San Mateo 26:36 - Mixtec Jamiltepec

³⁶ Tyicuan ta chaa̱ ra Jesús chihin ra cachicá noo chihin ra noo nu nañí Getsemaní, ta catyí ra chi ra: ―Cu̱nyicu ndo ihya, cha nɨri ca cha cuahin yucuan, cua cacan tahvi.

San Mateo 26:36 Referans Kwoze

San Mateo 26:42

Nu cu uvi chaha chaha̱n ra, ta chica̱n tahvi ra tyehe caa: ―Sutu Mañi yuhu, tatu ma cuvi cha ma nyehi tɨndoho ihya, tu tyicuan caa, na cuvi maa cuhva cuñún ―catyí ra.

San Mateo 26:39

Tyicuan ta cuahan ra Jesús chiin ca ityi nuu ca ta chicuiñi̱ chɨtɨ ra ta chacu̱n ra nuu ra nu ñuhú, ta chican tahvi ra chi Nyoo ta catyí ra: ―Sutu Mañi yuhu, tu yoho ta cuñun, cu̱hva cha ma nyehi tɨndoho ihya. Soco ma cuvi tari cuhva cha cuñí mai, soco tari cuhva cuñí maun na cuvi ―catyí ra.

Hebreos 5:7

Ta quɨvɨ chiyo̱ ra Cristo ihya sɨquɨ ñuhu ñayɨvɨ̱, chica̱n tahvi ra chi Nyoo, ta chacu̱ chaa ra ta caha̱n ra chihin Nyoo vatyi ican ra cuví ra iyó tunyee iñi chii cha sacacu̱ chi ra ndaha tuhun chihi. Ta Nyoo chiñi̱ ra tuhun caha̱n ra vatyi sacuvi̱ ra tandɨhɨ cha catyi̱ Nyoo.

San Mateo 6:6

Soco nyoho ñáá quɨvɨ cacan tahvi ndo chi Nyoo, ma cacan tahvi ndo tacuhva nyehe ri ñáyɨvɨ chi ndo. Soco quɨ̱hvɨ ndo chichi vehe ndo ta na̱casɨ ndo yuvehe ta ca̱can tahvi ndo chihin tandɨhɨ añima ndo. Ta noo tuhun ri maa Nyoo Sutu yo nyehe ra cha sacuvi ndo tyicuan caa vatyi nuu maa ra chicán tahvi ndo, ta ñima nuu ñáyɨvɨ. Ta cuaha ca cha vaha cucuhva ra chi ndo.