San Lucas 18:42 - Mixtec Jamiltepec

⁴² Tyicuan ta catyí ra Jesús chi ra: ―Na̱nyehe. Cha nduvaha̱ chɨtɨ nuun, vatyi chinó iñun chii ―catyí ra.

San Lucas 18:42 Referans Kwoze

San Lucas 17:19

Tyicuan ta quichaha catyí ra chi ra cuan: ―Ndu̱cuita ta cua̱han. Nduvahu̱n vatyi chinó iñun ―catyí ra Jesús chi ra.

San Lucas 8:48

Yucuan ta catyí ra Jesús chi ña: ―Yoho sɨhi, cha nduvahu̱n vatyi chinó iñun chii. Cua̱han chihin cha vaha ―catyí ra.

San Mateo 8:3

Tyicuan ta sanacaa̱ ra Jesús ndaha ra ta tɨɨ̱n ra chi ra, ta catyí ra: ―Cuñí sanduvahi chuun. Ta na nduvahun vityin ri ―catyí ra. Ta caa cuhva ri cuan ta nduvaha̱ nu tyahyu̱ cuan.

San Lucas 7:50

Tyicuan ta quichaha catyí ra Jesús chi ñaha sɨhɨ cuan: ―Cua̱han vityin, cha cacu̱n vatyi chinó iñun chii. Cua̱han chihin cha vaha ―catyí ra chi ña.

San Mateo 9:22

Soco ra Jesús nanyocava̱ ra nanyehe ra chi ña, ta catyi ra chi ña: ―Ndunɨɨ iñun sɨhi, cha nduvahu̱n vatyi chinó iñun ―catyí ra. Ta caa cuhva ri cuan ta nduvaha̱ ña.

San Mateo 15:28

Tyicuan ta catyí ra Jesús chi ña: ―Sɨhi ¡ñana cha chinó xaan iñun chii! Cua sacuvi tari cuhva cuñún. Ta caa cuhva ri cuan ta nduvaha̱ sehe ña.

San Lucas 18:41

―¿Ñáá cha cuñún vatyi sacuvi chuun? Tyicuan ta ra cuaa cuan nacahan ra, ta catyí ra: ―Sutu Mañi yuhu, cuñí nanyehi ―catyí ra.