San Mateo 19:26 - Mixtec Jamiltepec

²⁶ Tyicuan ta nanyehe̱ ra Jesús nu nyicú ra ta catyí ra: ―Ñáyɨvɨ ma cuvi sacuvi ñu tyehe caa, soco Nyoo cuví sacuvi ra tandɨhɨ.

San Mateo 19:26 Referans Kwoze

San Lucas 1:37

Vatyi Nyoo ñahri cha ma cuvi sacuvi ra ―catyí ángel chi ña.

San Lucas 18:27

Tyicuan ta ra Jesús catyí ra: ―Tandɨhɨ cha ña cuví sacuvi rayɨɨ, Nyoo cuví sacuvi ra ―catyí ra.

San Marcos 10:27

Nanyehe̱ ra Jesús chi ra ta catyí ra chi ra: ―Ñáyɨvɨ ña cuví sacuvi ñu ihya. Soco Nyoo cuví chi ra. Vatyi cha cuenda Nyoo ñahri cha yɨɨ sacuvi ra.

San Mateo 19:25

Cha cachiñi̱ ra cachicá noo chihin ra tuhun ihya, iyo xaan cacuñi̱ ra, ta quichaha̱ candaca tuhun ra chi ra tahan ra, ta cacatyí ra: ―Tu tyicuan caa, ¿yóó cha cuví cacu vii?

San Mateo 19:27

Tyicuan ta quichaha̱ catyí ra Pedro chi ra: ―Sutu Mañi yuhu, nyuhu tandɨhɨ maa cha iyó chi ndi sandoo̱ ndi ta nyicón ndi chuun. ¿Ñáá cha cuñihi ndi? ―catyí ra chi ra.