña xiniñuꞌu sa ndo ke na ndakani ini ndo xaꞌa inka na ña ndiaa yaꞌvi ni va na.