San Lucas 19:39 - Mixtec Jamiltepec

³⁹ Tyicuan ta suhva ra fariseo cha cuahan coyo chihin ñáyɨvɨ cuan quichaha cacatyi ra: ―Maestro, sa̱cutaxin chi ñu nyicón chuun ―cacatyí ra.

San Lucas 19:39 Referans Kwoze

San Mateo 23:13

’¡Ndahvi nyoho ra sacuahá ley vehe ñuhu, ta ra fariseo! ¡Ndahvi nyoho cha sahá ndo tyi vaha ndo! Vatyi chasɨ́ ndo yuvehe nu nyacá ñaha Nyoo, tacuhva ma cuvi quɨhvɨ ñáyɨvɨ. Ta ni ri maa ndo ña quɨhvɨ́ ndo ta ni ña chahá ndo cha quɨhvɨ ñáyɨvɨ, ñu cuñí quɨhvɨ.

Santiago 4:5

¿Atu cha caha ri catyí nu tutu Nyoo vatyi Tatyi Ii cha chahá Nyoo coo añima yo, cuñí xaan chi chi yo, ta cuiño xaan chi chi yo? Cuñí Nyoo cha ɨɨn ri chi maa ra cua cuñi xaan yo.

San Juan 12:19

Tyicuan ta ra cuví fariseo cacatyí ra chi ra tahan ra: ―Cha nyehé maa ndo tyi ñahri maa cuví sacuví yo, vatyi tandɨhɨ ñáyɨvɨ nyicón chi ra ―cacatyí ra.

San Juan 12:10

Tyicuan ta ra cacuví nuu chi tata sutu catyihi̱ tahan ra tuhun vatyi cucahñi tucu ra chi ra Lázaro ñandɨhɨ.

San Mateo 2:7

Tyicuan ta cana̱ xehe ra Herodes chi ra chiñi tuñi cuan, ta ndaca̱ tuhun ra chi ra ñáá cuhva ta ñáá quɨvɨ caña̱ tiñoo cuan.