San Mateo 22:21 - Mixtec Jamiltepec

²¹ Ta nacaha̱n ra ta cacatyí ra: ―Chi ra nyacá ñaha. Tyicuan ta catyí ra Jesús chi ra: ―Cu̱hva ndo chi ra nyaca ñaha cha tahán chi chi ra, ta cu̱hva tucu ndo chi Nyoo cha tahán chi chi Nyoo ―catyí ra.

San Mateo 22:21 Referans Kwoze

Romanos 13:7

Cu̱hva ndo cha tahán chi chi minoo minoo ñáyɨvɨ. Tyi̱yahvi ndo cha cuenda ñáá cha tahán chi tyiyahvi ndo cha cuenda cha vaha chi ñuu ndo. Ta qui̱chaha ndo chi ñu cha tahán chi quichaha ndo. Ta sa̱ha ndo ñáyɨvɨ chi ñu cha tahán chi saha ndo ñáyɨvɨ.

Hechos 4:19

Soco ra Pedro ta ra Juan canacaha̱n ra ta catyí ra: ―Ndi̱chi xiñi nyoho ta nye̱he ndo tatu vaha ca cha quichaha ndi chi maa ndo o vaha ca cha quichaha ndi chi Nyoo.

San Mateo 22:37

Ta catyí ra Jesús chi ra: ―“Cu̱ñun chi Sutu Mañi yo Nyoo chihin cha nɨɨ iñun ta chihin cha tandɨhɨ añimon, ta chihin cha tandɨhɨ cha chiñi tuñi xiñun.”

San Lucas 23:2

Tyicuan ta quichaha cacatyi ra chi ra Pilato: ―Ra ihya, satɨvɨ́ ra chi ñáyɨvɨ chihin cha cahán ra nuu ñu, ta catyí ra vatyi ña vaha tyiyahvi ndi xuhun chi gobiernu ñuu Roma. Ta sɨɨn ri catyí ra vatyi ra Cristo ra cha saquichi Nyoo vatyi cuvi ra rey cuví ra ―cacatyí ra.

Hechos 5:29

Tyicuan ta nacaha̱n ra Pedro ta inga ra apóstol, ta catyí ra: ―Nyaá sɨquɨ ndi cha quichaha xihna ca ndi chi Nyoo ta ñima ca chi rayɨɨ.

San Mateo 4:10

Tyicuan ta nacaha̱n ra Jesús ta catyí ra chi cuihna cuan: ―Ca̱nyaha chuun nui, yoho cuihna. Vatyi tuhun cahán Nyoo nyaá chi nu tutu ta catyí chi tyehe caa: “Noo ri chi maa Nyoo sa̱cahnu yo. Ta ɨɨn ri chi maa ra qui̱chaha yo.”

San Mateo 22:20

Ta cuhva cha nanyehe̱ ra Jesús, ta quichaha̱ ndaca tuhun ra chi ra: ―¿Yóó chi nuu ta yóó chi sɨvɨ nyaá ihya?

San Marcos 12:17

Tyicuan ta catyí ra Jesús chi ra: ―Cu̱hva ndo chi gobiernu cha tahán chi chi ra. Ta cu̱hva tucu ndo chi Nyoo cha tahán chi Nyoo ―catyí ra Jesús chi ra. Ta iyo cacuñí ra tuhun cha nacaha̱n ra.

San Lucas 20:25

Tyicuan ta catyí ra Jesús: ―Tu tyicuan caa, cu̱hva ndo xuhun chiña chi ra cuví gobiernu cuan vatyi chi maa ra tahán chi. Ta cu̱hva tucu ndo chi Nyoo cha tahán chi chi ra ―catyí ra Jesús chi ra.